ဆလိုင်း ရှယ်လေးရဲ့ ဝါသနာကဗျာဥယာဉ်

 အနုပညာဆိုတာ
ဝါသနာရှင်ကို ခေါ်တာလား
ကော်ပီသီချင်းတွေ ဆိုသူလား
ဂုဏ်ပကာသနနဲ့  ရွှေငွေစည်းစိမ်လား
နာမည်တစ်လုံးနဲ့  ဂုဏ်သိက္ခာလား
ငွေထုပ်ပိုက်ထားတဲ့ အဆိုတော်တစ်ယောက်
ပေါက်တက်ကရ အော်တယ်
ဒါဟာ သီချင်းကောင်းတစ်ပုဒ်ပဲ
နာမည်ကြီး ကဗျာဆရာ
စိတ်ကူးပေါက်ရာ စာတစ်ကြောင်းရေးတယ်
ဒါ သိပ်ကောင်းတဲ့ ကဗျာတစ်ပုဒ်ပဲ။

နာမည်မကြီး ဂုဏ်ပကာသနမရှိတဲ့ငါ
ဝါသနာနဲ့  ကဗျာရေးတယ်
ဒါကို ပေါကြောင်ကြောင်အတွေးအခေါ်လို့ ဝေဖန်တယ်
ခံစားချက်တွေနဲ့  သီချင်းသီတယ်
ဒါကို ပေါက်တက်ကရသံစဉ်လို့ ချီးမွမ်းတယ်
ဘယ်သူမှ နားမလည်တဲ့ ကဗျာတွေရေး
နားဆင်သူမရှိတဲ့ သီချင်းတွေဆို
ငါဟာ ဟိုး . . . အဝေးဆီက မိုးကုတ်စက်ဝိုင်းဆီ
မျှော်လင့်ခြင်းတွေနဲ့  ခရီးဆက်သွားရင်း
ဟိုင်းဝေးလမ်းမကြီးပေါ်မှာ
အလွမ်းတွေနဲ့ တွေ့ ဆုံဖြစ်တယ်
ကဗျာတွေနဲ့ အတူ သီချင်းဆိုဖြစ်တယ်
အပြာရောင် ညနက်နက်ထဲမှာ
နှလုံးသားတွေများစွာနဲ့  ကခုန်ဖြစ်တယ်။

ဒဏ်ရာတွေနဲ့ ပြည့်နေတဲ့
အထီးကျန် အခန်းကျဉ်းလေးထဲမှာ
အငွေ့ ပျံသွားတဲ့ ဆေးလိပ်တိုအပိုင်းအစတွေရယ်
အားငယ်နေတဲ့ စုတ်ပြတ်ပြတ်စာမျက်နှာတွေရယ်
စကားလုံးတွေငတ်မွတ်နေတဲ့ တစ်ခြမ်းပျက်ဦးနှောက်ကနေ
မှင်ရည်တွေ ရွှဲစိုနေတဲ့ ငါ့လက်ချောင်းတွေဆီ
ကဗျာတွေကို ပို့ ဆောင်ပေးတယ်။

အဲဒီကဗျာထဲမှာ . . . . . .
အချစ်ရှုံးသမား ဒသဂီရီအကြောင်း မပါဘူး
မင်းနန္ဒာနဲ့  ရှင်မွှေးလွန်းအကြောင်း မပါဘူး
မင်းကျန်စစ်ရဲ့ အချစ်ဇာတ်လမ်းတွေ မပါဘူး
တစ်ထောင့်တစ်ညပုံပြင်တွေ မပါဘူး
ရှိတ်စပီးယား ပြဇာတ်တွေအကြောင်း မပါဘူး
နပိုလီယံရဲ့ ရှုံးနိမ့်ခြင်းတွေအကြောင်း မပါဘူး
ခရူးဆိုးအကြောင်းမပါဘူး
နယူတန်ရဲ့ နိယာမတရားတွေ မပါဘူး
ဆိုဗီယက်ပြည်ထောင်စုရဲ့ ပြိုကွဲရခြင်းအကြောင်းတွေ မပါဘူး
ဝေါထရစ်စင်တာရဲ့ မြေခသွားခြင်းအကြောင်း မပါဘူး
အမေရိကန်ရဲ့ ဒေါသအိုးပေါက်ကွဲသွားခြင်းအကြောင်း မပါဘူး
အိုစမာဘင်လာဒင်အကြောင်း မပါဘူး
စာဒမ်ဟူစိန်ရဲ့ နောက်ဆုံးအချိန်တွေ မပါဘူး
ဆူနာမီရဲ့ မျက်ရည်ပင်လယ်အကြောင်းမပါဘူး
နာဂစ်မုန်တိုင်းရဲ့ စာနာမှုကင်းမဲ့ခြင်းတွေ မပါဘူး
ဝမ်းနည်းခြင်းအကြောင်း မပါဘူး
အချစ်အကြောင်း မပါဘူး
သံယောဇဉ်တွေ မပါဘူး
နှုတ်ခမ်းနီမလေးတွေအကြောင်း မပါဘူး။

ငါ့ ကဗျာထဲမှာ
အဲဒီ . . . . . . . . ငါ့ကဗျာလေးထဲမှာ
ကဗျာတွေ လုံးဝ မပါခဲ့ဘူး။

                                                           ဆလိုင်း ရှယ်လေး

ကိုယ်မရေးတတ်တဲ့ ကဗျာတွေရေးနေတဲ့အကြောင်းတွေ မပါတဲ့ ကျွန်တော့် ကဗျာလေးပါ။ စုဗူးသူငယ်ချင်းများ ရွှင်လန်းချမ်းမြေ့ကြပါစေ။

Labels: