သံစဉ်မဲ့အလင်္ကာများ

အွန်လိုင်းစာမျက်နှာတွေပေါ်မှာရေးခဲ့သော ကျွန်မရဲ့စာစုလေးတွေထဲက ကောင်းနိုးရာရာလေးတွေကိုစုပြီး၊ ၀တ္ထုတိုပေါင်းချုပ်စာအုပ်လေးအဖြစ် ဖန်တီးဖြစ်လိုက်တဲ့အကြောင်းကို စာဖတ်သူ၊ စာရေးသူ မောင်နှစ်မများကို အသိပေးပြောကြားလိုပါတယ်။ စာအုပ်ရဲ့အမည်ကတော့ “အိမ့်ချမ်းမြေ့ရဲ့ လမင်းရှိုက်သံနှင့် အခြားဝတ္ထုတိုများ” ဖြစ်ပါတယ်။ မြ၀တီစာအုပ်တိုက်မှ သြဂုတ်လ၊ ၂၀၀၉ မှာ စတင်ထုတ်ဝေနေပါတယ်။ ၀တ္ထုတိုများဆိုပေမယ့်လည်း တစ်ကယ်တော့ ကဗျာလေးပုဒ်နဲ့ ဆောင်းပါးအချို့လည်း ပါပါတယ်ရှင်။

မနှစ်က မြန်မာပြည်ကိုပြန်ရောက်တုန်းက သည်စာအုပ်လေးထုတ်ဖို့ ကတိုက်ကရိုက်စီစဉ်ခဲ့ခြင်းဖြစ်ပါတယ်။ လူကြိုက်များကြတဲ့ “ချစ်သူ့အိမ်”၊ “ရုပ်ရှင်လက်မှတ်လေးနှစ်စောင်” နဲ့ သံလွင်အိပ်မက်အင်တာနက် မဂ္ဂဇင်းမှာ ပါဖူးတဲ့ ကျွန်မအကြိုက် “ရေဆန်ငါး” နှင့် အခြားဆောင်းပါးများ၊ အိပ်မက်ဒေါ့ကွန်း မှာ လူကြိုက်များကြတဲ့ “ရုံးကမမများ” နဲ့ ခရီးသွားဆောင်းပါးတစ်ပုဒ်ဖြစ်တဲ့ “Okanagan လွင်ပြင်ခရီး”၊ environmental issues နဲ့ဆိုင်တဲ့ “ကြည်ပြာ” “လမင်းရှိုက်သံ” စတဲ့ စာစုလေးများ၊ ကနေဒါအတွေ့အကြုံများဖြစ်တဲ့ “ခွင်” နဲ့ “ကနေဒါမှာအလုပ်ရရင် ဘယ်လိုအမည်မျိုးမှည့်မလဲ” စတဲ့ စာစုလေးတွေလဲ ပါပါတယ်။

♫ ♪ ♫ ♪ ♫ ♪ ♫ ♪

ကျွန်မ ပါစေချင်တဲ့ “နေရစ်ခဲ့တော့ သရပါ” နဲ့ သံလွင်အိပ်မက်က လူကြိုက်များတဲ့ “တိမ်ဖုံးသွားတဲ့ ငွေလမင်း” ကတော့ စီစစ်ရေးမအောင်ဘူးလို့ ကျွန်မ ယူဆမိပါတယ်။ဒီစာအုပ်လေးဟာ ကျွန်မရဲ့ ပထမဆုံးစာအုပ်ဖြစ်လို့ ကျွန်မဘက်က ချို့ယွင်းချက်တွေ အများကြီးရှိပါတယ်။ အထူးသဖြင့် “ဂုဏ်မက်သူ” ၀တ္ထုရှည်ကို ကျွန်မ မြ၀တီကို အီးမေးလ်နဲ့ပေးပို့စဉ်က မြနှင်းနဲ့ ဆန်းသစ် ကျောင်းဝင်းထဲက မိုးရေတွေထဲမှာ စတင်ခင်မင်ရင်းနှီးတဲ့ အခန်း(နှစ်)တစ်ခန်းလုံး ကျန်ခဲ့ပါတယ်။ တစ်ကယ့် ကဗျာဆန်တဲ့ အခန်းမှ ကျန်ခဲ့ရတာ ကျွန်မအတွက် ငိုအားထက်ရယ်အားသန်ပါပဲ။

စာအုပ်ထဲ ပါမလာဘူးဆိုတာလည်း ကိုယ်ပို့တဲ့ အီးမေးလ်တစ်နေ့ကပြန်စစ်ကြည့်တော့မှ သိတာပါ။ စာအုပ်ကတော့ စာရေးသူ လက်ထဲရောက်မလာသေးပါဘူး။ စာအုပ်ဖုံးလေးက ပန်းချီကိုတော့ အရမ်းကြိုက်နှစ်သက်မိပါတယ်။ တစ်ခုပဲ နောက်ဖုံးက အနောက်တိုင်းဝတ်စုံနဲ့လူနေရာမှာ ပုဆိုးလေးနဲ့ဆို ပိုကောင်းမလားလို့ တွေးမိပါတယ်။ ကျွန်မ အကြိုက် ပေါ့လေ။

အခုထိတော့ လုံးချင်းဝတ္ထုထုတ်ဖို့ ရည်ရွယ်ချက်နဲ့စိတ်ကူး မရှိသေးပါဘူး။ ၀ါသနာလဲ အခုထိတော့ မပါသေးပါဘူး၊ အဲသလောက် အချိန်လည်းပေးနိုင်မယ်လို့ မထင်မိသေးပါဘူးရှင်။

ကျွန်မအတွက် အမှတ်တရဖြစ်စေတဲ့ သည်စာအုပ်လေးထွက်လာစေရန် ဘေးမှအမြဲရှိသော သူ့ကို ကျေးဇူးအထူးတင်သလို…..

ကျွန်မ ရေးသော စာများကို ကောင်းသော်ရှိ၊ မကောင်းသော်ရှိ အားပေးကြသော၊ ဝေဖန်အကြံပြုကြကုန်သော စာဖတ်သူများနဲ့ စာရေးဖော် ညီအစ်ကိုမောင်နှမများ အားလုံးကိုလည်း ကျေးဇူးတင်ပါတယ်လို့…..

ခင်မင်လေးစားစွာဖြင့်…
အိမ့်ချမ်းမြေ့

Labels: စာအုပ်

 “Dwelling online is a cowardly and utterly enjoyable alternative to real interaction.”

စစ်မှန်တဲ့ လူမှုဆက်ဆံရေးတွေကို ရှောင်လွှဲချင်ကြတဲ့အတွက် လူတွေအွန်လိုင်းတွေပေါ်မှာ အချိန်သုံးနေကြတယ်။ အဲလိုအချိန်တွေသုံးနေတာဟာ သူရဲဘောဆန်လွန်းစွာ နဲ့ အတိုင်းထက်လွန်စွာ ပျော်စရာကောင်းတယ်လို့ New York Times ရဲ့ Op-Ed writer ဖြစ်တဲ့ Alice Mathias ကဆိုပါတယ်။

အဲဒါက အရင်ကတော့ ဖြစ်ကောင်းဖြစ်မယ်။ အခုချိန်မှာတော့ ဖြစ်နိုင်ချေက အလွန်နည်းလာပါပြီ။ လူတွေက facebook၊ my space၊ twitter၊ tagged တွေကို အသုံးပြုပြီး အချင်းချင်းဆက်သွယ်လာကြတဲ့ အခါမှာ ကိုယ့်ဘ၀ရဲ့ တစ်စိတ်တစ်ပိုင်းပဲဖြစ်ဖြစ်၊ အကုန်လုံးကိုပဲ ဖြစ်ဖြစ် ချပြလာကြတယ်။ အဲသလိုချပြလာတဲ့အခါမှာ real interaction တွေဖြစ်လာတယ်၊ အကောင်းတွေကော အဆိုးတွေကော ဖြစ်စေတယ်၊ အဆိုးတွေဖြစ်လာတဲ့အခါမှာ တစ်ကယ်ပဲ ပျော်စရာကောင်းသေးလားဆိုတာလည်း စဉ်းစားစရာဖြစ်လာပါပြီ။

အွန်လိုင်းစာမျက်နှာတွေထဲက တစ်ခုဖြစ်တဲ့ facebook ဆိုတာပေါ်နေတာ ငါးနှစ်လောက်ရှိပါပြီ။ ဒါပေမယ့် မနှစ်က မြန်မာပြည်ပြန်တော့မှ သူငယ်ချင်းတွေနဲ့ ဆက်သွယ်ဖို့အတွက် အကောင့်လေးတစ်ခုကို အဲဒီတော့မှ ဖွင့်ဖြစ်ခဲ့တယ်။ အကောင့်ထဲမှာ ကျောင်းတုန်းက ရင်းနှီးတဲ့ သူငယ်ချင်း အယောက်သုံးဆယ်ထက် မပိုတဲ့ကျွန်မ၊ သိပ်အရေးကြီးတဲ့ သတင်းကို သူငယ်ချင်းတွေကို သိစေချင်တဲ့အခါကလွဲပြီး အခြားဘာဓာတ်ပုံမှကို မတင်တဲ့ ကျွန်မလို လူမျိုးတွေသာ များနေရင်တော့ facebook လဲ စီးပွားရေးကျမှာ အမှန်ပါပဲ။

ကျွန်မ အမြင်မှာတော့ လူသန်းသုံးရာလောက်သုံးနေတဲ့ facebook မှာ သုံးသူတော်တော်များများမသိတဲ့ အချက်ကတော့ ကိုယ့်ရဲ့ ကိုယ်ရေးကိုယ်တာအချက်အလက်တွေကို ဈေးကွက်အမြတ်အတွက် အသုံးချနေတာကိုပါပဲ။ facebook အနေနဲ့ နာမယ်ကြီးကွန်ပြူတာဂိမ်းတွေနဲ့ quizzes တွေကို ဒေါင်းလုပ်ချတဲ့ third-party developers တွေကို facebook သုံးတဲ့လူတွေရဲ့ ကိုယ်ရေးကိုယ်တာအချက်အလက်တွေကို ကြိုက်သလိုယူခွင့်ပေးထားပါတယ်။ ဒီအချက်ကိုပြုပြင်ပေးရန် ကနေဒါနိုင်ငံသက်ဆိုင်ရာများက တောင်းဆိုထားပါတယ်။ နောင်နှစ်နွေရာသီအထိ ဒါကိုပြင်ဆင်ပေးရန် facebook ကို အချိန်ပေးထားတယ်လို့သိရပါတယ်။ အချို့တွေအတွက် ကိုယ့်ရဲ့ကိုယ်ရေးကိုယ်တာ အချက်အလက်တွေကို စီးပွားရေးမှာဖြစ်ဖြစ်၊ အခြားနေရာတွေမှာဖြစ်ဖြစ် third-party တွေက အသုံးချနေတာ အရေးမကြီးနိုင်ပေမယ့်၊ ကျွန်မအတွက်တော့ ကိုယ့်ရဲ့ကိုယ်ရေးကိုယ်တာ အချက်အလက်တွေကို ဒီလိုအသုံးပြုနေတာကို သိပ်မနှစ်သက်လှပါဘူး။ ဒါဟာလည်း လူတစ်ဦးချင်းစီရဲ့ ခံယူချက်ပေါ်မှာ မူတည်ပါလိမ့်မယ်။ အချို့က ပွင့်လင်းတယ်။ အချို့က ပရိုက်ဗိတ်ဖြစ်တတ်တယ်။ သိပ်ပွင့်လင်းရင်လည်း မကောင်းသလို၊ သိပ်ပြီးလျှို့ဝှက်လွန်းခြင်းဟာလည်း မကောင်းပါဘူး။ သိပ်ပွင့်လင်းလွန်းတဲ့အခါမှာ အောက်ကအဖြစ်မျိုးလေးတွေလည်း ဖြစ်တတ်ပါတယ်။

ဟိုတစ်လောက မိန်းကလေးတစ်ယောက် ယဉ်တိုက်မှုဖြစ်ပြီး အာမခံငှာနမှ ဒေါ်လာငွေ ငါးသောင်း အလျော်တောင်းတယ်။ ယဉ်တိုက်မှုကြောင့် သူအလုပ်လုပ်နေတဲ့ cashier အဖြစ် အကြာကြီး မတ်တပ်မရပ်နိုင်ကြောင်း၊ အရင်တုန်းကလို တောင်တက်၊ စက်ဘီးစီး၊ ကခုန်တာမျိုးတွေ မလုပ်နိုင်တော့ကြောင်း၊ ဒေါက်ကလပ်ကောလိပ်ကျောင်းနဲ့ ဆိုင်မွန်ဖရေဇာတက္ကသိုလ်ကျောင်းတွေမှာ စာသင်နေရင်း ထိုင်နေရင်းမှာ ကိုယ်လက်တွေ နာလွန်းလို့ စာတောင် မသင်နိုင်တော့ကြောင်း စတဲ့ အချက်တွေနဲ့ အာမခံငှာနမှ ငွေတွေရအောင် ကြိုးစားပါတယ်။ အဲဒီမှာ အာမခံငှာနမှ ရှေ့နေတွေက အဲဒီမိန်းကလေးရဲ့ facebook ကို စစ်လိုက်တော့၊ တောင်တက်နေတဲ့ပုံတွေ၊ ကခုန်နေတဲ့ပုံတွေ၊ စက်ဘီးစီးနေတဲ့ ပုံတွေကို တွေ့ရတော့တာပါပဲ။

နောက်တစ်ဦးကတော့ ယဉ်တိုက်မှုတစ်ခုမှာ တစ်ဘက်မှလူ သေဆုံးသွားတာကို၊ အလွန်အမင်းနောင်တရ ၀မ်းနည်းကြောင်း တရားရုံးမှာ ထွက်ဆိုပြီး ပြစ်မှုလျော့ပေါ့အောင် ကြိုးစားပေမယ့်၊ သူ့ရဲ့ဆိုက်မှာ ယဉ်တိုက်ပြီး နှစ်ရက်လောက်မှာ ပါတီတစ်ခုမှာ ပျော်ပါးမူးယစ်နေတဲ့ ပုံတွေကို ရဲတွေက တွေ့တော့တာပါပဲ။
အခုနောက်ပိုင်း ရဲတွေ ပုလိပ်တွေက လူတစ်ယောက်ကို လိုက်ပြီဆိုရင် facebook တို့ my space တို့လိုနေရာတွေကိုပါ မွှေနှောက်ရှာဖွေတယ်လို့ သိရပါတယ်။ ကောလိပ်ကျောင်းဝင်းတွေရဲ့ ရဲတွေကလည်း အသက်မပြည့်ဘဲ အရက်သေစာသောက်စားနေလား၊ အခြားတရားမ၀င်တာတွေ လုပ်နေလားကို ထိုနေရာမျိုးတွေမှာ သွားရှာပြီး ပြစ်မှုထင်ရှားရင် ကျောင်းသားတွေကိုလည်း အပြစ်ပေးတတ်ပါတယ်တဲ့။ တိုရန်တိုကောလိပ်တစ်ခုမှာ ကျောင်းအုပ်ကြီးကို facebook မှာ ဝေဖန်ထားလို့ ကျောင်းသားအချို့ အပြစ်ပေးခံရဖူးပါတယ်။ facebook မှာ cyber bulling ကိုလဲ မြင်တွေ့ရတယ်လို့ဆိုပါတယ်။ အုပ်စုဖွဲ့ပြီး တစ်စုံတစ်ယောက်ကို အနိုင်ကျင့်တဲ့ cyber bulling ကတော့ အွန်လိုင်းအဖွဲအစည်းတွေတိုင်းမှာ တွေ့ရတတ်ပါတယ်။  ဘလောဂ်စဆောက်စဉ်မှာ စီနီယာဘလောဂါတွေရဲ့ ဂျူနီယာဘလောဂါတွေကို (အဲဒီဂျူနီယာဘလောဂါတွေဟာ သူတို့တွေထက် အသက်အရွယ်ကအစ၊ ပညာကအစ ကြီးနိုင်မြင့်နိုင်ပါသော်လည်း - ဂါရတောစ နိဝါတောစ - ငြင်းချက်တွေကိုလက်ကိုင်ထားပြီး) ပညာပြမှုလေးတွေမှ စတဲ့ အသေးအမွှားကိစ္စလေးတွေကအစ၊ အုပ်စုလိုက်အနိုင်ကျင့်လို့၊ စိတ်အနှောက်အယှက်ပေးလို့ ဘလောဂ်ပါပိတ်လိုက်ရတဲ့ ဘလောဂါတွေကိုလည်း မြင်ဖူးပါတယ်။ အမည်အတုတွေနဲ့ အနှောက်အယှက်ပေးမှုတွေဟာလည်း ကွယ်ဝှက်ထားလို့မရတော့ပါဘူး။ လွန်ခဲ့တဲ့ သြဂုတ်လတုန်းက Keeley Houghton ဆိုတဲ့ အသက် ၁၈နှစ်အရွယ် ဗြိတိန်နိုင်ငံက ကျောင်းသားလေးတစ်ယောက်ဟာ facebook ပေါ်မှာ အတန်းသားတစ်ယောက်ကို cyber bulling လုပ်မှုနဲ့ ထောင်သုံးလ ကျသွားပါတယ်။

အာမခံငှာနတွေက ရဲငှာနတွေက လိမ်လည်လှည့်ဖျားမှုတွေနဲ့ ပြစ်မှုကျူးလွန်မှုတွေကို facebook မှာသွားပြီး အနံ့ခံတတ်ကြသလို၊ လူတစ်ဦးကို အလုပ်ခန့်တော့မယ်ဆိုရင်လည်း ကုမဏီတွေက facebook တို့ my space တို့မှ တဆင့် ခန့်မည့်သူကို လေ့လာတယ်လို့လဲ သိရပါတယ်။ ထိုနည်းတူပဲ အလုပ်ဖြုတ်ချင်လို့ အကြောင်းရှာတော့မယ်ဆိုရင်လည်း ထိုနေရာတွေမှာ သွားပြီးမွှေနှောက်တတ်ကြပါတယ်။

“ဆယ်ကျော်သက်တွေဟာ မိမိရဲ့ကိုယ်ရေးကိုယ်တာ ကိစ္စတွေကို အွန်လိုင်းစာမျက်နှာတွေမှာ ဝေမျှတဲ့အခါမှာ နှစ်ခါစဉ်းစားပြီးမှ ဝေမျှသင့်တယ်” လို့ Canada နိုင်ငံရဲ့ privacy commissioner ဖြစ်တဲ့ Jennifer Stoddart က privacy-sector privacy law နဲ့ပတ်သက်ပြီး ပါလီမန်မှာ annual report မှတဆင့် ကနေဒါနိုင်ငံမှာရှိတဲ့ ဆယ်ကျော်သက်များကို ကြပ်ကြပ်မတ်မတ် တိုက်တွန်းသွားပါတယ်။ သူတို့ရဲ့ ကိုယ်ရေးကိုယ်တာကိစ္စတွေကို အများနဲ့ဝေမျှပုံတွေကို မိဘတွေအတွက် မယုံနိုင်လောက်အောင်ဖြစ်ရတယ်၊ အဘိုးအဘွားတွေအတွက်တော့ မတွေးဝံ့လောက်စရာ၊ စဉ်းကိုမစဉ်းစားရဲစရာ ဖြစ်ရတယ်လို့ သူမ ကဆက်ပြောပါတယ်။ ငယ်ရွယ်စဉ်အခါမှာ အွန်လိုင်းစာမျက်နှာတွေပေါ်မှာ စိတ်ထဲရှိသလို ပြုမှုကျင့်ကြံတာတွေဟာ အသက်ကြီးလာတဲ့အခါမှာ အရှက်ရစရာတွေ ဖြစ်ရတယ်လို့လည်း သူမက ဆိုပါတယ်။

ကိုယ်က မမှန်တာလုပ်မထားရင် စိုးရိမ်စရာဘာမှ မရှိပေမယ့်လည်း၊ ကိုယ်ဘယ်လိုလူလဲဆိုတာကို ဓာတ်ပုံများများကြည့်စရာမလိုပါဘူး၊ တစ်ပုံနှစ်ပုံလောက်ကြည့်တာနဲ့ကို သိနိုင်ပါတယ်။ facebook မှာသွားလိုက်ရင် အချို့တွေက ရှုခင်းလေးတွေပဲတင်တယ်၊ အချို့တွေကတော့ မိသားစုပုံတွေတင်တယ်၊ အချို့တွေကတော့ စားကောင်းသောက်ဖွယ်တွေစားနေတာ၊ ပါတီပွဲတွေဆင်နွှဲနေတာတွေကိုတင်တယ်၊ အချို့တွေကျတော့လဲ မားစီးဒီးတွေ၊ ဘီအမ်ဒဗလျူတွေ၊ အိမ်ကြီးတွေ၊ ပိုင်ဆိုင်မှုမှန်သမျှဖြစ်တဲ့ ခွေး၊ကြောင်၊ကြက်၊၀က်၊ နွား၊ တစ်တီတူးကအစ တင်တယ်။ အချို့ကျတော့လည်း ကိုယ်ချစ်တဲ့ သူနဲ့တွဲရိုက်တာတွေတင်တယ်။ အဲ…. အဆင်မပြေလို့ကွဲတော့ နောက်တစ်ယောက်.. နောက်တစ်ယောက်…. ဒီလိုနဲ့.. အလွန်ရည်းစားများသူ ဖြစ်ပါပကော။ အချို့တွေကျတော့လည်း သောက်စားမူးယစ်နေတာတွေ တင်တယ်။ တင်လိုက်တိုင်း အမြဲ ဆေးလိပ်မီးခိုးတလူလူနဲ့ သောက်စားမူးယစ်တဲ့ ပုံတွေတင်မိရင်၊ အပြင်မှာ ကိုယ်က အမြဲတမ်းမူးယစ်ပျော်ပါး မနေသော်လည်း ဓာတ်ပုံလေးတစ်ခုတည်းနဲ့ ကိုယ့်ကိုတံဆိပ်ကပ်သွားနိုင်တယ်။ “ကိုယ်ပိုင်လွတ်လပ်ခွင့်ပဲ…တင်ချင်တာတင်မယ်၊ မကျေနပ်လည်းဘာအရေးလဲ” လို့ ဆိုနိုင်ပေမယ့်လည်း၊ ကြားဖူးတဲ့ သီချင်းတစ်ပုဒ်ထဲကလို “လောကကြီးကိုအရွဲတိုက်ရင် မင်းဘဲဒုက္ခရောက်လိမ့်မယ်” ဆိုသလို ဖြစ်မှာစိုးပါတယ်။

အထူးသဖြင့် လူငယ်တွေအနေနဲ့ အလုပ်ရှင်က ၀င်မွှေလို့ စိတ်အခန့်မသင့်တာတွေ့သွားရင် အလုပ်ကိုင်ကောင်းကောင်းတစ်ခုကို လက်လွတ်သွားစေနိုင်ပါတယ်။ အလုပ်ကောင်းကောင်းရှိပြီးသူတွေ အနေနဲ့လည်း မိမိ အကြောင်းခရေစေ့တွင်းကျကို အွန်လိုင်းစာမျက်နှာတွေပေါ်မှာ အလုပ်ရှင်တွေက မြင်နေရလို့၊ သူတို့စိတ်အခန့်မသင့်တာနဲ့ကြုံလို့ အလုပ်ဖြုတ်ခံရသူတွေလည်း အများကြီးရှိပါတယ်။ ပရိုဖက်ရှင်နယ်ကျောင်းတွေကို ၀င်ရရန် အခွင့်အလမ်းတွေ ဆုံးရှုံးရတာတွေလည်း ရှိပါတယ်။ မိမိအကြောင်းတွေ လိုအပ်တာထက် ပိုပြီးဝေမျှမိရင်လည်း မိမိရဲ့ identity ကို ခိုးယူအသုံးချမည့်သူတွေကလည်း အမြဲတမ်း စောင့်ကြည့်နေတာကို သတိပြုစေလိုပါတယ်။

ဆက်ပါမယ်…..

pictures taken from www.valuemyhouse.com

 အိမ့်ချမ်းမြေ့

Labels: ဆောင်းပါး

ကျွန်မ သတိရလို့ ကြည့်လိုက်တော့ ကတ္တီပါခင်းပေါ်မှာ ကျွန်မကို တမြတ်တနိုးတင်ထားကြတာကိုတွေ့ရတယ်။ ပတ်ဝန်းကျင် တစ်ခုလုံးမှာလဲ မီးတွေက ထိန်ထိန်ညီးနေတယ်။ ကျွန်မရဲ့ ကိုယ်ပေါ်ကိုလဲ ခေါင်မိုးကနေ မီးဖြူတွေလင်းနေအောင် ထိုးထားတယ်။ မှန်တွေအကန့်လိုက်ကာထားတဲ့ အခြားသော အခန်းတွေထဲမှာလဲ ….

ကျွန်မလေ ကိုယ့်ကိုကိုယ်လှတယ်လို့ တစ်ခါမှ မပြောခဲ့ပါဘူး။ ဒါပေမယ့် လူတွေက ကျွန်မကို သိပ်လှတယ်လို့ထင်ကြတယ်။ ကျွန်မကို ရုတ်တရက်မြင်လိုက်သူတွေရဲ့ မျက်ဝန်းတွေဆိုတာ အရောင်တလက်လက် တောက်ပသွားတတ်တယ်။ ကျွန်မရဲ့ ကြီးမြတ်ခမ်းနားတဲ့ အလှအပအောက်မှာ ကျရှုံးသွားကြတဲ့ သူတွေဆိုတာ ရေတွက်လို့ မရတော့ဘူး။ ကျွန်မကို ပိုင်ဆိုင်လိုကြတယ်။ ရူးသွပ်ကြတယ်။ ကျွန်မကြောင့် ရန်ပွဲတွေဖြစ်ဖူးတယ်။ အသက်စွန့်သွားရတဲ့ သူတွေတောင် ရှိသေးတယ်။ ကျွန်မကို ရူးသွပ်ကြမယ်ဆိုလဲ ရူးသွပ်လောက်ကြပါတယ်။ ကျွန်မရဲ့ အသားအရည်ဟာ ဖြူဝင်းနေတယ်။ သွေးဆုတ်နေတဲ့ ဖြူဖြူကြီးမျိုးတော့ မဟုတ်ဘူးရှင့်။ ပန်းသွေးရောင် ဒါမှမဟုတ် ရွှေရောင်လွှမ်းလို့ ကြည့်တိုင်းယဉ်တဲ့ အလှမျိုး။ နန်းတော်ခုနှစ်ဆောင် မီးမထွန်းဘဲ လင်းတဲ့ အလှမျိုးဆိုသလိုပါပဲ။

တစ်ကယ်တော့ ကျွန်မက ဟိုးရွာငယ်လေးတစ်ရွာက ရောက်ရှိလာတာပါ။ နေ့လည်ခင်းတစ်ခု၊ ကျွန်မနေတဲ့ ရွာလေးနဲ့ မနီးမဝေး ရေစပ်နားက ကျောက်တုန်းနားမှာ ကျွန်မ ရှိနေစဉ် တစ်ရက်ပေါ့။ ခပ်လှမ်းလှမ်းမှာ သေနတ်ကိုင်လူတစ်စုက ဒူးလောက်နက်တဲ့ ရေနောက်ထဲမှာ အလုပ်လုပ်နေတဲ့ ကလေးတစ်အုပ်စုကို စူးစူးရွားရွားမျက်လုံးတွေနဲ့ စောင့်ကြည့်နေကြတယ်။ ကလေးတွေဟာ အစာအဟာရချို့တဲ့နေမှန်းသိပ်သိသာနေတယ်။ ဒူးခေါင်းနဲ့ တံတောင်ဆစ်မှာ အရိုးတွေငေါထွက်နေတာကို အဝေးကနေ မြင်ရလောက်အောင် ပိန်လိန်နေကြတယ်။ နေပူခံနေရတဲ့ ကျောပြင်မှာ အ၀တ်ဗလာမို့ နေလောင်ထားတဲ့ အသားတွေဟာ မီးသွေးခဲက အဘ ခေါ်ရလောက်အောင် မဲမဲမှောင်နေတယ်။ သူတို့တွေဟာ ထမင်းဖိုး၊ ဟင်းဖိုး၊ ကျောင်းဖိုး၊ စာအုပ်ဖိုး၊ အတွက် မိုင်ပေါင်းများစွာဝေးတဲ့ ဒီကမ်းမှာ လာလာပြီး အလုပ်လုပ်ကြရတယ်။ သက်ကြီးရွယ်အို မိဘတွေ၊ ခြေလက်မရှိကြတဲ့ မိဘတွေကို အလုပ်လုပ်ကျွေးကြရတယ်။ သူတို့ရဲ့ ခြေထောက်တွေက အနာတွေဟာ ရေမှာနူးပြီး ပုပ်ပွမတတ်လဲ ဖြစ်နေတတ်တယ်။

ကျွန်မ ကျောက်တုန်းတွေနားမှာ ပုန်းအောင်နေတုန်း ဖြုန်းဆို ကလေးတစ်ဦးကို သေနတ်ကိုင် လူတစ်စုက ဆွဲခေါ်သွားတာကို တွေ့လိုက်တော့ ကျမ ထိတ်ထိတ်လန့်လန့်နဲ့ အသံမထွက်နိုင်အောင် ကြိုးစားနေရတယ်။ နောက်တော့ သေနတ်ကိုင်လူတစ်ဦးက အဲဒီကလေးရဲ့ ပါးစပ်ကို အတင်းဆွဲဟပြီး ပါးစပ်ထဲကို လက်နဲ့ နှိုက်လိုက်တယ်။ ပြီးတော့ အရာတစ်ခုကို ဆွဲထုတ်လိုက်တယ်။ ပြီးတော့.. ပြီးတော့ .. အဲဒီကလေးကို အနားက သစ်တုံးတစ်တုံးနားကိုခေါ်သွားပြီး ကလေးရဲ့ လက်နှစ်ဖက်လုံးကို အနားက ဓါးတစ်လက်နဲ့ ဖြတ်ပစ်လိုက်တာကို ကျွန်မတွေ့လိုက်ရတယ်။ ကျွန်မ ကျောက်တုံးတွေကြားက ရွံတွေထဲ မြုပ်လုမတတ် ပုန်းခိုနေလိုက်တယ်။ ကျွန်မ အသားတွေကတော့ တဆတ်ဆတ်တုန်လာတော့တယ်။ တစ်ကယ်တော့ ကျွန်မအတွက် ဒါမျိုးမြင်ကွင်းတွေကို မြင်နေကြမို့ သိပ်တော့ မဆန်းတော့ပါဘူး။ ကျွန်မအနေနဲ့ကလဲ ဒီကလေးတွေကို ဘယ်လိုမှ မကူညီနိုင်ဘူးလေ။ ဒီအတိုင်း ငြိမ်ပြီးကြည့်နေကြရတယ်။ နောက်ပြီး ကျွန်မဟာ သိပ်မာ တဲ့ သူပါ။ ကျွန်မတို့ ညီအစ်မတွေကို ကမ္ဘာပေါ်မှာ အမာဆုံးတွေလို့လဲ တင်စားကြတယ်။ အချို့တွေကလဲ ကျွန်မတို့ဟာ ကြယ်တံခွန်တွေ မြေပေါ်အရှိန်နဲ့ သက်ဆင်းလာပြီး၊ ပြင်းထန်စွာ ပေါက်ကွဲမှုတွေအောက်မှာ၊ မီးတောင်တွေ ပေါက်ကွဲမှုတွေကြားမှာ၊ မွေးဖွားကြီးပြင်းလာကြလို့ ဆိုပြီး အထင်ကြီးလေးစားကြတယ်။ အချို့တွေကြတော့လဲ ကျွန်မတို့ အလှအောက်မှာ ရှုးသွပ်ပြီး ရန်ပွဲတွေ၊ လူသတ်ပွဲတွေ ဖြစ်ကြလို့ ကျွန်မတို့ကို သွေးစွန်းသူများလို့ တင်စားကြတယ်။ အဲသလို ကျွန်မတို့ကို အထင်ကြီးကြ၊ ရှုးသွပ်ကြတဲ့အတွက် ဖမ်းဆီးချုပ်နှောင်လို့ ရောင်းစားဖို့လဲ ကြိုးစားကြတယ်။ ကျွန်မတို့ကို ရောင်းစားပြီး ရတဲ့ငွေတွေဟာ စစ်ပွဲတွေတွက် လက်နက်တွေဝယ်ကြတဲ့အခါ၊ မူးယစ်ထုံထိုင်းစေတဲ့ ဆေးဝါးတွေ ရောင်းဝယ်ဖောက်ကားတဲ့အခါတွေမှာ တွင်တွင်ကျယ်ကျယ် အသုံးချလာကြတယ်။

ကျွန်မရဲ့ ဇာတိမြေက ဒီရွာငယ်လေးက ဆိုပေမယ့်လဲ ကျွန်မရဲ့ ဆွေမျိုးတွေက ကမ္ဘာအနှံ့အပြားမှာရှိတယ်။ ကနေဒါ၊ အင်းဒီယား၊ ရုရှား၊ ဘရာဇီး၊ သြစတေးလျ နိုင်ငံတွေမှာ ရှိတယ်။ ဒါပေမယ့်လဲ နောက်ဆုံးတော့ ကျမအမျိုး ၈၀ ရာခိုင်းနှုန်း ကတော့ အမေရိကန်နိုင်ငံမှာပဲ အခြေချလိုက်ကြတာ များပါတယ်။ ကျွန်မတို့ အမေရိကန်ပြည်ထောင်စုမှာ နေထိုင်ခွင့်ရှိမရှိကိုတော့ သြဇာကြီးတဲ့ စီးပွားရေးသမားကြီးတွေက ဆုံးဖြတ်ပေးပါတယ်။ ၂၀၀၁ခုနှစ်မှာတော့ အမေရိကန် သမ္မတ ကလင်တန်က စီရာလီအိုနီ (Sierra Leone) မှာနေတဲ့ ကျွန်မ အမျိုးတွေကို ပြည်ဝင်ခွင့်ပိတ်လိုက်တယ်။ ၂၀၀၁ မေလ မှာ တစ်ခါ သမ္မတ ဘွတ်ရ်ှက လိုင်ဘေးရီးယား (Liberia) က အမျိုးတွေကို ပြည်ဝင်ခွင့် တစ်ခါ ပိတ်လိုက်ပြန်ပါတယ်။ ကနေဒါနိုင်ငံကတော့ ဥပဒေတွေ အမျိုးမျိုးချပြီး ကျွန်မတို့ကို ပြည်ဝင်ခွင့်တွေ ၁၉၈၆ ခုနှစ်က စပြီး ကြပ်မတ်ထားပြီး ဖြစ်တယ်။

ကျွန်မ အတွေးလွန်နေတုန်း ရေထဲမှာ လမ်းလျှောက်လာတဲ့ ခြေသံတရှပ်ရှပ်က ကျွန်မ အနားကို နီးကပ်လာတာကို ကြားနေရပါတယ်။ ကျွန်မဟာ ဘယ်လောက်ပဲ မာတယ်ပြောပြော ကျွန်မကို ဖမ်းဆွဲဖို့ လှမ်းလိုက်တဲ့ လက်ကိုမြင်လိုက်ချိန်မှာတော့ မျက်စိတွေပြာဝေပြီး လောကကြီးတစ်ခုလုံး အမှောင်ဖုံးသွားပါတော့တယ်။

*****

ကျွန်မ သတိရလို့ ကြည့်လိုက်တော့ ကတ္တီပါခင်းပေါ်မှာ ကျွန်မကို တမြတ်တနိုးတင်ထားကြတာကိုတွေ့ရတယ်။ ပတ်ဝန်းကျင် တစ်ခုလုံးမှာလဲ မီးတွေက ထိန်ထိန်ညီးနေတယ်။ ကျွန်မရဲ့ ကိုယ်ပေါ်ကိုလဲ ခေါင်မိုးကနေ မီးဖြူတွေလင်းနေအောင် ထိုးထားတယ်။ မှန်တွေအကန့်လိုက်ကာထားတဲ့ အခြားသော အခန်းတွေထဲမှာလဲ ကျွန်မရဲ့ အစ်မတွေ၊ ညီမတွေကို လှမ်းမြင်နေရတယ်။ သူတို့ကိုယ်တွေမှာလဲ ရွှေဝါ၊ ရွှေဖြူ၊ ပလက်တီနမ်၊ ငွေ၊ ပတ္တမြား၊ နီလာ၊ ဥဿဖျား စတဲ့ အဖိုးတန်တွင်းထွက်တွေနဲ့ အရောင်တွေဟပ်လို့ ပျိုးပျိုးပျက်ပျက် မျက်စိလက်စရာ။ ကျွန်မလဲ မြို့ကြီးပြကြီး တစ်ခါမှ မရောက်ဖူးလို့ ဟိုငေးဒီငေး ပါးစပ်အဟောင်းသားနဲ့ ငေးနေတုန်း၊ ကျွန်မအနားကို စုံတွဲတစ်တွဲရောက်လာတယ်။ ကျွန်မကိုကြည့်လိုက်တဲ့ သူမ မျက်နှာကတော့ သိပ်ပျော်ရွှင်ပုံမရ။

“ဘာဖြစ်လို့လဲ၊ မကြိုက်ဖူးလား”
အမျိုးသားက အမျိုးသမီးကို မေးလိုက်တယ်။
“ဟင့် မကြိုက်ပါဘူး၊ ကိုကိုကလဲ သူများတို့ နှစ်ပတ်လည် မင်္ဂလာပွဲလက်ဆောင်အတွက် ဒီလို စိန်သေးသေးလေး ပေးမှာများ သူများက ဘယ်လိုပျော်နိုင်မှာလဲ။ carat ကလဲနိမ့်, cutting ကလဲမကောင်း, colorကလဲမလှ, clarity ကိုလဲကြည့်ပါဦး ကိုကိုရဲ့ ”

“ဟွန်း.. ဒီမိန်းမတော့… ”

ပျစ်ပျစ်နှစ်နှစ်ပြောပြီး တစ်ခြားဘက်ထွက်သွားတဲ့ ထိုမိန်းမကျောပြင်ကို ကြည့်ပြီး စိတ်ထဲကနေ မြင်ပြင်းကတ်ကတ်နှင့် ကျွန်မ ရေရွတ်လိုက်မိတယ်။ ကျွန်မရင်တွေလေးနေတယ်။ ကျွန်မ ဘ၀ ဘာဆက်ဖြစ်မည်မသိ။ ကျွန်မ ဘ၀ကို ထားလိုက်ပါတော့။ ရွာမှာကျန်ခဲ့သည့် ကလေးတွေရဲ့ဘ၀။ အနာပလပွ၊ ဒူးခေါင်းမှာ အရိုးငေါငေါနှင့် ထမင်းနပ်မှန်အောင်မစားရ၊ အသက်ကိုဖက်နဲ့ထုပ်ထားရတဲ့ ကလေးတွေ။ စိန်တုန်းလေး ပါးစပ်ထဲခိုးထည့်မိသည်နှင့် လက်တွေ၊ ခြေတွေဖြတ်ခံရမယ့် ကလေးတွေ။ သူတို့လေးတွေကို ဘယ်သူကူမလဲ။ သူတို့ကို ဘယ်သူကယ်မလဲ။

*****

ဒီပိုစ်လေးက မွန် တက်ဂ်လို့ ရေးဖြစ်တဲ့ ပိုစ်လေးပါ။ တစ်ပတ်အတွင်းရေးရင် စိတ်ကူးယဉ်တာဖြစ်လာမယ်လို့ သူက ဆိုပါတယ်။ တစ်ပတ်အတွင်းရေးလိုက်ပါတယ်။ စိန်လက်စွပ်ကြီး အကြီးကြီးတစ်ကွင်းရချင်တဲ့ စိတ်ကူးမဟုတ်ပါ။ သွေးရောင်တွေလွှမ်းတဲ့စိန်တွေ၊ ဖားကန့်လိုနေရာက သွေးရောင်တွေလွှမ်းတဲ့ ကျောက်တွေ ရောင်းဝယ်ဖောက်ကားမှုတွေ၊ ပပျောက်ပါစေလို့ စိတ်ကူးယဉ်တဲ့ အတွေးတစ်ခုလို့ပဲ သတ်မှတ်ပေးနိုင်ကြပါတယ်ရှင်။

ဒီလို စိတ်ပြောင်းရုပ်လွှဲ ပိုစ်လေးတွေ ကျွန်မ ဟိုတုန်းကလဲ ရေးဖူးပါတယ်။

ရေဆန်ငါး (သံလွင်အိပ်မက် အင်တာနက် မဂ္ဂဇင်းမှာ အောက်တိုဘာလ၊ ၁၀၀၆မှာ ပါဖူးတဲ့ ၀တ္ထုတို)

နဲ့

မျက်ဝန်းညိုမ (ချိုးလင်းပြာ မဂ္ဂဇင်းမှာ မတ်လ၊ ၁၀၀၈မှာ ပါဖူးတဲ့ ၀တ္ထုတို)

တို့ကို ဖတ်ရှုနိုင်ကြပါတယ်ရှင်။

ဒီလိုသွေးရောင်လွှမ်းတဲ့ စိန်တွေတင်သာမက၊ သွေးရောင်လွှမ်းတဲ့ ကျောက်မျက်ရတနာတွေကို ရောင်းဝယ်ဖောက်ကား၊ မြတ်နိုးဝယ်ယူမှုတွေ မလုပ်ခင် ဒီဆိုက်ဒ် (stop blood diamonds)လေးကို လူတွေကြည့်ပြီး ဆိုင်ရှင်တွေကိုလဲ မေးခွန်းထုတ်နိုင်ကြပါစေ….

www.ainchannmyay.com

Labels:

Labels:

အဲဒီနေ့က ယုဇနပင်ကိုင်းတွေကိုဖြတ်လို့ နေရောင်က စူးစူးရှရှ ထိုးဖောက်လာနေသည်။
ယုဇနပင်ထိပ်ဖျားမှာ ငှက်တစ်ကောင်က ကျယ်ကျယ်လောင်လောင် တေးဆိုနေသည်။
ယုဇနပင်ပေါ်က သစ်ကိုင်းစ တစ်စ ကန်ဘေးက ရေကန်ထဲကို ဖောက်ဆို ပြုတ်ကျသွားသည်။ ယုဇနပင်အောက်က သူမထိုင်နေတဲ့ ခုံတန်းနဲ့ ခပ်လှမ်းလှမ်းမှာ သူမလိုပဲ သစ်ရိပ်ခိုသူတစ်ယောက်ကို ဟိုနေ့တွေကသုန်သုန်မှုန်မှုန်ပုံစံအတိုင်း တွေ့ရသည်။ ဆံပင်က ရှည်ရှည်၊ ပုဆိုးက ဘိုသီဘတ်သီနှင့် လွယ်အိတ်ဟောင်းတစ်လုံးကို ဖြစ်ကတတ်ဆန်းလွယ်ထားသည်။ နေရောင်က သူ့မျက်နှာပေါ်ကို တည့်တည့်ကြီး ထိုးကျနေတာ မဟုတ်ပါပဲနဲ့ မျက်နှာကို အစွမ်းကုန်ရှုံ့မဲ့ထားတာကို ကြည့်ပြီး သူမ တဘက်လှည့် ပြုံးလိုက်မိသည်။

အဝေးမှာ လိုင်းကားတစ်စီးက ဖြေးညှင်းစွာမောင်းနှင်လာသည်။ ဖတ်လက်စ စာအုပ်ကို ပိတ်လိုက်ပြီး ထိုင်နေရာမှ လေးတွဲ့စွာ ထလိုက်သည်။ ထို့နောက် စလင်းဘက်အိပ်ကို လက်နှင့်ကိုင်ရင်း ကားပေါ်တက်ဖို့ ဟန်ပြင်လိုက်သည်။ ကားနံပါတ်ကို လှမ်းကြည့်လိုက်သည်။ နံပါတ်က မှုန်မှုန်ဝါးဝါးနှင့် သိပ်တော့မမြင်ရ။ နံပါတ် ဂ လား သုညလား သိပ်တော့မသဲကွဲ။ ရှစ်နှစ်မဆုံးတာတော့ သေချာလောက်သည်ဟု တွက်ပြီး ကားပေါ်တက်ဖို့ တိုင်လေးနားမှာ သွားရပ်လိုက်သည်။

“ဒီမှာ.. ဒီမှာ”
“ရှင်…”
“ခင်ဗျားစာအုပ်ထဲက ပြုတ်ကျလာတာ”
သူ့လက်ထဲမှာ သူမ အမြတ်တနိုးသိမ်းထားတဲ့ မာသာထရီစာရဲ့ ပုံလေး။
“အော်.. ဟုတ်ကဲ့ ကျေးဇူးပါရှင်”
သူ့လက်ထဲမှာ မာသာထရီစာ ပုံလေးကို လှမ်းယူပြီး ဆိုက်လာတဲ့ ကားရဲ့ နံပါတ်ကို ထပ်ကြည့်လိုက်သည်။
“ဟင်၊ ကားနံပါတ်က ဂ နဲ့ဆုံးနေတယ်”
ကားလိုင်စင်နံပါတ်က ဂ နှင့်ဆုံးနေသည်မို့ သူမ နှုတ်က လွှတ်ကနဲ့ မသိမသာ ထွက်သွားသည်။ ထို့နောက် နောက်ပြန်လှည့်ပြီး ထိုင်ခုံမှာ ပြန်ထိုင်လိုက်သည်။

သူက နားမလည်သလိုကြည့်ပြီး ကားပေါ်သို့ စွေ့ကနဲတက်သွားသည်။ ပြီးတော့ ကားပြူတင်းပေါက်မှ သုန်မှုန်နေသောမျက်နှာနှင့် သူမကို လှမ်းကြည့်ရင်းပါသွားသည်။

******

သူမဖတ်နေသော စာအုပ်ပေါ်ကို ယုဇနရွက်တစ်ရွက်က ကျလာသည်။ ညနေခင်း နေရောင်နုနုအောက်မှာ ကားဂိတ်နားက မြက်ခြောက်တွေ ပိုခြောက်နေသယောင်။ နေ့လည်ခင်းက အလုပ်များ၍ နေ့လည်စာလွတ်သွားသည်မို့ ဗိုက်က ခပ်တိုးတိုးအသံပြုနေသည်။ ခုံတန်းတစ်ဖက်စွန်းတွင် ထိုင်ပြီး အားလူကြော်ကို စိမ်ပြေနပြေ ၀ါးနေသော ကိုသုန်မှုန်ကြည့်ပြီး အလိုက်မသိတတ်လေခြင်းဟု စိတ်ထဲက ရေရွတ်မိသည်။

လမ်းမပေါ်က ကားတွေကြဲသွားတော့ ယုဇနရွက်လေတိုးသံနှင့် အတူ သူမဗိုက်ထဲက မြည်သံက တစ်ပြိုက်နက်ထွက်လာသည်။ မျက်နှာပြင်တစ်ခုလုံး ထူပူသွားပြီး စာအုပ်ကို စိတ်ဝင်တစားဖတ်နေသလိုနှင့် ခေါင်းကို ပိုငုံ့ထားလိုက်သည်။

“ခင်ဗျား ကျုပ်အာလူးကြော် စားလိုက်”
“ရှင်”
သူက လက်ထဲက အာလူးကြော်ထုတ်ကို ခုံတန်းတဖက်မှနေပြီး လှမ်းပေးနေသည်။ ခပ်လှမ်းလှမ်းမှာ ကားကလာနေသည်။ နဂိုထဲက ရှက်နေသည့်စိတ်နှင့် မစားတော့ဘူး ကျေးဇူးတင်ပါတယ်ဟု ယဉ်ယဉ်ကျေးကျေး ခွန်းတုံ့ပြန်ဖို့ နှုတ်ကိုပြင်ရုံရှိသေးသည်… ကိုသုန်မှုန်က..
“အာလူးကြော် ကျွေးနေတာဗျ၊ ခင်ဗျားဗိုက်က တဂွီဂွီနဲ့ ဘေးကလူက စားရတာမြိုမကျဘူး”
“ဘာရှင့်၊ ရှင်တော်တော်လေးကို… ဟင်း”
ဒေါသတွေကို မြိုသိပ်ပြီး ဆိုက်လာတဲ့ ကားပေါ်ကို အရင်နေ့တွေကလို နံပါတ်မကြည့်တော့ပဲ သူမ တက်သွားလိုက်သည်။

******

“မနေ့က ခင်ဗျား ကျုပ်ကို စိတ်ဆိုးပြီး ရှေ့မကြည့်နောက်မကြည့် တက်သွားတဲ့ ကားက နံပါတ် ဂ နဲ့ဆုံးနေတယ်”
သူ့စကားကို ခွန်းတုံ့မပြန်ပဲ စာအုပ်ထဲ အကြည့်တွေပို့ထားသည်။
“ခင်ဗျား ရန်လဲ မတွေ့တတ်ဘူးနော်”
နောက်နေ့တွေ တခြားမှတ်တိုင်မှ ပြောင်းစီးမည်ဟု စဉ်းစားနေမိသည်။
“ကျုပ်ကို စကားမပြောချင်ဘူးလား”
“ဒီမှာ စာဖတ်နေတယ်ရှင့်”
ဖတ်နေသည့် စာအုပ်ကို ခပ်ကြမ်းကြမ်းပိတ်ပစ်လိုက်ပြီး သူ့မျက်လုံးထဲကို စူးရဲစွာကြည့်ပြီး ပြောလိုက်သည်။
“အော်.. ဖတ်ပါခင်ဗျာ”
သူ ယုဇနပင်ကို မော့ကြည့်ပြီး ငြိမ်သက်နေသည်။ လေအဝှေ့မှာ သူ့ဆံပင်တွေ ၀ဲကျသွားသည်။ သုန်မှုန်နေကျ မျက်နှာက ဒီနေ့ ထူးထူးခြားခြား ၀မ်းနည်း နေသယောင်။
“ဟုတ်တယ်.. ကျွန်မ နဲ့ နံပါတ် ဂ တွေနဲ့က တနည်းတဖုံ ပတ်သက်နေတတ်တယ်”
အနည်းငယ်အားနာသွားသည့် စိတ်နှင့် စကားပြန်ပြောလိုက်သည်။
“ကျုပ်ရိပ်မိပါတယ်၊ ခင်ဗျားကြောက်လဲကြောက်တယ်မဟုတ်လား”
“ကြောက်တယ်ရယ်လို့လဲ မဟုတ်ပါဘူးလေ”

******
သည်လိုနှင့် နောက်ရက်တွေမှာ ယုဇနပင်အောက်မှာ မာသာထရီစာ၊ ဇိုဖီယာရှိုလ်း၊ ဗူးဗွား၊ အက်ရ်ှဗယ်ရီ၊ တဂိုး၊ သာကရီ တို့ ငြိမ့်ငြမ့်လေး သက်ဝင်လှုပ်ရှား တတ်လာသည်။ လမ်းမပေါ်မှာ ဂ နှင့်ဆုံးသော ကားများ တစ်စင်းပြီး တစ်စင်း ကျော်ဖြတ်သွားကြသည်။ ယုဇနပင်အောက်မှာ မာသာထရီစာ၊ ဇိုဖီယာရှိုလ်း၊ တဂိုး၊ သာကရီတို့ကတော့ စကားလက်ဆုံကြမြဲ။

“ကျုပ် ကို ခင်ဗျားအိမ်ကို ကော်ဖီလေးဘာလေး ခေါ်တိုက်ပါလား”
“အဟွန်း” နှုတ်ခမ်းကို စေ့ပြီး အသံထွက်ရုံ ရယ်လိုက်မိသည်။
“ခင်ဗျားဟာ တော်တော် သွေးအေးထုံပေတဲ့ မိန်းမပဲ”
“ရေရေရာရာ ဘာမှ မသိပဲ ထင်ကြေးတွေနဲ့ လူတွေကို တံဆိပ်တပ်တတ်တဲ့ သူတွေထဲမှာ ရှင်ပါလိမ့်မယ်လို့ မထင်ခဲ့မိဘူးရှင့်”
ရွှန်းလဲ့တောက်ပနေသော၊ အံ့သြနေသော မျက်ဝန်းများနှင့် သူမကို စိုက်ကြည့်နေသည်။
“မထင်ရဘူး၊ ခင်ဗျား စွာတတ်လိမ့်မယ်လို့”
သူ သတိလက်လွတ် ဟက်ဟက်ပက်ပက်ရယ်မောရင်း ပြောလိုက်သည်။
“သိပ်မခက်ပါဘူး”
“ဟာ.. ဟားဟားဟား”
ဘယ်တုန်းကမှ မပြုံးသော ကိုသုန်မှုန့်နှုတ်ခမ်းများကို အံ့သြစွာ သူမ ငေးကြည့်နေသည်။

******
တစ်နေ့သောအခါ.. ယုဇနပင်နားတ၀ိုက်မှာ အသံတွေ ရုတ်တရက် တိတ်ဆိတ်ငြိမ်သက်သွားသည်။ တိတ်ဆိတ်ငြိမ်သက်မှုက သက်တမ်းမြင့်လာခဲ့သည်။ ယုဇနပင်က တိတ်ဆိတ်ခြောက်ကပ်နေမှုကို သည်းမခံနိုင်တော့သလို တစ်ခါတစ်ရံ ငိုကြွေးတတ်သည်။ ရက်တွေကြာလှသည်နှင့်အမျှ နေရောင်ခြည်တွေက ပိုမိုပြင်းပြစွာ တောက်လောင်လာနေသည်။ ယုဇနပင်လဲ ညိုးလျော်ခြောက်သွေ့လာနေသည်။ မာသာထရီစာကတော့ သူမ ကို ပြုံးကြည့်မြဲ။ နံပါတ် ဂ ကားများကလည်း တစ်စင်းပြီးတစ်စင်း ကျော်ဖြတ်သွားနေဆဲ။ နောက်ဆုံးတော့ လက်ထဲက မာသာထရီစာ ပုံလေးကို ခေါက်ရိုးမကျိုးအောင် ညှင်သာစွာလိပ်လိုက်ပြီး ယုဇနပင်စည်က အခေါင်းပေါက်လေး တစ်ခုထဲကို ထိုးထဲ့ထားလိုက်သည်။

ထိုနေ့ကတော့ ယုဇနပင်၏ ကျောဘက်ခြမ်းမှာ ပင်စည်ကိုမှီရင်း သူမ ရပ်နေသည်။ ခုံတန်းလေးပေါ်က ရယ်သံလွင်လွင်လေးနှင့် တီးတိုး စကားသံများကို ကြားနေရသည်။
“ဟယ်.. ကိုကို၊ ကြည့်လိုက်စမ်း.. ပင်စည်ထဲမှာဘာလဲ”
“ဘယ်မှာလဲ.”
“ဟိုမှာလေ.. အခေါင်းပေါက်လေးထဲမှာ”
“…..”
“ဟင်… ဒါဘယ်သူ့ပုံလဲဟင် ကိုကို”
“မသိပါဘူးကွာ.. မယ်သီလရှင် တစ်ယောက်ယောက်ဖြစ်မှာပေါ့”
“ဘယ်သူထားထားတာလဲမသိဘူးနော်”
“မသိဘူး၊ ကိုယ် စိတ်မ၀င်စားဘူး၊ ကားလာနေပြီ သွားရအောင်နော်.. ချစ်”
“ကိုကို.. ကိုကို အရင်ကပြောတော့ နံပါတ် ဂ တွေနဲ့ ဆုံးတဲ့ ကားမစီးဘူးဆို”
“အင်း.. အခု စီးတယ်လေ.. သွားကြရအောင်.. အချစ်ကျောင်းချိန်နီးနေပြီမဟုတ်လား”

နံပါတ် ဂ နှင့်ဆုံးသော ကားက တအိအိနှင့် ထွက်ခွာသွားသည်။
ခုံတန်းလေးပေါ်မှာ ပြုံးနေသော၊ ကြေမွနေသော၊ မာသာထရီစာ ပုံလေးက ငြိမ်သက်စွာလှဲလျောင်းနေသည်။
သူမ မြတ်နိုးစွာကောက်ယူရင်း ရင်ခွင်မှာပွေ့ထားလိုက်ပါတော့သည်။

Labels: ၀တ္ထု

Labels: ၀တ္ထု

ချောင်းလေးက နေရီရီအောက်မှာ တလက်လက်တောက်ပနေသည်။ မြက်ပင်ရိုင်းတွေကလေအဝှေ့မှာ လွန့်လူးနေသည်။ ချောင်းထဲမှာ တောဘဲလေးတွေ ညစာရှာနေကြသည်။ ချောင်းထိပ် မြက်ခင်းစပ်မှာ ထိုင်ရင်း ပင်လယ်ဝဘက်ကို မျှော်ငေးနေမိကြသည်။

“ပုံပြောပြမယ်”
“အင်း.. ပြော”

“တစ်ခါကတဲ့.. သစ်ပင်တစ်ပင်နဲ့ ကောင်လေးတစ်ယောက်ရှိတယ်တဲ့၊ သစ်ပင်က ကောင်လေးကို အရမ်းချစ်တယ်တဲ့၊ ကောင်လေးက နေ့စဉ် သစ်ပင်အောက်ကိုလာ၊ သစ်ရွက်တွေကိုစု၊ သရဖူလေးလုပ်ပြီး တောရဲ့ဘုရင်လုပ်တမ်းကစားတယ်တဲ့၊ သစ်ကိုင်းတွေပေါ်ကို တက်၊ ဟိုလွှဲဒီလွှဲ ကစား၊ ပြီးလို့မောရင် သစ်ရိပ်မှာ အိပ်တယ်တဲ့၊ ကောင်လေးက သစ်ပင်ကို အရမ်းချစ်တာပေါ့။ ဒါကိုသိတော့ သစ်ပင်ကလဲ ပျော်တယ်၊

ဒီလိုနဲ့ ကောင်လေးက အသက်ကြီးလာတယ်။ သစ်ပင်ဆီကိုလဲ သိပ်မလာတော့ဘူး၊ သစ်ပင်က အထီးကျန်ဆန်လာတာပေါ့၊ တနေ့ကျတော့ ကောင်လေးက သစ်ပင်ဆီလာတယ်။ သစ်ပင်က ကောင်လေးကို ပြောတယ်.. “ငါ့သစ်ကိုင်းတွေပေါ်ကိုတက်၊ ငယ်ငယ်ကလို ကစားပါဦး၊ သစ်ရွက်လေးတွေနဲ့ သရဖူလုပ်ပါဦး၊ ငါ့အသီးတွေကို စားပါဦး”လို့။ ကောင်လေးကပြန်ပြောတယ်၊ သစ်ပင်ပေါ်တက်ဖို့ ကိုယ်လုံးကြီးက သိပ်ကြီးနေပြီ၊ ငါလိုချင်တာ ပစ္စည်းဥစ္စာတွေ၊ ငွေလိုချင်တယ်၊ ပစ္စည်းတွေအဲဒီငွေနဲ့ ၀ယ်ချင်တယ်၊ ငွေပေးပါ လို့ပြောတယ်။ သစ်ပင်က ငါ့မှာငွေတော့မရှိဘူး သစ်သီးတွေတော့ရှိတယ်၊ လိုသလောက်ခူးရောင်းပြီး ငွေရှာပါလို့ ပြောတယ်..။ ကောင်လေးက ပန်းသီးတွေခူးပြီး မြို့ပေါ်တက်ရောင်းဖို့ ထွက်သွားတယ်တဲ့။ အချိန်တော်တော်ကြာကြာထိ ပြန်မလာဘူး။ သစ်ပင်က လွမ်းနေတာပေါ့။ ဒီလိုနဲ့တနေ့ ကောင်လေးက ပြန်ရောက်လာပြန်ရော။ သစ်ပင်ကပျော်လွန်းလို့ တုန်တောင်နေတယ်တဲ့။

အဲဒီမှာ သစ်ပင်ကပြောပြန်ရော..

“ငါ့သစ်ကိုင်းတွေပေါ်ကိုတက်၊ ငယ်ငယ်ကလို ကစားပါဦး၊ သစ်ရွက်လေးတွေနဲ့ သရဖူလုပ်ပါဦး၊ ငါ့အသီးတွေကို စားပါဦး”လို့။ ကောင်လေးက သူစိတ်ဝင်စားတာ အိမ်ထောင်ပြုဖို့ရယ်..၊ ကလေးလေးတွေ လိုချင်တာရယ်၊ နောက် အိမ်ကလေးတစ်လုံးလိုချင်တာရယ်ပဲ သိတယ်တဲ့။ အိမ်ကလေးတစ်လုံးပေးနိုင်မလားတဲ့။ သစ်ပင်က ငါ့ကို ခုတ်ထစ်လို့ အိမ်ဆောက်ပါလို့ပြောတယ်တဲ့။
ကောင်လေးက သစ်ကိုင်းတွေ ခုတ်ထစ်ယူပြီး အိမ်ဆောက်ဖို့ထွက်သွားတာ ပြန်မလာပြန်ဘူးတဲ့..။

နှစ်တွေကြာတော့ သစ်ပင်ကြီးက လွမ်းနာကျလာတာပေါ့။ တစ်နေ့တော့ ကောင်လေးက ပြန်လာတယ်တဲ့။ ဒီတစ်ခါတော့ သစ်ပင်ကြီးက ပျော်လွန်းလိုက စကားတောင်မပြောနိုင်ဘူး။ သစ်ပင်ကြီးက ထပ်ပြောပြန်တယ်..။ “ငါ့သစ်ကိုင်းတွေပေါ်ကိုတက်၊ ငယ်ငယ်ကလို ကစားပါဦး၊ သစ်ရွက်လေးတွေနဲ့ သရဖူလုပ်ပါဦး၊ ငါ့အသီးတွေကို စားပါဦး”လို့။ ကောင်လေးကပြောတယ်။ ငါ လှေလေးတစ်စင်းလိုချင်တယ်။ ငါလှေလေးနဲ့ ဒီနေရာကနေ အဝေးကြီးကို ထွက်သွားချင်တယ်လို့ပြောတယ်။ သစ်ပင်ကြီးက ငါ့ကိုခုတ်ထစ်ပြီးလှေလုပ်ပါ နောက်.. မင်းပျော်သလို သွားလိုရာသွားပါလို့ ပြောတယ်။ အဲဒီလူက သစ်ကိုင်းတွေကို ခုတ်ထစ်လှေလုပ်လို့ ထွက်သွားတာပေါ့.. သစ်ပင်ကြီးက ပျော်မလိုလိုနဲ့ ဒီတခါတော့ မပျော်ဘူးတဲ့..။

နှစ်တွေကြာတော့ အဲဒီလူပြန်ရောက်လာတယ်။ သစ်ပင်က ဒီတစ်ခါပြောတယ်..
ငါ့မှာ အသီးမသီးနိုင်တော့ဘူးလို့။ အဲဒီလူက ပြန်ပြောတယ်… ငါ့မှာလဲ သွားတွေမရှိတော့ဘူးတဲ့၊ သစ်ပင်ကပြောတယ် မင်းခုန်လွှဲကစားဖို့ သစ်ကိုင်းလဲ မရှိတော့ဘူးဆိုတော့ အဲဒီလူက ငါလဲ သိပ်အိုလို့ မကစားနိုင်တော့ပါဘူးတဲ့။ သစ်ပင်ကြီးကထပ်ပြောတယ်.. ငါ့မှာပင်စည်တွေတောင် မကျန်တော့ဘူး၊ ငါသစ်ငုတ်တိုဖြစ်နေပြီလေ တဲ့၊ အဲဒီမှာ အဲဒီလူက ပြန်ပြောတယ်။ ငါဘာမှ ဒီချိန်မှာ မလိုတော့ပါဘူး။ ငါ ခုချိန်မှာ တိတ်ဆိတ်ငြိမ်သက်တဲ့ နေရာလေးတစ်ခုနဲ့ နားခိုစရာလေး တစ်ခုပဲ လိုပါတော့တယ်တဲ့၊ အဲဒီအချိန်မှာ သစ်ငုတ်တိုဟာ အဲဒီလူမှီဖို့ သူ့ကိုယ်ကို ဆန့်နိုင်သမျှ ဆန့်ထုတ်လိုက်တော့တယ်တဲ့။ အဲဒီလူလဲ မောပန်းစွာမှီနေလိုက်တယ်တဲ့ သစ်ပင်ကြီးကလဲ ပျော်နေတော့တယ်တဲ့”

“အင်းးးး ပြီးပြီလား”

“ဒီလောက်နဲ့ ဘယ်ပြီးမလဲ.. မေးမယ်”

“မေးစေဗျား”

“ကောင်လေးက တကိုယ်ကောင်းဆန်လား”

“ဟင့်အင်း မဆန်ဘူး”

“ဘာလို့လဲ”

“တဘက်က လိုလိုလားလားပေးနေတာကို”

“သစ်ပင်ကကော… အဲလိုအကုန်အနစ်နာခံပေးတဲ့ သူကို ဘယ်လိုနာမယ်တပ်မလဲ”

“မြင့်မြတ်ခြင်းလို့ ကျွန်တော် တပ်မယ်”

“ဟင့်အင်း ကျမတော့ ဒါကို မြင့်မြတ်တယ် မထင်ဘူး”

“အင်း.. ပေးကမ်းခြင်းနောက်မှာပျော်ရွှင်မှုကို သစ်ပင်လိုချင်တယ်ထင်လို့လား”

“ဆိုပါတော့.. နောက်ပြီး တစ်ခါတစ်ရံ ကိုယ်က ပေးလိုက်ပြီးမှ နောင်တရဘူးလား”

“အကြိမ်ကြိမ်ပေါ့ဗျာ”

“ဘာလို့လဲ”

“တဘက်က အသိမှတ် မပြုလို့လေ”

“ဒါဆို အသိအမှတ်ပြုခြင်း ဆိုတာကို မျှော်လင့်တယ်ပေါ့”

“တစ်ခါတစ်ရံ တော့ မျှော်လင့်မိတယ်လေ”

“တစ်ခါတစ်ရံပဲလား…၊ နောက်ပြီး တစ်စုံတစ်ယောက်က ပေးတာကို ယူပြီးရင် တစ်စုံတစ်ရာ ပြန်ပေးရမယ်လို့ ခံစားရလား”

“ဒက်ထိပဲ”

“ကဲ.. ဒါဆိုမေးမယ်.. ဘာလို့ ပေးကမ်းစွန့်ကြဲကျလဲ”

“အင်း.. ကောင်းလိုက်တဲ့မေးခွန်း”

မြက်တစ်ပင်ကို လက်နှင့် ကောက်နှုတ်လိုက်မိသည်။
“ပေးကမ်းပြီးတော့ ဘာမှ ပြန်လည်မမျှော်လင့်တာ ဒါမှမဟုတ် ပြန်လည်မျှော်လင့်မိတာမျိုးဟာ မှားသလား”

“ဒါကတော့ တစ်ဦးတစ်ယောက်စီပေါ်မှာ မူတည်လိမ့်မယ်”

“နောက်စဉ်းစားစရာတွေအများကြီးရှိသေးတယ်၊ ကောင်လေးက သစ်ပင်ကိုချစ်တာလား၊ သစ်ပင်က ကောင်လေးကိုချစ်တာလား၊ ဘာကြောင့်ချစ်တာလဲ၊ နောက်ပြီး ကျွန်မတို့ တစ်စုံတစ်ယောက်ကို ချစ်တယ်ဆိုတာကို ဘယ်လိုသိနိုင်မလဲ၊ နောက်တစ်ခု ကျွန်မ သိပ်သိချင်တာ၊ အနေနီးတဲ့လူနဲ့ အနေဝေးနေတဲ့လူကို ဘယ်သူကို ပိုချစ်မလဲ”

“များသောအားဖြင့်တော့ အနေနီးတဲ့လူကို ပိုချစ်တာများတယ်”

“ဟင့်အင်း ပိုချစ်တယ်လို့ထင်တာပါ”

“ထိတွေ့ဆက်ဆံနေမှုဟာ အချစ်မှာ အတိုင်းအတာ တစ်ခုထိ အရေးပါတယ်”
ဆံပင်တွေထဲက ပန်းစေ့လေးကို သူ အသာဖယ်ပေးလိုက်ရင်း ပြောလိုက်သည်။

“နောက်ဆုံး သစ်ပင်ပျော်တယ်ထင်လား၊ ကောင်လေးကော ပျော်တယ်ထင်လား၊ ဘာလို့ ချစ်ကြလဲ၊ ချစ်တယ်လို့ကော ဘယ်လိုသိနိုင်မလဲ၊ အချစ်ဆိုတာဘာလဲ နောက်ဆုံးမေးရမယ်ဆိုရင်…”

“သိပ်မတွေးပါနဲ့လားကွာ”

“ဟင်.. မဟုတ်ဘူးနော်.. ဒါတွေက မူကြိုကလေးတွေလောက်ကိုတောင် ကစားနည်းတွေလုပ်ပြီး မေးနေကြပြီ”

“ကဲ ဒါဆိုလဲ.. မေးပါဗျာ”

“ပျော်ရွှင်ခြင်းဆိုတာဘာလဲ၊ ခံစားချက်လား၊ စိတ်အခြေအနေလား”

“စိတ်အခြေအနေ..”

“အင်…. ခံစားချက် မဟုတ်ဘူးလား”

“မဟုတ်ဘူး.. စိတ်ရဲ့အခြေအနေ”

“ပျော်ရွှင်မှုဆိုတာ တခြားတစ်ယောက်ယောက်ရှိနေမှ ကိုယ်က ပျော်မှာလား၊ ဥပမာ တစ်ယောက်ယောက်ကို လှုရမှ၊ ကိုယ်က ပျော်မှာလား၊ ကိုယ်ပျော်ဖို့တွက် လှုခံရမယ့်သူက ရှိပေးရမှာလား၊ နောက်ပြီး ကောင်းမှု တစ်စုံတစ်ရာ လုပ်ဆောင်ရမှ ကိုယ်က ပျော်မယ်ပေါ့၊ အဲဒီ ကောင်းမှုဆိုတာ ထလုပ်ဖို့ မရှိရင် ကိုယ်က မပျော်တော့ဘူးလား၊ You have to have reason to be happy ပေါ့”

“ကိုယ်မသိဘူးကွာ၊ မင်း ပုံပြင်လေး ပြီးတော့ ကိုယ်သိလိုက်ရတာက ကိုယ်ဟာ ကောင်လေးနေရာမှာ”

“ရှင်.. ဘယ်လို”

“ဟုတ်တယ်. ကိုယ် ဟာ ကောင်လေး”

“ဒါဆို သစ်ပင်ကကော”

“သစ်ပင်က မြန်မာပြည်နဲ့ မြန်မာပြည်သားတွေ”

“ဘယ်လို!!”

“ဟုတ်တယ်… ကိုယ် မြန်မာပြည်က မိဘနဲ့တကွ မြန်မာပြည်သားတွေဆီက အခြေခံပညာတွေနဲ့ ဒီမှာ နေနေတယ်.. အသက်ကြီးပြီး အိုတော့မှ ဘာမှ ပြန်မပေးနိုင်တော့မှ မြန်မာပြည် ပြန်ရမယ့်ပုံပေါက်နေတယ်ကွာ”

“ဟင်းးး အဲလိုလဲမဟုတ်ပါဘူးလေ”

“ဟုတ်ပါတယ်… အဲလိုပါပဲ”

“အင်းပါလေ.. ပြန်ရအောင်နော်”

“တစ်ခုခုသွားစားကြရအောင်၊ ခုနက မ၀ဘူး”

“ကုလားဆိုင်ပဲသွားရင်ကောင်းမလား၊ ဆာရီနဲ့ဆိုတော့ ကုလားဆိုင်သွားတာ ပိုအဆင်ပြေမယ်ထင်တယ်”

“ဗီယက်နမ် ဆွပ်ပြုတ် သောက်ချင်နေလို့ကွာ၊ ဒါပေမယ့် သဘောပါ”

“အင်း.. ဒါဆိုလဲ ဗီယက်နမ်ပေါ့”

ချောင်းလေးက တစ်ဖြည်းဖြည်း ဝေးကျန်ခဲ့သည်၊ ကောင်းကင်က ပိုမှောင်လာသည်။ လယ်ကွင်းတွေကြားက လမ်းကလေးပေါ်မှာ ကားလေးတစ်စင်း တရိပ်ရိပ်မောင်းနှင်သွားပါတော့သည်။

******* 

 ((ပထမပိုင်းသို့.... ))

ပထမပိုင်းက သိပ်မကောင်းဘူးထင်လို့.. ဖတ်ချင်ရင် အဲဒီမှာပဲ သွားဖတ်ကြပါနော်..    

 အိမ့်ချမ်းမြေ့ဘလော့ဂ်       www.lyricswithoutmelody.net            အိမ့်ချမ်းမြေ့ဒေါ့ကွန်း

Labels: ၀တ္ထု, အတွေးအမြင်, ဒဿန

အလွမ်းတောင်ကြော တစ်လျောက်မှာ

အလွမ်းမိုးတိမ်တွေ အုံ့ဆိုင်းလို့

အလွမ်းမိုးဆွေတော့မယ်…

အလွမ်းမြစ်ရိုး တစ်လျောက်မှာလဲ

အလွမ်းတေးတွေ ပျံ့လွင့်လို့

အလွမ်းပန်းတွေပွင့်နေပြီကွယ်..

အလွမ်းတောင်ကမ်းပါးယံက

အလွမ်းကဗျာတွေ ကမောက်ကမ နဲ့

အလွမ်းမြစ်ငယ်ထဲကို

အလွမ်းပန်းတွေနဲ့အတူ ကြဲချ…။

တောက်…!!!!

မလှမပ စွာနဲ့

ပက်ပက်စက်စက်ပါပဲ….။

……

…..

Labels: ကဗျာထင်တာပါပံရှင်..

သည်အိမ်ခန်းက တိတ်ဆိတ်လွန်းနေသည်။ အခန်းထဲက ထောင့်တစ်ထောင့်တွင် သင်ဖြူးဖျာထပ်ခင်းထားသော ကုတင်တစ်လုံးက ငြိမ်သက်စွာ။ ကုတင်ခေါင်းရင်းက ပြူတင်းက ပွင့်နေသောကြောင့် အလင်းရောင်တွေက အခန်းထဲသို့ ထိုးကျနေသည်။ ပြူတင်းပေါက်မှ လေပြေညှင်းကြောင့် ခြင်ထောင်အမိုးက သာသာလေး လွန့်လူးသွားသည်။ ကုတင်ခြေရင်းမှာတော့ အ၀တ်အစားတွေထဲ့သည့် ဗီဒိုပုလေးတစ်လုံး။ ကုတင်ခေါင်းရင်းက စားပွဲလေးတစ်ခုပေါ်မှာ ဟောင်းနွမ်းနေသော မီးတိုင်တစ်တိုင်၊ သောက်လက်စ ရေဖန်ခွက်တစ်ခွက် နှင့် အလှပြဖန်လုံးလေးတစ်လုံး။ ဖန်လုံးလေးထဲက ငါးပြာကလေးနှစ်ကောင်က နှုတ်ခမ်းချင်း ထိနေကြသည်။ ဖန်လုံးလေးကို မကိုင်ပြီး လှုပ်ကြည့်လိုက်တော့ အထဲက လှုပ်ခတ်သွားသောရေလေးတွေနှင့်အတူ ရောင်စုံရွှေမှုန်ငွေမှုန်တွေကလဲ တဖွားဖွားလှပစွာလှုပ်ခတ်သွားကြသည်။ ဖန်လုံးလေးကို မြတ်နိုးစွာ ပါးပြင်မှာ ကပ်ထားလိုက်မိသည်။ ပြီးတော့ စားပွဲလေးပေါ်သို့ ပြန်ချလိုက်သည်။
ကုတင်ခေါင်းရင်းက ပြူတင်းပေါက်နားသို့ တိုးကပ်သွားလိုက်သည်။ ပြူတင်းပေါက်လက်ရန်းကို ကိုင်ရင်း အပြင်ကိုကြည့်လိုက်တော့ မြစ်ဆိပ်တစ်ခုကို လှမ်းမြင်နေရသည်။ မြစ်ဆိပ်က ထူးဆန်းလွန်းစွာ လူသူကင်းမဲ့နေသည်။ နေက ခြစ်ခြစ်တောက်ပူနေသည်။ သဗာန်တစင်းက ကမ်းစပ်မှာ တိတ်တိတ်ဆိတ်ဆိတ် ကျောက်ချရပ်နားနေသည်။ ကမ်းစပ်ကလဲ ထူးဆန်းစွာ ရွှံဗွက်ကင်းစင်နေသည်။ ခပ်လှမ်းလှမ်းက ကျီးကန်းတစ်ကောင် အော်မြည်သံနှင့်အတူ ကမ်းစပ်လှိုင်းပုတ်သံ၊ တူထုသံတစ်ခုကိုပါ မသဲမကွဲကြားနေရသည်။

ပြူတင်းမှခွာ၍ ကုတင်နားသို့ မရဲတရဲတိုးကပ်သွားသည်။ ပြူတင်းပေါက်အပြင်ဘက်ကလေက ကသုတ်ကရက် တိုက်ခတ်လာသည်။ ဆံပင်တွေကို စုကိုင်လိုက်ရင်း ကုတင်ပေါ်က သင်ဖြူးဖျာပေါ်မှာ ငြိမ်ငြိမ်သက်သက်လှဲလျောင်းနေသော အပြာရောင် လွယ်အိတ်လေးတစ်လုံးနားသို့ ခပ်ဖြေးဖြေး တိုးကပ်သွားသည်။ လွယ်အိတ်ကလေးက ဟောင်းနွမ်းနေပြီ။ ထိုလွယ်အိတ်လေးကိုမြင်တော့ ရင်တွေက မသိမသာတုန်ရင်လာသည်။

လွယ်အိတ်လေးဘေးမှာ ဖြည်းညှင်းစွာထိုင်ချလိုက်သည်။ လွယ်အိတ်လေးကို ကောက်ယူလိုက်သည်။ ရင်ခွင်မှာ ပွေ့ဖက်ထားလိုက်သည်။ ပြီးတော့ မိုးသည်းထန်စွာရွာသွန်းနေသည့် နေ့တစ်နေ့ကို မြင်ယောင်လာမိသည်။ ဆံပင်တွေကို တစ်ချက်ခါလိုက်ပြီး လွယ်အိတ်ထဲကို လက်နှင့်စမ်းကြည့်လိုက်သည်။ လွယ်အိတ်ထဲမှာ ကပ်ပြားအချို့ရှိနေပါလား။ ကပ်ပြားလေးတစ်ခုကို ထုတ်ယူလိုက်သည်။ အနက်ရောင်မှင်နှင့် ကသောကမျောရေးထားသော စာကြောင်းနှစ်ကြောင်း။

ငါတို့အားလုံးဟာ ဆက်စပ်နေတယ်။ သက်ရှိသက်မဲ့ အရာအားလုံးဟာလဲ တစ်မျိုးတည်းသော အရာနဲ့ ဖွဲ့စည်းထားတယ်။

နောက်ထပ် ကပ်ပြားတစ်ခုကို ဆွဲထုတ်လိုက်သည်။
အပြာရောင်မှင်တွေနဲ့ ရေးထားသော ကဒ်ပြားတစ်ခု ထပ်ထွက်လာသည်။
ငါတို့အားလုံးဟာ စွမ်းအင်တွေထဲမှာ နေထိုင်နေကြတာဖြစ်တယ်။ မသိသေးတဲ့အရာတွေကို ခံစားချက်တွေနဲ့ သိဖို့ကြိုးစားနေကြတယ်။

ထိုနေ့က မိုးတွေရွာနေသည်။ လှည်းတန်းတလျောက် လူစည်ကားနေသည်။ ထမီအောက်ပိုင်းတစ်ခုလုံး ရွှဲရွှဲစိုနေသည်။ ထီးတစ်လက်တည်းအောက်မှာ တစ်ယောက်နဲ့တစ်ယောက် လက်မောင်းချင်း မထိမိအောင် ဂရုစိုက်လမ်းလျောက်နေရသည်ကိုက ရင်ခုန်စရာဖြစ်နေလေသလား။

သက်ပြင်းတစ်ချက်ချလိုက်ပြီး နောက်ထပ် ကဒ်ပြားတစ်ခုကို ထုတ်လိုက်သည်။

တိတ်ဆိတ်မှောင်မဲတဲ့ ညမှာ မှောင်မဲနေတဲ့ ကောင်းကင်ကိုမော့ကြည့်လိုက်ပါ။ ဘာမှမမြင်ရလို့ ဘာမှမရှိဘူးမထင်လိုက်နဲ့။ မမြင်ရတဲ့ dark matter ကြီးဟာ ပိုက်ကွန်ကြီးတစ်ခုလိုပဲ။ ဒီပိုက်ကွန်ထဲမှာ ငါတို့ဘယ်လိုမှ မမြင်နိုင် မထိနိုင်တဲ့ မိုက်ခရိုလှိုင်းတွေ ရေဒီယိုလှိုင်းတွေ ဟာ ငါးတွေလိုပဲ ကူးခတ်နေကြတယ်။ ဒါကြောင့် မမြင်နိုင်တိုင်း မရှိဘူးလို့မထင်ကြဖို့လိုတယ်။

မိုးရေတွေကြောင့် ထမီတွေရွှဲရွှဲစိုရုံမက အသစ်စက်စက် ကတ္တီပါဖိနပ်လေးပါ စိုနင့်နေပြီ။
“နင့်ဖိနပ်လေး နှစ်မျောပါတယ်”
“ရပါတယ်ဟာ”
“အင်းပေါ့လေ.. အချစ်အတွက်ပဲ”
“ဟင်…”
“အော်.. ဘာမှမဟုတ်ပါဘူး…”
သူ့စကားကြောင့် မိုးငွေ့တွေတွဲခိုနေသော သူ့ဆံနွယ်တွေကို မော့ကြည့်ပြီး ခေါင်းငုံ့ချလိုက်မိသည်။

ခေါင်းငုံ့ပြီး နောက်ထပ် ကဒ်ပြားတစ်ခုကို ဆွဲထုတ်လိုက်သည်။
ကလပ်စည်းပေါင်း ထရစ်လီးယန်း၅၀ နဲ့ဖွဲ့စည်းထားတဲ့ လူတွေကိုယ်ထဲက ကလပ်စည်းတွေကို ဓာတ်ခွဲခန်းထဲက ဗိုက်တာမင် ကန်တစ်ခုထဲကို ပစ်ထဲ့ကြည့်လိုက်ပါ။ ခွန်အားတွေပြည့်ပြီး ဆက်လက်ရှင်သန်နေကြတာကိုတွေ့လိုက်မယ်။ ဒါမှမဟုတ်ပဲနဲ့ အဆိပ်ရည်ထဲကို ထဲ့လိုက်ပါ။ ငါတို့ဆဲလ်တွေ ညိုးလျော်ပျက်စီးသွားလိမ့်မယ်။

မီးပွိုင့်အနီကိုစောင့်ရင်း မိုးသည်းသည်းအောက်မှာ လွယ်အိတ်ကိုပိုက်ပြီး ချမ်းလွန်းလို့ တုန်တက်နေမိသည်။
“ငါ့ ဂျက်ကက် ၀တ်မလား”
“နေပါစေဟာ.. ရောက်တော့မှာပဲ”
ပြောပြောဆိုဆို ကားလမ်းကူးရန် ပလက်ဖောင်းအောက်ကိုဆင်းလိုက်သည်။
“ဟာ…ဟေ့ နေဦးလေ၊ ကားတွေလာနေသေးတယ်”
လက်မောင်းကို ဖမ်းဆွဲလိုက်သည်ကို မရုန်းမိ။ ပြီးတော့ တစ်ဖက် ကားလမ်းထိ ကလေးတစ်ယောက်ကို ဆွဲခေါ်သလို ခေါ်သွားရင်း တပျစ်တောက်တောက် ပြောနေသည်ကို နားထောင်နေမိသည်။
“ကလေးလိုပဲ…”

နှုတ်ခမ်းကို ယောင်ယမ်းကိုက်မိသည်။ ပြီးတော့ ကဒ်ပြားနောက် နှစ်ခုကို ဆက်တိုက် ဆွဲထုတ်လိုက်သည်။
စိတ်ရှုပ် စိတ်ထိခိုက်လာပြီဆိုရင် ဦးနှောက်ရဲ့လှုံ့ဆော်မှု အောက်မှာ ကော်တီဆော်လ်တွေ ယိုစိမ့်လာပြီ။ ဒီကော်တီဆော်လ်တွေ ယိုစိမ့်လာတာနဲ့အမျှ လူတွေရဲ့ ခွန်အား၊ စဉ်းစားဆင်ခြင်နိုင်မှု၊ ကိုယ်ခံစွမ်းအားတွေကျလာပြီး အမှားတွေလုပ်ဖို့ပိုများလာတတ်တယ်။

တစ်ဦးနဲ့တစ်ဦး ကောင်းမွန်စွာ ဆက်ဆံလို့ရလာတဲ့ ပျော်ရွှင်မှုကို ခံစားရတယ်ဆိုရင်တော့ အက်ဒ်ရေနလင်နဲ့ နော်အက်ဒ်ရေနလင် တွေဟာ ကိုယ်ထဲမှာ ပျံ့နှံ့လာတတ်တယ်။ အဲဒီချိန်မှာတော့ လူတွေရဲ့ ကိုယ်ခံစွမ်းအားတွေတက်လာတယ်။ ခွန်အားတွေပြည့်လာတယ်။ စဉ်းစားတွေးခေါ်နိုင်မှုစွမ်းအင်တွေလဲ မြင့်လာတယ်။

“ကလေးလိုပဲ…”
“ဘာလဲဟ.. နင်ကလဲ”
“ဘာမှ မဟုတ်ဘူး။ လာ ဒီဆိုင်ထဲသွားရအောင်”
စတိုးဆိုင်ပေါက်ဝက အလှပြ ရွှေးပြားငွေပြားတွေ မိုးရေတွေအောက်မှာ လွန့်လူးနေသည်။ ဆိုင်ထဲက မှန်ဘီဒိုတွေထဲမှာ ပစ္စည်းတွေက အမျိုးစုံလင်လှသည်။
ထမီတွေ စီထပ်ထားသည့် ကောင်တာရှေ့မှာ သူရပ်နေသည်။
“ဘာလဲဟာ.. ငါရှက်တယ်” သူ့နောက်မှာ ရပ်ရင်း ခပ်တိုးတိုးကြိတ်ပြီး ပြောလိုက်သည်။
“ငါလဲရှက်တာပဲ..ဟ” သူကလဲကြိတ်ပြီး ပြန်ပြောသည်။
ကောင်တာနောက်က ရွယ်တူ မိန်းကလေးတွေက ပြုံးစိစိ။
ငပိရောင်ထမီလေးတစ်ထည်ကို သူလက်ညိုးထိုးနေသည်။
“နင် ဟိုမှာချမ်းလို့ ၀တ်လို့မရလဲ သိမ်းထားဟာ.. နော်”
“အင်း” မပွင့်တပွင့်ပြောလိုက်သည်။ ဘာကိုရှက်မှန်းမသိရှက်ပြီး စိတ်ကလဲညစ်နေသလိုလို ကြည်နူးနေသလိုလို။ စက္ကုအိတ်ထဲက ငပိရောင်ထမီလေးကို သူလှမ်းပေးတော့ လှမ်းယူပြီး ရင်ခွင်မှာ ဖက်ထားလိုက်သည်။

ဝတ်ထားသော ငပိရောင်ထမီလေးကို ယောင်ယမ်းလို့လက်နဲ့သပ်လိုက်မိသည်။ သည်နောက် ကဒ်ပြားနောက်တစ်ခုကို လွယ်အိတ်ထဲမှာ ဆွဲထုတ်လိုက်သည်။
Emotions are contagious. ခံစားချက်ဆိုတာ ကူးစက်တဲ့အရာ…။
တစ်စုံတစ်ယောက်က (emotional toxins) အဆိပ်တွေနဲ့ ပြည့်နေတဲ့ ခံစားချက်တွေဖြစ်တဲ့ ဒေါသ၊ ချိမ်းခြောက်မှု၊ ၀န်တိုမှု၊ မနာလိုမှုတွေကို မိမိကိုယ်ပေါ်ကို သွန်ချလိုက်တဲ့အခါမှာ မိမိကိုယ်၊ စိတ်တွေဟာလဲ ညစ်ညူးသွားတတ်တယ်။
Every interaction has an emotional cost or benefit. ဒါကြောင့်ပေါင်းသင်းဆက်ဆံမှုတိုင်းဟာ မိမိစိတ်ဓာတ်ကို အရူံး သို့မဟုတ် အမြတ်ထွက်စေတယ်ဆိုတာ အမြဲသတိရှိဖို့လိုတယ်။

စက္ကူအိတ်လေးကို ပိုက်ပြီး လွယ်အိတ်တွေထားတဲ့ ကောင်တာဘက်ကို သွားလိုက်သည်။
“ငါလဲ နင့်ကို လွယ်အိတ်လေး ၀ယ်ပေးမယ်နော်”
“နေပါစေဟာ..”
“ဟေ့အေး အမှတ်တယပေါ့နော်၊ နင်အမြဲတော့လွယ်ရမယ်”
မှန်ဘီဒိုထဲက အပြာရောင်လွယ်အိတ်လေးကို ရွေးယူလိုက်သည်။
“အခုတော့လဲ မဆန်းသလိုပါပဲလား”
အပြာရောင်လွတ်အိတ်လေးကို ရင်ခွင်မှာ ပိုက်ရင်း သူဆိုသည်။
“ဟင်.. ဘာကိုလဲ”
“အော်… မဟုတ်ပါဘူး ဆရာထီးသီချင်းပါ..” ရယ်ကျဲကျဲနှင့်သူဆိုရင်း လွယ်အိတ်ပြာလေးကို ရွှတ်ဆို တချက်ငုံ့နမ်းလိုက်သည်။

အပြာရောင်လွယ်အိတ်လေးထဲက နောက်ဆုံးကျန်နေသည့် ကဒ်ပြားတစ်ခုကိုဆွဲထုတ်လိုက်သည်။ ဇန်ဘူကာရဲ့ စားသားတချို့ကို ထုံးစံအတိုင်း ကသောကမျောရေးထားတာကို ဖတ်လိုက်ရသည်။

We get what we give and to the same degree.
And not always from the same people with whom we’ve dealt.
But somewhere… sometime…someone will treat you in like
manner.
The good that we do to others will return also.
For your kindness to others you will receive hospitality in far
places yourself.
Understand the troubles of others who come to you with their souls bared…and when you cry yourself, you will be sympathetically understood.
We get what we give.
Like always attracts like.
This is the law and it is inevitable.
We cannot escape the results of our actions.

ဘာမှ မကျန်တော့သော လွယ်အိတ်ပြာကို ရင်မှာ ပွေ့ထားလိုက်သည်။ မျက်စိကို အသာမှိတ်ထားရင်း ကုတင်စောင်းမှာ ငြိမ်သက်စွာဆက်လက်ထိုင်နေမိသည်။
အပြင်မှာ ကမ်းစပ်လှိုင်းပုတ်သံ၊ ကျီးကန်းအော်သံနှင့် တူထုသံကို ဆက်လက်ကြားနေရပါတော့သည်။

Labels: ၀တ္ထု, အတွေးအမြင်, ဒဿန

ပန်းရနံ့တွေကိုသယ်ဆောင်လာတဲ့ ညလေပြေက ပြူတင်းပေါက်ကတိတ်တဆိတ်ဝင်ရောက်လာတယ်။ အိမ်ရှေ့လမ်းတစ်ဘက် ရေကန်ကြီးဆီက လှိုင်းကြက်ခွပ်လေးတွေ လရောင်အောက်မှာ တဖျတ်ဖျတ်နဲ့လက်နေကြတယ်။ ကန်ဘောင်တစ်လျှောက်အုံ့ဆိုင်းနေတဲ့ သစ်ပင်တွေကြောင့် လရောင်ကတော့ ခပ်ရေးရေးလေးပဲ။
ညနေစောင်းတွေမှာ ဒီကန်ရိုးတစ်လျှောက်လူစည်ကားနေကျ။ ညနက်လာရင်တော့ အဲဒီကန်ရိုးဟာ ဟိုတုန်းက သူနဲ့သူ့ သူငယ်ချင်းတို့ စုရာအရပ်ကလေးတစ်ခုပေါ့။

သူတို့သူငယ်ချင်းတစ်စု အုပ်စုဖွဲ့စကားပြောသံသဲ့သဲ့တွေ အေးမြတဲ့ ညလေနဲ့အတူ ကိုယ်စာကျက်ရာပြူတင်းပေါက်ဆီကို ရောက်ရောက်လာတတ်တယ်။ တစ်ခါတစ်ရံတော့ သီချင်းသံ၊ စကားပြောသံတွေမကြားရပဲ ဆေးလိပ်မီးနီနီလေးတွေပဲတွေ့ရတတ်တယ်။ အခန်းမီးကိုပိတ်လို့ သူရှိနေတတ်ခဲ့ရာနေရာလေးကို အမှောင်ရိပ်ထဲက ကြည့်နေမိခဲ့ပါတယ်။ အခုတော့လဲ ကန်ရိုးတလျှောက် တိတ်ဆိတ်ခြောက်ကပ်နေလိုက်တာ... ပုရစ်အော်သံ သဲ့သဲ့ကိုတောင်ကြားနေရတယ်။

လရောင်နဲ့ လှပလွန်းတဲ့ညရဲ့ ဆွဲဆောင်မှုကြောင့် ကန်ရိုးပေါ်ကိုထွက်လာခဲ့မိတယ်။ လုံခြုံအေးချမ်းတဲ့ပတ်ဝန်းကျင်မှာ မွေးဖွားကြီးပြင်းခဲ့ပေမယ့်လည်း ဒီကန်ရိုးပေါ်ကို
ညအခါမှာ တခါမျှ မရောက်ဖူးခဲ့၊ သွားခွင့်လဲမရှိခဲ့။ လရောင်က ဖိတ်ဖိတ်တောက်သာနေလိုက်တာ ကိုယ့်အရိပ်ကိုတောင်ကိုယ် ပြန်မြင်နေရတယ်။ လောလောလတ်လတ် ကျင်လည်ခဲ့သော နီယွန်မြို့ပြအလှက ဒီသဘာဝအလှကို လှပစွာရှုံးနိမ့်သွားပြီပေါ့။

ညလေအေးအေးမှာ ၀ဲလွင့်သွားတဲ့ ဆံနွယ်တွေကိုစုသိမ်းလိုက်ပြီး ကန်စပ်မှာထိုင်ချလိုက်တယ်..။ ကန်စပ်ကမျက်ရှည်ပင်တွေနဲ့ ကန်တွင်းက ဗေဒါပင်တွေက အစိမ်းနုရောင်လွင်ပြင်ကြီးလိုပဲ။ အဲဒီအချိန်မှာ ပုရစ်အော်သံတွေနဲ့အတူ သစ်ရွက်ခြောက်ကြွေနင်းသံကိုကြားလိုက်ရတယ်။ မသိမသာတုန်ရင်နေတဲ့ ရင်ခုန်သံကို ဘာသာအံ့သြနေမိခဲ့တယ်။ ဒီခြေသံနဲ့ မရင်းနှီးဖူးခဲ့ပေမယ့် သူ့ခြေသံမှန်း ဘာကြောင့် တပ်အပ်သိနေခဲ့ပါလိမ့်။

ဟိုတုန်းကလို ရှပ်အဖြူရောင်၊ အညိုရောင်ပုဆိုးကွက်နဲ့ လရောင်အောက်က မြန်မာဆန်ဆန်ပုံစံလေးက မမြင်တွေ့ရတာနှစ်တွေသိပ်ကြာလို့ မျက်စိထဲမှာ ပိုလို့ညံ့သက်နေတယ်။

“----- ” ပြန်ရောက်နေပြီနော်...

လှပဆဲအပြုံးတစ်ခုနဲ့ ကိုယ့်ဘေးခပ်လှမ်းလှမ်းမှာ သူဝင်ထိုင်လိုက်တယ်။ ငယ်စဉ်ကလေးဘ၀ထဲက ကျောင်းအတူတူ၊ ကျုရှင်အတူတူတက်ခဲ့ကြပေမယ့် မေးထူးခေါ်ပြောအဆင့် ထက်မပိုခဲ့ကြတဲ့ကိုယ်တို့.. အဲဒီိညက ပထမဆုံးအကြိမ်အဖြစ် စကားတွေအများကြီးပြောဖြစ်ခဲ့ကြတယ်။ ညလေတွေကြားကသစ်ရွက်သံ တရှဲရှဲ၊ လရောင်မရဲတရဲအောက်မှာ သူ့ဆံနွယ်ခွေခွေလေး နဖူးမှာလွန့်လူးသွားတာကို၊ သူ့အကျီင်္အပေါ်ဆုံးက ကြယ်သီးတစ်လုံးပြုတ်နေခဲ့တာကို ကိုယ်ခိုးကြည့်ခဲ့မိတယ်။

ထောင့်ကိုးရာကိုးဆယ်ခုနှစ်တွေရဲ့ ပူလောင်အိုက်စပ်တဲ့ သင်္ကြန်ရက်တစ်ရက်တုန်းက ခြံနောက်ဖက်ထောင့် ရေတွင်းနားက ကံ့ကော်ပင်မှာ ကံ့ကော်ပန်းတွေအဆုပ်လိုက် ပွင့်နေခဲ့ကြတယ်။ ရေခမ်းတဲ့နွေရက်တွေမို့ ပတ်ဝန်းကျင်ကလူတွေ ကိုယ်တို့ရေတွင်းကရေကို လိုသလိုသုံးဖို့ လမ်းလေးဘေးကခြံနောက်တံခါးကို ဖွင့်ထားတတ်တယ်။ခြံနောက်ကလမ်းလေးက ဟိုမှာတပွင့်၊ သည်မှာတပွင့်ကျနေတဲ့ စကားပန်းဝါ၀ါလေးတွေကြောင့် အ၀ါရောင်လမ်းလေးဖြစ်နေတယ်။

လူတွေပျော်နေကြချိန် သင်္ကြန်ရက်တွေမှာ ကိုယ်တို့ညီအမတွေကတော့ ဘယ်မှသွားလေ့မရှိကြဘူး၊ အဲဒီနေ့ကလဲ ပျင်းရိလွန်းလို့ ရေတွင်းထဲကျနေတဲ့ဖားတစ်ကောင်ကို ကယ်ဖို့အကြံထုတ်ရင်း ရေတွင်းထဲကိုငုံကြည့်နေတဲ့ ကိုယ့်နားကို ငွေဖလားခွက်နဲ့ မမျှော်လင့်ပဲသူရောက်လာခဲ့သည်။ ကိုယ့်ကို ရေလောင်းဖို့ခွင့်တောင်းတော့ အလွန်အမင်းရှက်ရွံ့ပြီး ခေါင်းငုံ့ထားခဲ့မိတယ်။ သူနဲ့ကိုယ် နီးကပ်နေလို့ သူ့ကိုယ်သင်းနံ့ကို ပင့်သက်ရှိုက်မိလိုက်တယ်။ ကံ့ကော်ရနံ့သင်းပျံ့တဲ့ ရေအေးအေးကို ပုခုံးပေါ်မှာခံစားလိုက်ရချိန်၊ ကံ့ကော်ဝတ်ဆံမှုန်လေးတွေ လက်မောင်းမှာတွယ်ငြိသွားချိ်န်မှာတော့ ကိုယ့်ဘ၀ရဲ့ ပထမဆုံးသော ရင်ခုန်သံကို ခံစားခဲ့ရတယ်။

သြကာသလောကကြီးတစ်ခုလုံး တိတ်ဆိတ်စွာအိပ်မောကျနေတဲ့ နံနက်ခင်းလေးတစ်ခုမှာ လမ်းမီးရောင်အောက်က စက္ကူပန်းရွက်တွေနဲ့ ပုဏ္ဍရိတ်ရွက်တွေ အရောင်တွေတောက်လက်နေခဲ့တယ်။ စာကျက်ရင်းအိပ်ချင်ပြေ၊ ခြံထဲမှာ လမ်းဆင်းလျှောက်နေရင်း လက်က နာရီသံပတ်က လေးချက်မြည်တယ်။
အဲဒီအချိန်မှာ အိမ်ရှေ့ခြံတံခါးပေါ်က တွဲလွဲလေးတင်နေတဲ့ လှပတဲ့ ခရေပန်းကုံးလေးတစ်ကုံးကို ထူးဆန်းစွာလှမ်းတွေ့လိုက်ရတယ်။
ခရေကုံးလေးကိုလက်ကကိုင်လို့ စာကျက်ခန်းရှိရာအပေါ်ထပ်ကို ပြန်လာခဲ့တယ်။ အခန်းထဲရောက်တော့ မီးကိုပိတ်လို့ ကန့်လန့်ကာနောက်ကရပ်ပြီး ကန်ကြီးဘက်ကို လှမ်းကြည့်လိုက်တယ်။ လရောင်ရေးရေးအောက်က ကန်စပ်မြက်ပင်ရှည်တွေနားမှာ အဖြူရောင်အရိပ်လေးတစ်ခု....။
ဘယ်လောက်ပဲအလင်းရောင်နဲနဲ သူ့အရိပ်ကိုတွေ့တာနဲ့ သူဆိုတာကိုယ်အမြဲသိခဲ့တယ်..။ နောက်ရက်တွေမှာတော့ မဖြစ်နိုင်တဲ့ ဇာတ်လမ်းလေးတစ်ပုဒ်အတွက် မျှော်လင့်ခြင်းတွေ မပေးချင်လို့ ခြံတံခါးပေါ်က အထီးကျန် ခရေကုံးလေးကို ကန့်လန့်ကာနောက် အမှောင်ရိပ်အတွင်းကပဲ ရပ်ကြည့်ငေးမောနေခဲ့ပါတယ်။

ညနေစောင်းထမင်းစားပြီးချိန် အိမ်နောက်ဘက် ကွပ်ပျစ်ပေါ်မှာ မိသားစု လက်ဖက်ရည်ကြမ်းဝိုင်းထိုင်နေကြတဲ့တစ်ရက်၊ ဦးမြင့်က ကွမ်းတမြုံ့မြုံ့နဲ့ ရှေ့မကြည့်နောက်မကြည့်နဲ့ ထုံးစံအတိုင်းစကားတွေဖောင်ဖွဲ့နေခဲ့တယ်။

“မနက်မနက်၊ ဘယ်က ခရေကုံးအိမ်ရှေ့ရောက်ရောက်နေလဲမသိဘူး”
“ဒီအိမ်မှာ မိန်းမတွေတော့အများကြီးပဲ။ မေမေနဲ့ ဒေါ်သန်းကတော့ အသက်ကြီးပြီ”

ဒေါ်ကြီးသန်းက သူ့ယောင်္ကျားကို မျက်စောင်းထိုးကြည့်လိုက်တယ်။
ဦးမြင့်ကတော့ အာဘောင်အာရင်းသန်သန်နဲ့ ဆက်ပြောတယ်။

“မလွင်တို့၊ မကေတို့က ဧည့်သည်တွေ၊ ငယ်ငယ်က လဲ ငါးတန်းပဲရှိသေးတယ်ဆိုတော့
ဒီပန်းကုံးကဘယ်သူ့အတွက်လဲမသိဘူး”

အားလုံးရဲ့မျက်လုံးတွေက ကိုယ့်ဆီရောက်လာတယ်။ ကိုယ့်မျက်နှာတစ်ခုလုံးရှိန်းထနေတယ်။ နောက်ရက်တွေမှာ သူ့ကိုကာကွယ်လိုစိတ်နဲ့ ခြံတံခါးပေါ်က ခရေကုံးလေးတွေကိုယူပြီး ယွန်းဗူးလေးထဲမှာ သိမ်းဆည်းထားခဲ့တယ်။ မတုန့်ပြန်နိုင်တဲ့ အချစ်တစ်ခုမို့ ရက်စက်စွာငြင်းပယ်ရမယ်ဆိုတာ ကြိုသိထားခဲ့လို့ ခရေကုံးနဲ့အတူ နောက်ထပ်ထူးထူးဆန်းဆန်း တစ်ခုခုရလာမှာကိုတော့ သိပ်ကြောက်ခဲ့တယ်။ ခရေလေးတွေကောက်ဖို့ ရှိတဲ့မုန့်ဘိုးနဲ့ ဖယောင်းတိုင်ဝယ်ပြီး ကျောင်းဝင်းကြီးထဲက ခရေပင်အောက်မှာ မနက်သုံးနာရီထဲကရောက်နေခဲ့တဲ့ သူ့အကြောင်းတွေကိုတော့  အမြဲကြားခဲ့ရတယ်။

ဒီလိုနဲ့ ကိုယ်ဆယ်တန်းအောင်တဲ့နေ့အထိ တစ်ရက်မှမပျက်ခဲ့တဲ့ ပင်ခြေမှာဖွေး၊ ညှာတံနဲ့ဝေးပေမယ့်၊ မွှေးမွှေးပျံ့ပျံ့၊ သင်းပျံ့ယဉ်ကျေးတဲ့ ခရေအတွက် သူ့ကိုကျေးဇူးတင်ခဲ့ပါတယ်။

ကိုယ်တက္ကသိုလ်တက်နေတဲ့နှစ်တွေမှာတော့ အမှတ်တမယ့်တွေ့နေကျ သစ်ရိပ်ထူတဲ့ ကန်နားတ၀ိုက်မှာ၊ စိန်ပန်းပင်တန်းနားက မုန့်ဟင်းခါးဆိုင်နားမှာ၊ လမ်းဟိုဘက်ထိပ်က လက်ဘက်ရည်ဆိုင်တွေနားမှာ သူ့ကိုသိပ်မတွေ့ရတော့ဘူး။ ရှစ်တန်းမှာ ဂုဏ်ထူးငါးခု အတူတူရခဲ့ကြပေမယ့် ဆယ်တန်းမအောင်ခဲ့တဲ့အတွက် အားငယ်စိတ်နဲ့ သူရှောင်ပုန်းနေခဲ့တယ်နဲ့တူပါတယ်။ ဒါပေမယ့် လှပတဲ့ နေ၀င်ရီရောအချိန်တွေမှာတော့ သူရှိတတ်ရာရေကန်ကြီးဘက်ကို ကိုယ်ငေးကြည့်တတ်သလို၊ သူကလဲ ကိုယ်ရှိနေတတ်ခဲ့ရာ ကိုယ့်ရဲ့စာကျက်ခန်းလေးဆီကို ငေးကြည့်ခဲ့ရင်း ကိုယ်တို့ရဲ့အချိန်တွေကုန်ဆုံးခဲ့ကြတယ်။

မနက်ခင်းလေးတစ်ခုမှာတော့ ခရေကုံးလေးနဲ့အတူ ကိုယ်သိပ်ကြောက်တဲ့ အဖြူရောင်စာရွက်ခေါက်လေးကို ရရှိခဲ့တယ်။ အတွေ့အကြုံမရှိဖူးသူတစ်ယောက်လိုပဲ စာခေါက်လေးကိုဖြန့်နေတဲ့ ကိုယ့်လက်တွေတုန်ခါနေခဲ့တယ်။

“မင်္ဂလာရှိတဲ့နံနက်ခင်းလို့ဆိုရအောင်နော်...နွေး..”
ပထမ၀ါကျအဆုံးမှာ ပြူတင်းပေါက်ဖက်လျှောက်သွားပြီး စေ့နေပြီးသား ကန့်လန့်ကာကို ပိုစေ့အောင်ပိတ်လိုက်တယ်။ “မောင်”လို့ ဆိုင်းထိုးထားတဲ့ သူ့စာလေးအဆုံးမှာ စာဆက်မကျက်ဖြစ်တော့ပဲ အခန်းထောင့်က ဖုန်တက်နေတဲ့ ကြင်စုဂစ်တာလေးကို မလှုပ်မရှက်ငေးကြည့်နေခဲ့မိတယ်။

ပေးခဲ့တဲ့ခရေရဲ့ မျက်နှာကိုတောင်မထောက်၊ တမင်တကာနှုတ်မဆက်ပဲ မြန်မာပြည်ကထွက်ခွာလာတဲ့ကိုယ့်ကို ခွင့်လွှတ်နိုင်ပါစေ...
သူဆယ်တန်းအောင်သွားတယ်ဆိုတဲ့အကြာင်း၊ သူဆယ်တန်းအောင်သွားတဲ့အတွက် ကိုယ့်ကိုကျေးဇူးတင်တဲ့အကြောင်း၊သူ့ရည်းစားတွေရဲ့ နာမည်တွေမှာ “နွေး” ပါတဲ့အကြောင်းတွေ ကိုယ်သိခဲ့ရတယ်။

ကိုယ်ပြန်ရောက်နေလို့ ဟိုတုန်းကလိုပဲ မောင်နှမ၀မ်းကွဲတွေစုပြီး ခြံနောက်က မကျည်းပင်အောက်က ကွပ်ပျစ်မှာ ဂစ်တာစုတီးဖြစ်ကြတဲ့တစ်နေ့... သူတို့ဆိုနေတဲ့ ကော်ပီသီချင်းတွေကို ဘယ်လိုမှခံစားလို့မရတော့တာ ကိုယ့်ကိုကိုယ်သတိထားလိုက်မိတယ်။ “ငါ့အဖေနားထောင်တာဟဲ့”လို့ သူငယ်ချင်းယောင်္ကျားလေးတွေကို လှောင်ရယ်ခဲ့တဲ့ကိုယ်ဟာ တွံတေးသိန်းတန်တို့ စိုင်းထီးဆိုင်တို့ကို တရှိုက်မက်မက်နားထောင်နေတတ်ပြီ်။

အဲဒီအကြောင်းလေးတွေကို လရောင်ရွှမ်းတဲ့အဲဒီညက ကန်ကြီးကိုမျက်နှာမူရင်း သူနဲ့ပြောဖြစ်ခဲ့တယ်။ သူနဲ့ သူ့သူငယ်ချင်းတွေအမြဲဆိုနေကျ ခြင်္သေ့လည်ပြန် နဲ့ ရင်ခတ်အလွမ်းအကြောင်းပြောနေရင်း ကိုယ့်ရဲ့လက်ကို သူလှမ်းကြည့်လိုက်တယ်။ ပြီးတော့ “ဂစ်တာမတီးတော့တာ ကြာပြီမို့လား”လို့မေးခဲ့တယ်။

ပူအိုက်လွန်းတဲ့ရန်ကုန်ည၊ လှပလွန်းတဲ့လရောင်နဲ့၊ ကိုယ့်ရဲ့ကဗျာဆန်ချင်မှု (သို့မဟုတ်) ရုးသွပ်တတ်မှုတစ်ခုကြောင့် ခြံထောင့်ကရေတွင်းလေးမှာ၊ ညညလူခြေတိတ်ချိန် ကိုယ်ရေသွားချိုးလေ့ရှိတယ်။ အရောင်တောက်နေတဲ့သစ်ရွက်တွေ၊ ညလေမှာလွန့်လူးနေတဲ့အုန်းရွက်တွေ၊ ပန်းရနံ့သင်းတဲ့ညလေ၊ အေးမြတဲ့တွင်းရေ...
ခံစားကြည့်လိုက်ကြပါ...ဒီလိုအခွင့်အရေးမျိုး မြန်မာပြည်မှာပဲရနိုင်တာလေ…။

“ဟဲ့..ဘာလုပ်ဦးမလို့လဲ...ပြန်လာခဲ့..အိမ်ထဲမှာပဲချိုး” မေမေမသိအောင် ကြိတ်ပြီးဆူတဲ့ဒေါ်ကြီးသန်းကို မနဲတောင်းပန်ပြီး ရေတွင်းလေးဆီထွက်လာခဲ့တယ်။

“အို”......

ခရေနွမ်းလေးတွေ၊
မြေပေါ်မှာလွင့်၊ အပင်မှာမ၀င့်ပေမယ့်
ကြွေတဲ့ဘ၀၊ နွမ်းတဲ့ဘ၀မှာတောင်၊ လှပအောင်နွမ်းလို့ကြွေ.....
ရွှေဒါးမောင်လေးရည်ရဲ့ ကဗျာတစ်ပုဒ်ထဲကလို....

လှလိုက်တဲ့ခရေကုံးလေးတွေ..ကန်ဘောင်ပေါ်မှာ၊ ရေခွက်လေးထဲမှာ၊ ရေတွင်းဘောင်တစ်လျှောက်မှာ၊
မနွမ်းပါဘူး...လန်းလန်းဆန်းဆန်းနဲ့ အများကြီးပဲ...
ယုယုယယကိုင်ပြီး ပတ်ဝန်းကျင်ကို ဝေ့၀ဲကြည့်လိုက်တော့ တိတ်ဆိတ်နေလိုက်တာ ညလေတိုးသံတွေပဲကြားနေရတယ်...
အဲဒီညက အုတ်ကန်ထဲက လ၀န်းဝိုင်းဝိုင်းလေးရဲ့အရိပ်လေးကို လက်နဲ့အသာထိလိုက်ပြီး
ကိုယ်အကြာကြီးငိုင်တွေနေခဲ့မိတယ်...

အဲဒီတစ်ကြိမ်က သူနဲ့ကျွန်မ နောက်ဆုံးတွေ့ခဲ့ကြခြင်းပဲဖြစ်ပါတယ်...
ဒီတစ်ကြိမ်မြန်မာပြည်က ကျွန်မအထွက်မှာ        သူအရူးကြီးဖြစ်ပြီးကျန်ခဲ့တယ်လို့ သူ့အမေက
ကျွန်မအမေကိုပြောရင်းငိုတယ်ဆိုတဲ့အကြောင်းတွေကို နှစ်တွေအများကြီးကြာမှ ကျွန်မသိခဲ့ရပါတယ်...

ရန်ကုန်ကိုဘယ်နှစ်ကြိမ်ပြန်ရောက်ရောက် သူ့ကိုဘယ်တော့မှ ကျွန်မ မတွေ့တော့ပါဘူး
ဒီကန်ကြီးနားတ၀ိုက်မှာ၊ ဒီလမ်းပေါ်မှာ၊ ဒီပတ်ဝန်းကျင်မှာ သူမရှိတော့ဘူး
သူနေခဲ့တဲ့အိမ်ကြီးပေါ်မှာလဲ လူသစ်တွေရောက်နေကြပြီ....
သူဘယ်ကိုပြောင်းသွားလဲဆိုတာလဲ စုံစမ်းလို့ မရတော့ပါဘူး..

တစ်ကယ်တော့ငယ်ငယ်က စာကျက်ရင်းအမြဲကြားခဲ့ရတဲ့
သူသီဆိုခဲ့တဲ့ ကိုမွန်းအောင် ရဲ့ “ရင်ခတ်အလွမ်း” ထဲကလို
မခေါ်နိုင်မှန်းသိလို့ တိတ်တဆိတ်လှမ်းသွားသူဟာ.......
ဘယ်သူဘယ်ဝါလဲဆိုတာကို နောင်တများစွာနဲ့ ကျွန်မအဖြေရှာနေရင်း...
ခရေပန်းများကို သစ္စာရှိနေရင်းနဲ့ .....

(သက္ကရာဇစ်နှစ်ထောင့်ခြောက်တုန်းကရေးထားတဲ့စာစု ဒီမှာပြန်စုခြင်းပါ)

© အိမ့်ချမ်းမြေ့ဒေါ့ကွန်:                                                                      ♥အိမ့်ချမ်းမြေ့ဘလော့ဂ်♥

Labels: ၀တ္ထု

ပိန်းပိတ်အောင်မှောင်တဲ့ အနက်ရောင်ကောင်းကင်ကြီးကို
အသည်းတအေးအေး ရင်တဖိုဖိုနဲ့ ကိုယ်… ငုံ့ကြည့်လိုက်တယ်…..။

ကောင်းကင်မှောင်ကြီးထဲမှာ
မရဲတရဲလင်းတဲ့ကြယ်အိမ်တွေကို
နဂါးငွေ့မျှင်တန်းတွေကရုံ
သိမ်သိမ်မွေ့မွေ့လေး ခြုံလို့ထားကြတယ်…။

ပန်းနုလရောင် ပင့်ထိုးတော့
ဗေဒါအိုးက တလူးတလွန့်နဲ့
ရှက်ပြုံးလေးပြုံးကာ ကိုယ့်ခြေရင်းမှာ နားခိုတယ်…။

ညလေရိုင်းအောက်မှာ ဆံနွယ်တွေ အထွေးလိုက်
တိမ်တိုက်တစ်ခုထဲ ပြုတ်ကျသွားခဲ့တယ်…။

သိုင်းဖက်ထားတဲ့ ကျောက်သားတွေ၊ ပင်လယ်ပြာနဲ့ အုန်းပင်တန်းရဲ့ ရင်ခွင်ထဲက
လူးလဲထလို့ …
ဆံနွယ်ခွေနောက်
တကောက်ကောက်လိုက်ဖို့ ပြင်မိတယ်…။

ဗေဒါနွယ်တွေက ခြေကိုရစ်ပတ်
မသွားဖို့တားမြစ်တယ်…
ပင်လယ်ကတော့
ချုန်းပွဲချငို မျက်ရည်စိုပြတယ်…
ကျောက်ခဲတွေက တင်းတင်းဖက်ထား
ရင်ခွဲမလို့လားလို့မေးတယ်…။

မျက်စိစုံမှိတ် ရွှေရင်ထိတ်ပါလို့
ဆံနွယ်ခွေနောက် ကောက်ကောက်ရယ်ပါ
တိမ်တိုက်ပြာထဲ ခုန်ချလိုက်တယ်…။

ဆံနွယ်ခွေရင်မှာပိုက်လို့
ဟိုးအောက်ကောင်းကင်မှ ပင်လယ်ကိုမော့ကြည့်…
လက်ညှိုးလေးနဲ့ ထိကြည့်လိုက်တယ်…

ပင်လယ်က ရှက်ပြုံးလေးပြုံးတယ်…
ဗေဒါက ရေထဲပုန်းတယ်…
ဒီလိုနဲ့…
ဒီလိုနဲ့…
တိမ်တိုက်ပြာထဲ..
ကိုယ်…
စုန်းစုန်းမြှုပ်သွားပါတော့တယ်…

© အိမ့်ချမ်းမြေ့ဒေါ့ကွန်:                                                                      ♥အိမ့်ချမ်းမြေ့ဘလော့ဂ်♥

♦ ♦  ♦ ♦

Labels: ကဗျာ

• ခန္ဒာကိုယ် ပြင်းထန်စွာကိုက်ခဲခြင်း

• တုပ်ကွေးမိသယောင်ဖြစ်ခြင်း

• အကြားအာရုံ သို့မဟုတ် အမြင်အာရုံ မှုန်ဝါးလာခြင်း

• အိပ်မပျော်ခြင်း သို့မဟုတ် အလွန်အကျွံအိပ်စက်ခြင်း

• အရက်အလွန်အကျွံသောက်လာခြင်း

• အာရုံစူးစိုက်မှုလျော့နည်းလာခြင်း

• လုပ်ငန်းခွင်မှာ အာရုံလျော့နည်းလားခြင်း

• တစ်ဦးတည်းနေလိုခြင်း

• အိမ်ထဲမှ အိမ်ပြင်မထွက်လိုခြင်း

• မျှော်လင့်ချက်များလုံးဝကုန်ဆုံးသလိုခံစားရခြင်း

• စိတ်အတက်အကျ ပြင်းထန်လာခြင်း

• ၀မ်းနည်းပြီး အလွယ်တကူငိုယိုခြင်း၊ စိတ်ကျခြင်း

• မိမိကိုယ်ကို ယုံကြည်မှုမရှိတော့ခြင်းနှင့် အပြစ်ရှိသလိုခံစားလာရခြင်း။

• မိမိတစ်ကိုယ်ရည်ကျမ်းမာရေးကို ဂရုစိုက်ပါ။ အိပ်ရေးဝစွာအိပ်ပြီး အစားမှန်စွာစားပါ။

• လုပ်နေကျအလုပ်များကို ကြိုးစားပြီး ပုံမှန်ပြန်လုပ်ပါ။

• မိမိကို နားလည်ပေးနိုင်သည့် မိသားစုဝင်များ၊ သူငယ်ချင်းများကို အချိန်ပေးပါ။

• ကိုယ့်ကိုကိုယ် “down time” ပေးပါ။ တစ်ဦးတည်း ခေတ္တနေပါ။ နောက်ရက်တွေအတွက် ခွန်အားပြန်ဖြည့်ပါ။

• ပင်ပန်းသည်ဆိုပြီး အရက်သေစာသောက်သုံးခြင်းကို ရှောင်ပါ။ အရက်သေစာသည် စိတ်ကျစေသည့်အတွက် သောက်နေတုန်းသာ စိတ်ထနေသလိုလိုနှင့် နောက်ရက်တွေမှာ စိတ်ကို ကျစေပါသည်။ သကြား၊ ကော်ဖီ၊ လက်ဘက်ရည် အလွန်အကျွံသောက်သုံးပါကလဲ စိတ်ကို ဂဏာမငြိမ်ဖြစ်စေသည်ကို သတိပြုပါ။

• ဗုဒ္ဒဘာသာဝင်များအနေနှင့် စိတ်ငြိမ်ရန်တရားထိုင်ပါ သို့မဟုတ် အသက်ရှုလေ့ကျင့်ခန်းလုပ်ပါ။ နူးညံ့သောတေးသွားကို နားထောင်ပါ၊ ခံစားချက်များကို စာရွက်တစ်ရွက်တွင် ချရေးပါ။ စိတ်ချမ်းသာစရာ အတိတ်က အဖြစ်အပျက်တစ်ခုခုကို စဉ်းစားပါ။

• လောကကြီးမှာ မမျှော်လင့်တာတွေအမြဲဖြစ်တတ်တာကို နှလုံးသွင်းပါ။

• အရာရာတိုင်းဟာ မျှော်လင့်ချက်မဲ့စရာ၊ အဓိပယ်မရှိသည့် လူ့ဘ၀တွေကို စဉ်းစားမိတိုင်း ဒီခံစားချက်တွေဟာလဲ ခေတ္တပဲဟု နှလုံးသွင်းပါ။
• 
  

• ရင်ဆိုင်ခဲ့ရတဲ့ မြင်ကွင်းတွေ၊ ပုံရိပ်တွေ၊ အသံတွေကို မကြာခဏ တဖျတ်ဖျတ်မြင်နေခြင်း

• အိပ်မက်ဆိုးများ ဆက်တိုက်မက်နေခြင်း

• လူမှုဆက်ဆံရေးထိခိုက်လာခြင်း

• အာရုံစူးစိုက်မှုလျော့နည်းလာခြင်း

• ဒေါသ၊ စိတ်လှုပ်ရှားမှု၊ စိတ်ကျမှု၊ ပြင်းထန်စွာငိုကြွေးမှု

• တစ်ဦးထဲနေလိုမှု

• အလွန်အမင်း ကြောက်ရွံ့တုန်လှုပ်နေမှု

• ဖြစ်ချင်ရာဖြစ်ဟု ရေစုန်မျောနေလိုခြင်း

Labels: မြန်မာ့အရေး, ဆောင်းပါး, နာဂစ်

လွမ်းတယ်မိုး…

အစိုးမရတဲ့ နေ့တွေထဲမှာ

အလဲလဲအပြိုပြိုနဲ့

ညိုမလိုမိုးကိုမျှော်ရင်း

လွမ်းပန်းခင်းထဲ ကျန်ခဲ့တော့မယ်ထင်ရဲ့ကွယ်..

လွမ်းနေတယ်မိုး

ဟိုးတောင်ပေါ်မှာ မိုးတွေညို့ရင်

စို့လက်မျက်ရည် လွမ်းပင်လယ်ဝေလို့

နွေရာသီထဲလဲ

တစ်ယောက်ထဲယမ်းယော်

မိုးမျှော်တတ်တော့မယ်ထင်ရဲ့ကွယ်..

လွမ်းနေမယ်မိုး

အညိုးနဲ့ရွာပါကွယ်..

အညှာလွယ်ပန်းမဟုတ်လို့

မိုးမရွာလဲ နွမ်းပါစေတော့နော်

စမ်းရေချိုလဲ ခါးသက်လေရောမယ်…

လွမ်းပါရစေ.. မိုး

~~နွေဦးပန်း~~ 

~တပြည်သူ အိမ့်ချမ်းမြေ့~

Labels: ကဗျာလို့ပဲသဘောထားပေးပါရှင်

ဒီစားပွဲပေါ်မှာ အရောင်မဲ့ စားပွဲခင်းတစ်ခုရှိတယ်။

နွမ်းကြေတဲ့ ပန်းတွေ ခင်းပြရမလား….
စမ်းရေနံ့သင်းတဲ့ သစ်ရွက်ခြောက်တွေ တဂေါက်ဂေါက် ကြဲပြစေလိုသလား။
အလွမ်းမသင့်တဲ့ လဂမုန်းပွင့်ရဲ့ ရင်ဖွင့်သံလား…။
အမှန်တွေလား၊ အမှားတွေလား၊
အပေါ်ယံတွေလား၊ အရှိအတိုင်းလား၊
လွတ်လပ်မှုတွေတဲ့လား…။

အမှန်တွေ…….
ရှုထောင့်စုံကကြည့်တဲ့ မဟားတရား အမှန်တရားလား
တစ်ဝက်မှန်လား…၊ တစ်ဝက်မှားလား..။
အိပ်ငိုက်နေတဲ့ အမှန်တရားလား၊
သတ်ခံထိမယ့် အမှန်တရားလား
ပန်းတွေကြောင့် စမ်းကြွေမယ့် အမှန်တရား
ဆားခါးထက်ဆိုနေ..။

အမှားတွေ….
ခါးသက်တဲ့ ကျားကွက်တွေလို တစ်ချက်မှားတာနဲ့ အစားခံရမလို
အိုဟောင်းနေတဲ့ နေပြောက်ထိုး
မလိုအမှား၊ လိုတော့လဲထားလိုက်..
မိုက်မဲတဲ့ အမှားတွေ...။

အပေါ်ယံတွေ…
တမင်ဖန်တီးထားတဲ့ အပေါ်ယံတွေလား..။
ရို့ကျိုးနေတဲ့ အပေါ်ယံတွေလား..။
စိတ်ဆိုးနေလို့ ဆူညံအုန်းထ
အလှပျက်ညတွေလို အပေါ်ယံတွေကြား
နေလိုအားသူတွေ…။

အရှိအတိုင်း…
ထိမိလို့လဲစရာ ဖြစ်မှာစိုးလို့
ဖွင့်မပြရဲ၊ ချို့တဲ့ဆဲအမှန်တွေ
ဒါမပြောသင့်ဘူး သူတို့အားငယ်သွားမယ်
ဒါမရေးသင့်ဘူး သူတို့နာကျင်သွားမယ်
ဒါမဆိုသင့်ဘူး သူတို့ကြွားတယ်ထင်မယ်..
ဒါမကြားသင့်ဘူး သူတို့ ကိုယ့်ထက်ပိုတတ်တယ်..
ဒါလဲ…
ဒါလဲ…

လွတ်လပ်မှုတဲ့……….
အားနာစွာ လစ်လျုရှုခံရလို့
ချို့တဲ့နေတဲ့ အမှန်တရားတစ်ချို့ စားပွဲထောင့်မှာ ရပ်နေတယ်။

ဒီစားပွဲပေါ်မှာ အရောင်မဲ့ စားပွဲခင်းတစ်ခု….
ခင်းကျင်းပြမယ့် အရာတွေကို emotion မပါဘဲ စောင့်မျှော်နေတယ်…

 အိမ့်ချမ်းမြေ့ဒေါ့ကွန်း

Labels: ကဗျာလို့ပဲသဘောထားပေးပါရှင်

ထိုနေ့ညက နှင်းစက်တို့ ထင်းရှုးပင်တွေထဲ တဖောက်ဖောက်ကျနေသံကို ကြားနေရသည်။ ကြည့်လိုက်တိုင်းဖွေးဖွေးလှုပ်ဖြူနေသော နှင်းစက်တွေအောက်မှာ ရောင်စုံမီးတွေက ဖျိုးဖျိုးဖျတ်ဖျတ်။ တောင်ကုန်းအောက်ခြေမှာ အိပ်မောကျသော အိမ်ပုလေးတစ်လုံးဆီက ခေါင်းတိုင်မှ မီးခိုးကတလူလူတက်လာနေသည်။ ဆောင်းလေက အလိုက်မသိစွာ ခါးသက်ကြမ်းရှနေလေရော့သလား။ သူမအိပ်မောကျနေလေရော့သလား။ သူမဘေးမှာ တစ်စုံတစ်ဦးများရှိနေလေမလား။ ခြံထဲသို့ဝင်သည့် လမ်းတစ်လျောက်မှာ နှင်းပုံက အိအိစို့စို့။ အိမ်ရှေ့ခန်းပြူတင်းကဖြတ်လို့ မီးရောင်က ပြူတင်းအပြင်ဘက်က အကိုင်းကျဲကျဲ မေပယ်ပင်ပေါ်ကို ဖြာကျနေသည်။ သူမအခန်းထဲမှာလဲ မီးရောင်ကဖျာလဲ့လဲ့။

ခြံထဲမှာ သူမစိုက်ထားသည့် အပင်တွေ နှင်းဒဏ်အောက်မှာ အလဲလဲအပြိုပြို။ နွေရာသီတုန်းက သူမ၏ နွယ်ပန်းမွှေးပင်အတွက် ကိုယ်တိုင်စဉ်ထိုးပေးခဲ့သည့် ပန်းစင်ကတော့ ဆွေးမြေ့နေပြီ။ ပန်းစင်အောက်က နှင်းပုံထဲမှာ လက်လက်တောက်တောက် အရာတစ်ခုကို တွေ့လိုက်သည်။ အော်… သူမထိုးနေကျ ဆံထိုးလေး။ သူမပန်းစိုက်တုန်းက ကျခဲ့ဟန်တူသည်။ ဒူးထောက်ထိုင်ရင်း ဆံထိုးလေးကို ခပ်ဖွဖွတို့ကြည့်မိသည်။ ရင်မှာ တစစ်စစ်နာကျင်လာတော့ နှင်းရိပ်အောက်က ငိုက်မြည်းနေသောသစ်ပင်အိုထံမှ ညငှက်တစ်ကောင် နာကျည်းစွာ အော်ဟစ်ပြန်ထွက်သွားသည်။

 
တစ်နေ့သော ညနေစောင်းတစ်ခုတုန်းက မီးဖိုထဲမှာ ခရမ်းချဉ်သီးတွေ လှီးနေသော သူမကို နောက်က သိမ်းဖက်ရင်း သူမနားရွက်ကို ချစ်မြတ်နိုးစွာနမ်းလိုက်စဉ်က ထိုဆံထိုးလေး ပန်းကန်ဆေးခွက်ထဲသို့ ပြုတ်ကျသွားခဲ့ဖူးသည်။ နောက်တော့ သူမ ကိုယ်ကို တစ်ပတ်လှည့်လာပြီး ရင်ခွင်ထဲမှာ မှီနွဲ့လာခဲ့သည်။ အဲဒီနေ့က ကော်လာဖြူပေါ်မှာ သူမဆီက ခရမ်းချဉ်သီးပေကျန်ခဲ့သည်။ ဆောင်းလေက အရိုးအေးမတတ်တိုက်ခတ်နေသည်။ သက်ပြင်းမောကို မှုတ်ထုတ်အပြီး သူမနှစ်သက်သည်ဆိုသည့် ဆေးလိပ်နံ့နံနေသည့် ကိုယ့်နှုတ်ခမ်းကို ရောင်ရမ်းထိကြည့်မိသည်။ ၀ဲစရာမျက်ရည်တော့ မရှိတော့။

 
အိမ်ကို တပတ်ပတ်ကြည့်မိသည်။ အရင်အတိုင်း ဘာမှပြောင်းလဲခြင်းမရှိ။ ခြံထောင့်က သစ်ရွက်သိမ်းသည့် ဂွတံကို သူမ မသိမ်းပဲ နှင်းတွေထဲ ဒီအတိုင်းပစ်ထားသည်ပဲ။ ပန်းရေလောင်းသည့် ရေပိုက်တွေလဲ မသိမ်းပဲပစ်ထားတော့ အက်ကွဲကုန်ပြီထင်သည်။ အိမ်ဘေးပြူတင်းပေါက်မှ အိမ်တွင်းသို့လှမ်းအကြည့် အိမ်ရှေ့ခန်းမီးလင်းဖိုမှာ မီးဖိုထားသည်ကို မြင်နေရသည်။ သူမကော…။ အိပ်ခန်းထဲမှာ စာဖတ်နေလား။ မဖြစ်နိုင်။ သူမက မီးလင်းဖိုနားမှာ စောင်တစ်ထည်ခြုံရင်း စာဖတ်တတ်သည်ပဲ။ စာဖတ်ရင်း အိပ်ပျော်သွားတတ်သည့် သူမနဖူးကို ဟိုတုန်းကတော့ သာသာနမ်းပြီး နှိုးနေကျ။ တစ်ခါတစ်ရံ သူမသောက်ဖို့ ဖျော်ပေးထားသည့် လက်ဘက်ရည်ကို မသောက်ပဲ အိပ်ပျော်သွားသည့်အခါ တဗျစ်တောက်တောက် ပြောမိခဲ့သည်များကို နောင်တရမိသည်။ ယခုတော့ သူမထိုင်နေကျ မီးလင်းဖိုနားက ခုံက လွတ်နေသည်။ ဒါဆို ရေနွေးကန်ထဲမှာ စိမ်ရင်း အိပ်များပျော်နေသလား။  သူမ၏ ရေနွေးစိမ်ရင်း အိပ်ပျော်တတ်သည့် ထူးထူးဆန်းဆန်း အကျင့်ဆိုးကြောင့် ခဏခဏ နေမကောင်းဖြစ်သော သူမ၊ ဆေးသောက်ရမှာ အလွန်ကြောက်သောသူမ၊ ဘယ်ဆေးကိုမှ အယုံအကြည်မရှိသောသူမ၊ ဒီတစ်ဆောင်းလုံးဘယ်လိုများ နေနေပါလိမ့်။

 
အိမ်ရှေ့ သုံးထစ်လှေကားအတိုင်း တက်လာခဲ့သည်။ နွယ်ပန်းတွေ အအေးဓာတ်အောက်မှာ ခေတ္တအိပ်စက်နေကြသည်။ နွေဦးဆိုရင်တော့ ခေါင်းထောင်လို့ ကြော့လာကြပေဦးမည်။ အရင်လို အသံပေးပြီး အိမ်ထဲဝင်ရမလား။ သူမအရမ်းအံ့သြသွားမလား၊ လန့်သွားမလား။ သူမနာမည်ကို တချက်ခေါ်ကြည့်လိုက်သည်။ စိတ်လှုပ်ရှားလွန်းလို့ထင်သည်။ ကိုယ့်အသံတောင် ကိုယ်ပြန်မကြားရ။ အိမ်ထဲက ဘာသံကြားမလဲ စောင့်ကြည့်နေသည်။ ဘာသံမျှမကြား၊ ဘာလှုပ်ရှားမှုမှမတွေ့။ အိမ်ရှေ့တံခါးကို အသာတွန်းလိုက်တော့ တံခါးက ပွင့်နေသည်။ အို…. သူမဘာကြောင့်များ တံခါးပိတ်မထားပါလိမ့်။

 
အိမ်ရှေ့ခန်းထဲရောက်တော့ အရာအားလုံး အရင်အတိုင်း၊ ဘာမှမပြောင်းလဲ။ အဆောင်အယောင်ကင်းမဲ့တဲ့ အခန်းလေးထဲမှာ အသံတွေ တိတ်ဆိတ်နေသည်။ နံရံပေါ်မှာတော့ သူမအတွက် စပ်ခဲ့ဖူးတဲ့ကဗျာတပုဒ်။ အဲဒီနေ့က ထုံးစံအတိုင်း နောက်နေ့စာတွက် သူမ ထမင်းချက်ရန် ဆန်အိုးကိုဖွင့်လိုက်သည်ကို ခပ်လှမ်းလှမ်းမှ ပန်းကန်တွေဆေးရင်း သူမမျက်နှာကို မသိမသာ အကဲခတ်နေခဲ့သည်။ ဆန်အိုးထဲက ထွက်လာတဲ့ စာရွက်ခေါက်ကို သူမ မျက်မှောင်ရှုံ့ပြီး ဖွင့်ဖတ်လိုက်သည်။ သူမ မျက်နှာလေးတည်သွားသည်။ နောက် တဖြည်းဖြည်း ပြုံးလာသည်။ နောက် အောက်နှုတ်ခမ်းလေးကို သူမကိုက်ပြီး မျက်လုံးလှန်ကြည့်သည်။ နောက် ဆင်မယဉ်သာ ခြေလှမ်းများနှင့် အနားကို ကပ်လာသည်။ နောက် လည်ပင်းကိုသိုင်းဖက်ပြီး ယဉ်ကျေးသိမ်မွေ့သော အနမ်းတစ်ခုကိုပေးသည်။ နောက်တစ်နေ့တော့ ထိုကဗျာစာရွက်လေးကို ဘောင်လှလှလေးထဲထည့်ပြီး အိမ်ရှေ့ခန်းမှာ သူမချိတ်ထားလိုက်သည်။ 

ယခုတော့ သူမ အရမ်းတိတ်ဆိတ်နေသည်။ အိပ်မောကျနေရော့သလား။ ရေချိုးခန်းထဲမှာ ပန်ကာလည်သံလဲမကြား၊ မီးလဲဖွင့်မထား။ စင်္ကြန်အတိုင်း အိပ်ခန်းရှိရာဘက်သို့လျောက်လာသည်။ အခန်းတံခါးက စေ့နေသည်။ မီးရောင်ကဖြာကျနေသည်။ အခန်းတံခါးကို အသာတွန်းဖွင့်လိုက်သည်။

သူမ ကုတင်ပေါ်မှာ အိပ်မောကျနေသည်။

ဟင်…….. သူမ.. သူမ သိပ်ပိန်သွားပါလား။

စောင်ပုံလေးပဲ မြင်နေရသည်။ အနားကို ခပ်ဖွဖွလှမ်းလို့ ကပ်သွားမိသည်။ သူမ ပိန်လိုက်တာမှ အရိုးပဲကျန်တော့သည်။ ဘယ်လိုဖြစ်တာလဲ။ အရင်က နီရဲဖူးစိုခဲ့သော နှုတ်ခမ်းတွေ မဲညစ်ခြောက်ကပ်နေသည်။ မြတ်နိုးစွာနမ်းခဲ့သော ပါးပြင်မို့မို့တွေ ချိင့်ဝင်နေသည်။ အရောင်တောက်လက်ခဲ့သော ဆံနွယ်တွေ ဖွာလန်ကြဲနေသည်။ လက်ချောင်းတွေက အရိုးငေါငေါထွက်နေသည်။ ကျွန်တော်ဝတ်နေကျ အနွေးထည် အညိုရောင်ကို တင်းတင်းကျပ်ကျပ်ဖက်ရင်း သူမအိပ်ပျော်နေသည်။ ခေါင်းရင်းက စားပွဲပေါ်မှာလဲ ဆေးပုလင်းတွေ ကြဲပြန့်နေသည်။ ဆေးတွေက အိပ်ဆေးတွေ၊ စိတ်ငြိမ်ဆေးတွေပါလား။ သူမ မျက်နှာကို ငုံ့ကြည့်လိုက်သည်။ ဟာ… ပါးပြင်မှာ မျက်ရည်တွေ ခြောက်တောင် မခြောက်သေးဘူး။ သူမ ငိုရင်း အိပ်ပျော်သွားသည်ပဲ။

 “ကိုယ် ပြန်ရောက်ပြီလေ” 

သူမ နဖူးလေးကို ဖွဖွနမ်းပြီး နှိုးလိုက်သည်။ သူမ မလှုပ်၊ သူမအသက်ရှုသံ လေးလေးမှန်မှန် ဆက်ထွက်နေသည်။

 “ကန့်လန့်ကြီး အိပ်နေတော့ မောင်ဘယ်နားအိပ်ရမှာလဲ” 

နှာခေါင်းလေးကို လက်နဲ့ အသာဖျစ်လိုက်ပြီး ပြောလိုက်သည်။ သူမ ကိုယ်ကို တချက်တွန့်ပြီး ဟိုဘက်စောင်းပြီး ဆက်အိပ်နေသည်။ သူမကောက်ကြောင်းတွေက အရင်လို မပီပြင်တော့။ သူမ ဆံနွယ်တွေကို အသာပွတ်ပြီး ဟိုအရင်ကလို နားရွက်လေးကို နမ်းလိုက်သည်။ သူမ နှုတ်ခမ်းက အပြုံးတစ်ခု လှစ်ကနဲ မြင်လိုက်ရသည်။

သူမ နှုတ်ခမ်းက အပြုံးလေးကို တစိမ့်စိမ့်ကြည့်နေမိသည်။ သူမ နှုတ်ခမ်းတွေလှုပ်ရွလာသည်။

“မောင်…”

တိုးတိုးလေး….

“ဗျာ”

“မောင်… မောင်”

သူမကိုယ် လူးလွန့်လာသည်။

“ဗျာ… မောင်ဒီမှာလေ”

“မောင်.. အို… မောင်” သူမ မျက်လုံးမှိတ်ရင်း ဆက်ခေါ်နေသည်။ မျက်လုံးအိမ်မှ မျက်ရည်တွေ တသွင်သွင် စီးကျလာသည်။

“မောင်.. မောင် မသေဘူးနော်…”

သူမ နှုတ်ခမ်းတွေ တဆတ်ဆတ်တုန်နေသည်။

“ဟင်.. မောင်မသေပါဘူး၊ ဘာတွေပြောနေတာလဲ။ မောင်မသေပါဘူး”

သူမ ကို မျက်ရည်သုတ်ပေးရန် စက္ကုပါးလေးကို ထယူလိုက်သည်။ သူမ၏ ကိုယ်လုံးပေါ်မှန်ရှေ့က ဖြတ်လျောက်မိတော့ တစ်ခုခု မှားနေသလိုခံစားလိုက်ရသည်။

မှန်ရှေ့ကို နောက်ခြေတစ်လှမ်း ပြန်လှမ်းလိုက်ပြီး တည့်တည့်ရပ်လိုက်သည်။

“ဟာ”

မှန်ထဲမှာ………

မှန်ထဲမှာ……..

ကိုယ့်ကိုကိုယ် ပြန်မမြင်ရပါလား။

သူမကို အံ့သြတကြီး လှဲ့ကြည့်လိုက်သည်။ သူမကတော့ သူ့နာမယ်ကို တမ်းတကြေကွဲစွာ ဆက်၍ခေါ်နေသည်။

 
နံရံတွေထဲက အလင်းတွေ ဖြာထွက်လာသည်။ အခန်းတစ်ခုလုံး လင်းလက်နေသည်။ ထူးဆန်းစွာ မျက်စိတွေကတော့ ကျိမ်းစက်မနေ။

 “မောင်…. မောင်…”

“မောင်…….. မသွားပါနဲ့မောင်”

“မောင်…..”

“မောင်ရေ...”

သူမ အသံက တဖြည်းဖြည်း ဝေးသွားသည်။

တိုး၍… တိုး၍……….တိုးသွားလေတော့သည်။

အိမ့်ချမ်းမြေ့ဒေါ့ကွန်း

 အိမ့်ချမ်းမြေ့ဘလော့ဂ်

Labels: ၀တ္ထုတိုလို့ပဲသဘောထားပေးပါရှင်

မိုးစက်တွေနဲ့ ရောယှက်နေသော လေနုအေးက ကားပြူတင်းပေါက်မှ ဖြတ်တိုက်သွားသည်။ လမ်းဘေးမှ သစ်ပင်တွေတရိပ်ရိပ်ပြေးနေသည်။
ကျောင်းအဆင်း ၀င်ခေါ်လာတဲ့ သားတော်မောင်က ဖခင်လုပ်သူကို တစ်ချက်စောင်းငဲ့ကြည့်ပြီး ပြောလိုက်သည်။

“ဒီည မိုးရွာမယ်လို့ ရေဒီယိုကပြောတယ်”
“အခုရွာနေတယ်လေ” ဖခင်လုပ်သူက ပြန်ပြောသည်။
“ရေဒီယိုကတော့ ဒီညရွာမယ်ပြောတယ်”
“ရေကာမှန်ကို ကြည့်လေ..။ အဲဒါမိုးမဟုတ်လို့ဘာလဲ သားရ”

“ရေဒီယိုက ပြောတာကို ပြောပြတာပါ”
“ရေဒီယိုက ပြောတာနဲ့ အထောက်အထားတွေနဲ့ မြင်နေရတာတွေကို၊ အသိတရားတွေကို ငြင်းဆန်ပစ်ရတော့မှာလား”
“အသိတရား၊ အသိတရားဟုတ်လားအဖေ။ ကျွန်တော်တို့ရဲ့ အသိတရားက မှန်နေတာထက် မှားနေတာ ပိုများပါတယ်။ ဓာတ်ခွဲခန်းတွေထဲမှာ သက်သေတွေရှိတယ်။ မြင်နေသမျှအရာတိုင်း မြင်တဲ့အတိုင်းမဟုတ်ဘူးဆိုတဲ့ သီအိုရီကို အဖေ ဘယ်နားသွားထားမလဲ။ တကယ်တော့ အတိတ်၊ ပစ္စုပန်၊ အနာဂတ်ဆိုတာလဲ ကိုယ့်စိတ်ထဲမှာဖြစ်နေတာပဲ။ ပတ်ဝန်းကျင်က ကြားနေရတဲ့ အသံတွေတောင် စိတ်ကို လှည့်စားနိုင်တာပဲ။ အသံတစ်ခုခုကို မကြားတာနဲ့ အဲဒီအသံဟာ တည်ရှိမနေဘူးလို့ ဘယ်လိုငြင်းချက်ထုတ်မလဲ။ လူတွေမကြားနိုင်ပေမယ့် ခွေးတွေကြားနိုင်တယ်။ တခြား သတ္တ၀ါတွေကြားနိုင်တယ်။ ခွေးတွေမကြားနိုင်တဲ့ အသံလှိုင်းတွေတောင် ရှိတယ်။ ဘယ်သူမှမကြားနိုင်တဲ့ ဒီအသံတွေဟာ လေထဲမှာလှိုင်းတွေအနေနဲ့ရှိနေတယ်။ သိပ်ကိုမြင့်လွန်းတဲ့ အသံတွေ။ ဆူညံအုန်းထနေမှာ။ တနေရာရာက လာတဲ့ အသံတွေပေါ့။ ဘယ်သူမှမကြားနိုင်တဲ့ အသံတွေ။ ကိုယ်မကြားတိုင်း၊ မမြင်တိုင်း မရှိဘူးလို့ ဘယ်လိုပြောနိုင်မလဲ”

“အခု မိုးရွာနေလား မရွာနေဘူးလားသာ ဖြေစမ်းပါကွာ”
“မပြောချင်ဘူး အဖေ”
“အခုနေ တစ်ယောက်ယောက်က မင်းခေါင်းကို သေနတ်နဲ့ ထောက်ပြီးမေးရင်ကော”
“ဘယ်သူမေးမှာလဲ။ အဖေလား”
“တစ်ယောက်ယောက်ပေါ့ကွာ။ မျက်မှန်နက်တပ်ထားတဲ့ မိုးကာရှည်ကြီးနဲ့ လူတစ်ယောက်ဖြစ်ဖြစ်၊ မင်းခေါင်းကို သေနတ်နဲ့ထောက်ထားပါမယ်တဲ့၊ ပြီးတော့မေးမယ် မိုးရွာနေလား၊ မရွာနေဘူးလား မေးမယ်။ မင်းအမှန်ကိုပြောရမှာပဲ”

“ဘာအမှန်လဲအဖြေ၊ ဘယ်အမှန်တရားကို သူလိုချင်မလဲ။ ဘယ်ထောင့်ကကြည့်မယ့် အမှန်တရားလဲ။ အလင်းနှုန်းနဲ့ လာနေတဲ့ တစ်ခြား ဂယ်လက်ဆီကလာတဲ့ လူတစ်ယောက်ရဲ့ အမှန်တရားလား။ အဲဒီလူတွေ တစ်ကယ်လို့ ကျွန်တော်တို့ကို တယ်လီစကုပ်နဲ့ကြည့်လို့ ၂လက်မ အမြင့်လောက်ပဲ ရှိနိုင်မယ့် ကျွန်တော်တို့ရဲ့ ဒီနေ့ရွာနေတဲ့ မိုးဟာ သူတို့အတွက် မနေ့က ရွာနေတဲ့ မိုး ဖြစ်မနေနိုင်ဘူးလား”
“မင်းခေါင်းကို သေနတ်နဲ့ ချိန်ထားမှတော့ မင်းရှုထောင့်ရဲ့ အမှန်တရားပေါ့ကွ”
“ကျွန်တော့ရှုထောင့်ရဲ့ အမှန်တရားကကော ဘယ်လောက် ယုံကြည်နိုင်ရလို့လဲ။ တခြား နေစင်္ကြာကလာတဲ့ သူတစ်ဦးဦးအတွက် ကျွန်တော်တို့ရဲ့ မိုးဟာ ဆပ်ပြာ ဖြစ်ချင်ဖြစ်နေမှာပေါ့။ ကျွန်တော်တို့အတွက် ပန်းသီးဟာ သူ့အတွက် မိုး ဖြစ်ချင်ဖြစ်နေမှာပေါ့။ အဲဒီတော့ ကျွန်တော်က သေနတ်ချိန်ထားသူကို ဘာပြောရမလဲ.. ကဲ”
“သူမင်းခေါင်းကို သေနတ်နဲ့ ချိန်ထားတယ်။ အခု၊ လက်ရှိ၊ မိုးရွာနေလား မရွာနေဘူးလား သိချင်တယ်”
“ယခု ဆိုတာ ဘယ်တုန်းက ရှိလို့လဲအဖေ။ ယခုလို့ ကျွန်တော်ဆိုပြီးချိန်မှာ အတိတ်ဖြစ်သွားပြီလေ”

“မင်းခုနကပဲပြောတော့ အတိတ်၊ ပစ္စုပန်၊ အနာဂတ်ဆိုတာ မရှိဘူးဆိုကွ”
“ဟုတ်တယ်။ မရှိဘူး။ ကြိယာတွေထဲမှာပဲရှိတာ”
“မိုးက ကြိယာ မဟုတ်ဘူးနော်။ နမ်။ ဒီနေရာမှာ မိုးရွာနေလား မရွာနေဘူးလား”
“အဖေ.. ရွေ့လျောနေတဲ့ ကားပေါ်မှာ ဒီနေရာမှာ မိုးရွာနေလား မေးနေကတည်းက ဆွေးနွေးဖို့ ခက်နေပြီ”
“အဖြေသာပေးစမ်းပါ သားရာ”
“ကျွန်တော် ခန့်မှန်းရုံပဲ ခန့်မှန်းနိုင်မယ်အဖေ”
“ဒါခန့်မှန်းဖို့ မလိုဘူးကွ၊ မိုးရွာလား မရွာနေဘူးလား၊ ဒါပဲဖြေ”
“ဒါပဲလေအဖေ၊ ရွာလား၊ မရွာလား ခန့်မှန်းချက်တစ်ခုပဲ မဟုတ်ဘူးလား”
“ဟ.. မင်း မိုးရွာနေတာ မမြင်ဘူးလား”

“မဟုတ်သေးဘူးလေ အဖေ၊ နေက ကောင်းကင် အရှေ့က အနောက်ကို ရွေ့သွားတာ အဖေမြင်တာပဲမဟုတ်ဘူးလား။ ဒါပေမယ့် တစ်ကယ်တမ်းက ကမ္ဘာက ရွေ့နေတာ၊ နေက ရွေ့နေတာမဟုတ်ဘူး။ ကျွန်တော်တို့ မြင်နေတာက ဘယ်လောက်မှန်နေလို့လဲ”
“ဒီဥပမာကို အဖေလက်မခံနိုင်ဘူး”
“အဖေ... ရွာနေတာမိုးပါလို့ သေချာလို့လား။ ဟိုဘက်မြစ်တစ်ဘက်ကမ်း စက်ရုံက ဆာလဖြူရစ် အက်စစ်တွေ ရွာချနေတာ မဖြစ်နိုင်ဘူးလား။ တရုပ်ပြည်ဘက်ကလာတဲ့ ဓာတ်ငွေ့တွေ ရွာချနေတာကော မဖြစ်နိုင်ဘူးလား။ အဖေ ဒါကို မိုးလို့ခေါ်တယ်။ လူတွေက မိုးလို့ ခေါ်တယ်။ ဒါတစ်ကယ်မိုး အစစ်လား။ မိုးဆိုတာကကော ဘာလဲ။ ဘယ်လိုသရုပ်ခွဲထားလဲ”
“ကောင်းကင်က ကျလာတဲ့ အရာ၊ မင်းတစ်ကိုယ်လုံးကို ရွှဲစေတဲ့အရာဟေ့”
“အခု အဖေ မိုးစိုနေလို့လား။ ကျွန်တော်တော့ မစိုဘူး”
“ကောင်းပြီ၊ ငါအရှုံးပေးတယ်၊ ရှုပ်ထွေးပွေလီမှုတွေ၊ စနစ်တကျဖြစ်ပေါ်ခြင်းမရှိတဲ့ အရာတွေ၊ မသေချာမရေရာမှုတွေ အတွက် အောင်မြင်မှုသရဖူ ဆောင်းပေးလိုက်တယ်။ သိပ္ပံ အသိရဲ့ အနှုးညံ့ဆုံး အချိန်တစ်ခုပဲ”
“မရွဲ့ပါနဲ့အဖေရာ”

မိုးရေထဲမှာ ကားလေးက တရွေ့ရွေ့။
မိုးရွာနေသည်။
မိုးရွာနေသည်။
ဒီမိုးကို မိုးဟု… လူတွေခေါ်ကြသည်။

Don DeLillo ၏ White Noise မှ ကောက်နှုတ်ချက်။

အိမ့်ချမ်းမြေ့ (တပြည်သူ) 

Labels: ၀တ္ထု, အတွေးအမြင်, ဒဿန, ဘာသာပြန်

ပတ်ဝန်းကျင်မှ ပိုးစုန်းကြုးလေးတွေ၊ သစ်ပင်တက်ပိုးကောင်လေးတွေ၊ ခြေခြောက်ချောင်း သစ်ခြောက်ကောင်လေးတွေကို မြိန်ရည်ရှက်ရည် စားသောက်တတ်သော သစ်စိမ်းပင်အောက်မှာ သူ တွေဝေစွာရပ်နေခဲ့သည်။ စမ်းရေသံကတော့ တငြိမ့်ငြိမ့်။ အနက်ရောင်နှင်းဆီတွေအောက်မှာ ယုန်ဖြူလေးတွေ တလိမ့်လိမ့်။

သူ၏ မျက်ဝန်းအိမ်ထဲမှာ ကျောက်ဆောင်တွေ ပြိုကွဲနေသည်။
ဖူးကြွနုရွတဲ့ ခြေလှမ်းတွေနဲ့ သွေးစိမ်းရှင်ရှင်ကျနေတဲ့ အသည်းနှလုံးတစ်ခုကို ကျောက်သံပတ္တမြားတွေ စီချယ်ထားတဲ့ ရွှေလင်ပန်းပေါ်မှာ သယ်ဆောင်လျှက် စပါးခင်းကိုဖြတ်လျှက် လုံမပျိုက လှုပ်လီလှုပ်လဲ့ ခြေလှမ်းများနှင့် သူရှေ့သို့ သယ်ဆောင်လာနေသည်။

တိတ်ဆိတ်သွားတော့မယ့် သူ့တွက်သံစဉ်တွေကို
မမြင်ရဲလို့ ခုထဲက ဒီအသည်းနှလုံးကို မစားသုံးလိုဟု သူက လုံမပျိုကိုဆိုသည်။
လုံမပျိုက ကျမအသည်းနှလုံးကို စားသုံးပါလော့ ဟု မျက်စိစုံမှိတ်လျှက် အော်ဟစ်ငိုယိုလိုက်သည်။ ပတ်ဝန်းကျင်မှ ငှားငှားစွင့်စွင့်ပွင့်နေသော ဖွင့်ဖတ်တွေမှာ အစူးတွေငေါထွက်နေသော နက်ပြာရောင် ပန်းပွင့်တွေ ငုံသွားသည်။ ငှက်ကလေးတွေ တဖုတ်ဖုတ် ကျလာသည်။ စမ်းရေစီးသံ ရပ်တန့်သွားသည်။ ယုန်ဖြူလေးတစ်ကောင် ရင်ကွဲသေသွားသည်။

သူ ထိတ်လန့်ကြောက်ရွံ့စွာ နောက်သို့ ခြေတစ်လှမ်း ဆုတ်လိုက်သည်။
ယောင်ယမ်းလျှက် သစ်ပင်ကို လက်ထောက်လိုက်မိသည်။ သစ်ပင်ထဲမှာ ဖြူဖွေး ချောမွေ့လှပသော၊ နှုးညံ့သိမ်မွေ့သော လက်တစ်စုံက ဖေးမ မယောင်ယောင်နှင့် သူ့ကို တွန်းထိုးလိုက်သည်။
အရှိန်ပြင်းစွာ ထွန်းထုတ်လိုက်သည်။ အားကြီးလွန်းစွာ…

သူ …. လုံမပျို၏ ရင်ခွင်ထဲကို အလဲလဲ အပြိုပြို ပြုတ်ကျသွားသည်။
သူမ၏ သွေးတွေနှင့် စိုစွတ်နေသော ရွှေရင်အုံ၌ သူမျက်နှာအပ်၍ ငိုကြွေးလိုက်မိသည်။
မျက်ရည်တွေကြားမှ သစ်စိမ်းပင်ဘက်သို့ မော့ကြည့်လိုက်သည်။ သစ်ကိုင်းတစ်ကိုင်းမှာ သူ့၏ အသဲနှလုံးက လေကြမ်းကြမ်းအောက်တွင် ယိမ်းထိုးနေသည်။

လုံမပျိုက မြက်ခင်းပေါ်မှ ရွှေလင်ပန်းနားမှာကျနေသော သူမ အသဲနှလုံးကို တုန်ယင်နေသော လက်အစုံနှင့် ကောက်ယူလိုက်သည်။ သူရဲ့ ဟာလာဟင်းလင်း ရင်ဘတ်အစုံဘက်ထိ ခပ်ဖြည်းဖြည်း ယူဆောင်လာနေသည်။ လုံမပျိုကို သူ တွန်းထုတ်လိုက်သည်။ တောင်ကုန်းလေးအတိုင်း လုံမပျို တလိမ့်ခေါက်ကွေးကျသွားသည်။

စမ်းချောင်း၏ လှမ်းခေါ်သံကို သူ ကြားလိုက်ရသည်။ အေးမြသော၊ ကြည်လင်သော ဒီစမ်းချောင်းက သူ့ကို အနက်ရှိုင်းဆုံး၊ အကျယ်ပြန့်ဆုံး ပင်လယ်ပြာတစ်ခုသို့ သယ်ဆောင်ပေးသွားနိုင်မည်ဟု သူ ယုံကြည်လိုက်မိသည်။ စမ်းချောင်းဘက်သို့ သူ လျောက်သွားသည်။ ကြည်လင်သောရေအလျင်ကို သူငေးကြည့်နေမိသည်။ ခပ်လှမ်းလှမ်းကလုံမပျို၏ တောင်းပန်တိုးလျိုးသံကို သူ ကြားနေရသည်။

နောက်.. ပတ်ဝန်းကျင်တစ်ခုလုံးတိတ်ဆိတ်သွားသည်။

လုံမပျိုက သူ ယူဆောင်မသွားသော သူမ၏ နှလုံးသားကို လင်ပန်းထဲသို့ ပြန်ထည့်လိုက်သည်။ သူထားခဲ့သော နှလုံးသားကြေမွမွနှင့် သူမ၏ အသည်းနှလုံးကို ၀ိုင်းရံလျှက် စမ်းရေပြင်ကို ငုံကြည့်နေသည်။ လုံမပျိုလောက် သူ့ကို ချစ်တတ်သောသူ မပေါ်သေးဟု လုံမပျိုက ကြေကွဲစွာ တတွတ်တွတ် ရွတ်ဆိုနေတော့သည်။

အိမ့်ချမ်းမြေ့ (တပြည်သူ)

Labels: ၀တ္ထုတိုလို့ပဲသဘောထားပေးပါရှင်

Labels: ကဗျာလို့ပဲသဘောထားပေးပါရှင်

မောင်....
စိတ်မစွဲလမ်းပဲ၊ လှပတဲ့ညတစ်ညမှာ
မောင့်ကိုအိပ်မက်တယ်မောင်...

ကြာခဲ့ပြီပဲ...
မတွေ့ ရတဲ့နှစ်တွေ၊ နှစ်မျောတသ
လွမ်းရတယ်မောင်....
နှုတ်ဆက်စကားတောင်၊ ပြောခွင့်မရခဲ့
တမ်းတတဲ့ခရေလဲ၊ မြေမှာကြွေလို့ 
ကောက်သူမဲ့ပြီလားမောင်...

မောင်ပေးတဲ့ခရေ...အနှစ်နှစ်ဆယ်ကျော်ကြာမယ်ဆိုလဲ
ကဗျာစာအုပ်ကြားရှိနေဦးမှာပါမောင်...

မောင်ဘယ်မြို့ ကိုပြောင်းသွားလဲ
ကျွန်မသိလိုက်ပြီမောင်..
အရက်တွေလဲသောက်တုန်းပဲဆို
ဘယ်လိုအငြိုးနဲ့  ကိုယ့်ကိုကိုယ်နှိပ်စက်
မရက်စက်ပါနဲ့  မောင်...

မောင့်ကိုသတိရလွမ်းတဲ့အကြောင်း
မောင်ကလွဲလို့ www တခုလုံးသာသိ
မောင်ဘယ်တော့မှ သိလိမ့်မယ်မဟုတ်ဘူးမောင်.......
ကြေကွဲရပါတယ်မောင်ရယ်....

  ~တပြည်သူ အိမ့်ချမ်းမြေ့~      

   www.ainchannmyay.com
 

Labels: ကဗျာလို့ပဲသဘောထားပေးပါရှင်

မောင်…
မောင့်ကို ချစ်ရတာလေ၊
ကျိုက်က္ကလို့ စေတီနားက
ကြွေကျလာတဲ့ ဆိတ်ဖလူးပန်း ဖြူဖြူလေးတွေကို
မွှေးကြူရသလိုပါပဲ…. မောင်။
ရင်ထဲလန်းဆန်း၊ ပန်းသမျှပြေ
ဝေတဲ့အလွမ်း၊ ခမ်းခြောက်သွားတယ်…မောင်။

မောင်….
မောင့်ကို ချစ်ရတာလေ၊
ဖရေဇာလှိုင်းပေါ်က လေဟုန်စီးငှက်လေးတွေလို
အသက်ရှုရကြပ်၊ မတ်တပ်ရပ်ငေး
တွေးရင်းရင်ခုန်…. မကြုံတဲ့မောင့်ပုံရိပ်ကိုငေး
အတွေးလေးနဲ့လေ..
အသက်ရှုဖို့တောင် မေ့သွားတယ်…မောင်။

မောင်…
မောင့်ကို ချစ်ရတာလေ၊
လေပြင်းတဲ့ သစ်ပင်အောက်၊ တစ်ယောက်ထဲရပ်တွေး
လက်ဖျားတွေအေးစက်၊ ကျွန်မ အနေရခက်တယ်ရှင်
ခင်တွယ်လာတဲ့ နှလုံးသားတွေ
လေပြင်းထဲ နွဲ့နွဲ့လေးရပ်နေကြလို့
သဲ့သဲ့လေးနဲ့ ယဲ့ယဲ့လေးပဲ ကျန်တော့တယ်…မောင်။

မောင်….
မောင့်ကို ချစ်ရတာလေ……..။

~တပြည်သူ အိမ့်ချမ်းမြေ့~

     www.ainchannmyay.com

Labels: ကဗျာလို့ပဲသဘောထားပေးပါရှင်