လူငယ်တစ်ယောက်ရဲ့ ဖြတ်သန်းခဲ့ရာလမ်း
Wednesday, March 26th, 2008
ဒီနေ့ ဒီအချိန်မှာ ငါဟာ သိပ္ပံ နဲ့ နည်းပညာထက် စာပေအနုပညာကို ဘာကြောင့် စိတ်ဝင်စားခဲ့ရတာလဲ၊ အင်ဂျင်နီယာ၊ အိုင်တီပညာရှင်၊ စာရင်းကိုင်စတဲ့ ပရော်ဖက်ရှင်နယ်တွေကို ဘာကြောင့် မရွေးခဲ့ရတာလဲ လို့ နောင်တမရဘူး။
ဘ၀မှာ အာမခံချက်မရှိတဲ့ စာပေအနုပညာကို ရူးသွပ်ခဲ့တယ်။ လေ့ကျင့်ပျိုးထောင်ခဲ့တယ်။ ဆယ်စုနှစ် တစ်ခုကျော်ကြာလာပြီးတဲ့နောက် သက်လတ်ပိုင်းကို ၀င်ရောက်လာတဲ့အချိန် ငါ့မှာ ဘ၀အာမခံချက် မရှိပေမယ့် ငါ ၀မ်းမနည်းဘူး။ လူဆိုတာ ကိုယ်မြတ်နိုးရာ တစ်စုံတစ်ခုအတွက် sacrifice စွန့်လွှတ် အနစ်နာခံနိုင်ရမယ်။
ဒါပေမယ့် အခုအချိန်မှာ နားလည်သဘောပေါက်လာမိတာက ဖွံ့ဖြိုးမှုနောက်ကျနေတဲ့ ငါတို့နိုင်ငံမှာ သိပ္ပံနဲ့ နည်းပညာကို လေ့လာလိုက်စားမယ့် လူငယ်မျိုးဆက်သစ်တွေ အများကြီးလိုအပ်နေတယ်။
တိုင်းပြည်တစ်ခု ဖွံ့ဖြိုးတိုးတက်ဖို့ သိပ္ပံနဲ့ နည်းပညာက အဓိကကျတယ်။
ဖွံ့ဖြိုးဆဲ၊ ရုန်းကန်နေရဆဲ ငါတို့နိုင်ငံအတွက် အဓိကနဲ့ သာမညကို ခွဲခြားနိုင်ရမယ်။ လမ်းကြောင်းတစ်ခုကို ပီပီပြင်ပြင်ရွေးနိုင်ရမယ်။
ဘာပဲဖြစ်ဖြစ်ပါလေ ကုန်လွန်သွားခဲ့တဲ့ အချိန်တွေအတွက် ကျေနပ်ပျော်ရွှင်မိပါတယ်။
ရှေ့ဆက်ရမယ့် အနာဂတ်အတွက် ယနေ့မှ စကာ ကြိုးစားရုန်းကန်ရပါဦးမယ်။
အတိတ်ကို ခြေရာကောက်တော့ စာပေအနုပညာအပေါ် ရူးသွပ်ခဲ့သူတစ်ယောက်ရဲ့ သမိုင်းကို မှတ်တမ်းတစ်ခုက ဒီလို သက်သေခံထားပါတယ်။
၁၉၈၁ခုနှစ်မှာ ကျွန်တော်လူဖြစ်လာတယ်။ မြန်မာစာကို ကျွမ်းကျွမ်းကျင်ကျင် ဖတ်နိုင် တဲ့ ပထမတန်းအရွယ်ကတည်းက စတင်ပြီး စာဖတ်တဲ့ဝါသနာ အမြစ်တွယ်လာတယ်။ (၁၉၈၆-၈၇ ခုနှစ်များ)
ရွှေသွေး၊ တေဇ၊ မိုးသောက်ပန်း၊ ဒို့ကျောင်းသား ... ထမင်းမေ့၊ ဟင်းမေ့ ဖတ်ရှုခဲ့ရတဲ့ စာစောင်တို့ရဲ့ နာမည်တွေပါ။
ရုပ်ပြ၊ ကာတွန်း
၁၉၈၈ ကျောင်းတွေပိတ်တော့ ရုပ်ပြစာအုပ်တွေကောင်းကောင်းဖတ်တတ်နေပြီ။
ရုပ်ပြစာအုပ်ရေးသူတွေရဲ့နာမည်ကို မှတ်မိသလောက်ပြန်ပြောရရင် ကာတွန်းအောင်ရှိန်၊ သော်က(အရိုင်း)၊ မြင့်သိန်း(စံရွှေမြင့်)၊ နန်းဦး၊ သန်းထွန်း(ထွန်းမင်းလတ်၊ အပါလွင်)၊ ရာမ၊ လက္ခဏ၊ သီတာ၊ မောင်ငြိမ်းချမ်း(စိုင်းဗေဒါ)၊ မင်းသိုက်၊ တင်မောင်ဝင်း၊ မြင့်ဆွေ(ဒီလုံး၊ မောင်စူပါ)၊ ပိုးဇာ၊ ဆွေမင်း(ဓနုဖြူ)၊ ဧကရာဇ်၊ ဧကရီ၊ မင်းလွင်၊ ဟိန်းမင်းဇာ၊ ငွေကြည်(ရုပ်စုံကမ္ဘာ)၊ ဖေသိန်း(ပုံပမာ)၊ မောင်ဝဏ္ဏ(သမိန်ပေါသွပ်)၊ မိုက်မိုက်(ပြည်)၊ တင်အောင်နီ(ပြာဂလောင်၊ ပြာလချောင်)၊ ကျော်ဖြူစံ(ဗုဒ္ဓ၀င်)၊ ဧရာ၊ ခိုင်တင်(ယခု သရုပ်ဆောင်)၊ အာကာမင်း၊ စိုင်းလားရှိုး၊ နန်းလားရှိုး၊ ကျော်ကျော်(ရာဇာ)၊ အောင်အောင်(ရွှေဂေါင်းပြောင်)၊ မိုကြိုး၊ အရိဒ္ဒမာ ....
ခေါင်းထဲပေါ်လာသမျှ မှတ်မိသမျှသာဖြစ်ပါတယ်။
ငယ်စဉ်က နေ့စဉ်တိုင်း ရပ်ကွက်ထဲက စာအုပ်အငှားဆိုင်ကနေ ဖတ်ခဲ့သမျှ ရုပ်ပြတွေပါ။
နည်းနည်းစာဖတ်သက်ရလာတော့ ရုပ်ပြဖတ်ရုံတင်အားမရတော့ဘူး။ ၀တ္ထုဖတ်တဲ့အဆင့်မရောက်ခင် မဂ္ဂဇင်းတွေကို ဖတ်ဖြစ်လာတယ်။ မဂ္ဂဇင်းတွေထဲက ကာတွန်း၊ သတင်းနဲ့ ၀တ္ထုတိုတွေကို ဖတ်ဖြစ်ခဲ့တယ်။
ပုံပြင်
၁၉၉၀ နောက်ပိုင်းမှာ ပုံပြင်စာအုပ်တွေကို စဖတ်လာတယ်။ အဘွားပြောပြတဲ့ ပုံပြင်တွေနဲ့တင် မလုံလောက်တော့ဘူး။ တစ်ထောင့်တစ်ညပုံပြင်(သခင်ဘသောင်း) ကို ဖတ်ပြီး သဘောအကျကြီးကျခဲ့တယ်။
မောင်ခေတ်ထွန်း(သားရွှေစင်ပုံပြင်များ၊ တကယ့်သတ္တိပုံပြင်များ)၊ စကားပုံပုံပြင်၊ တစ်ထောင်တန်ပုံပြင်များ၊ ဂရင်းညီနောင်၊ မြန်မာ့ရိုးရာ၊ ဂျပန်ရိုးရာ၊ တရုတ်ရိုးရာ၊ နိုင်ငံတကာပုံပြင်များ၊ ဘုရားဟော နိပါတ်တော်၊ ငါးရာငါးဆယ်ပုံပြင်များ၊ ဓမ္မပဒ၊ ဗုဒ္ဓ၀င် .... ပုံပြင်စာအုပ်တွေကို မိဘတွေကလည်း ၀ယ်ပေးတယ်။ ကိုယ်တိုင်လည်း ၀ယ်ဖြစ်တယ်။
ရုပ်စုံစာစောင်
၁၉၉၅ လောက်မှာတော့ ရတဲ့မုန့်ဖိုးနဲ့ စာအုပ်ဝယ်သိမ်းတဲ့ အကျင့်စွဲနေပြီ။
အဲဒီတုန်းက ကလေးရုပ်စုံစာစောင်တွေ အပြိုင်အဆိုင်ပေါ်လာကြတယ်။ တူဒေးစာအုပ်တိုက်က ပလုတ်တုတ်၊ ပူတူးတူးလေး၊ ကလေးသုတ၊ ကလေးဂျာနယ် စတဲ့ စာစောင်တွေ ဆက်တိုက်ထွက်လာတယ်။ အဲဒီတုန်းက မှတ်မှတ်ရရ မုန့်ဖိုးတစ်ရက်ကို ကျပ် ၂၀ ရတယ်။ စာစောင်တစ်ခုကို ၄၀ ဆိုတော့ ၂ ရက်မုန့်မစားရင် တစ်အုပ်ရတယ်။ ပျော်စရာကြီး။
ဒီကြားထဲမှာ ကြိုကြားကြိုကြားဆိုသလို လုံးချင်း ၀တ္ထုရှည်တွေ ဖတ်ခဲ့တယ်။
၁၉၉၇ ဆယ်တန်းဖြေပြီးတော့ မဂ္ဂဇင်းတွေ ပိုဖတ်ဖြစ်လာတယ်။ မဟေသီနဲ့ ရွှေအမြုတေကို အဲဒီတုန်းက အကြိုက်ဆုံး။ ကြော်ငြာနဲ့ ဈေးဝယ်လမ်းညွှန်၊ မြားနတ်မောင်၊ မြင်ကွင်း၊ အပျိုစင်၊ သောင်းပြောင်းထွေလာ ရယ်စရာ အဲဒီမဂ္ဂဇင်းတွေ အများဆုံးဖတ်ဖြစ်တယ်။
အင်္ဂလိပ်စာ စာစောင်
အင်္ဂလိပ်စာတိုးတက်ချင်လို့ International, English for all, Light, The Best, Top, GEM စာစောင်တွေကိုလည်း ဖတ်ဖြစ်ခဲ့တယ်။
International magazine က အင်္ဂလိပ်စာတိုးတက်စေသလို၊ ကမ္ဘာ့စာပေနဲ့လည်း မိတ်ဆက်ပေးခဲ့တယ်။
၁၉၉၇ အကုန်မှာ ကွန်ပျူတာ စသင်တော့ ကွန်ပျူတာဂျာနယ်၊ ပီစီဝေါလ်မြန်မာ၊ Graphic Guide (Forever)စာစောင်တွေကို ဖတ်ခဲ့တယ်။
တက်ကျမ်း
အဲဒီကာလမှာ ခေတ်စားလာတဲ့ တက်ကျမ်းလို့ အလွယ်တကူ ခေါ်တဲ့ ဘ၀အောင်မြင်ကြီးပွားတိုးတက်ရေး စာအုပ်တွေကိုလည်း ဖတ်ဖြစ်ခဲ့တယ်။ ချစ်စံဝင်း၊ ဖေမြင့်၊ ဒေါက်တာမတင်ဝင်း၊ ချစ်နိုင်(စိတ်ပညာ)။ အဲဒီအထဲမှာ ဖေမြင့်ရဲ့ နှလုံးသားမေတ္တာအာဟာရ၊ ဒေါက်တာမတင်ဝင်းရဲ့ လူငယ်များနဲ့ စကားပြောခြင်း၊ ချစ်နိုင်ရဲ့ ချစ်လို့ပြောတာမှတ်ပါ စာအုပ်တွေကို သဘောကျနှစ်ခြိုက်ခဲ့တယ်။
စီမံခန့်ခွဲမှုဘာသာရပ်ဆိုတာကိုလည်းစိတ်ဝင်စားပြီး ခင်မောင်ကြွယ်(ဘောဂဗေဒ)၊ ကြည်မင်းတို့ရဲ့ စာအုပ်တစ်ချို့ကို လေ့လာဖြစ်တယ်။
စိတ်ပညာကို စတင်စိတ်ဝင်စားလာပြီး ဒေါက်တာကျော်စိန်၊ ခင်မောင်သန်း(စိတ်ပညာ)နဲ့ ဦးအေးမောင်တို့ရေးတဲ့ စာအုပ်တွေကို ဖတ်ဖြစ်တယ်။
ဂျာနယ်
၁၉၉၇ မှာ သတင်းဂျာနယ်တွေ မြန်မာစာပေလောကမှာ အပြိုင်းအရိုင်းဖြစ်လာတယ်။
လျှပ်တပြက်၊ မျိုးဆက်၊ ပြည်မြန်မာ၊ သတင်းလွှာ၊ ပေါ်ပြူလာ၊ အလင်းတန်း၊ အချစ်၊ သတင်းစုံ၊ မှုခင်းသတင်း ....။ သတင်းစာထဲမှာ သတင်းခေါင်းစီးတွေနဲ့ ကြော်ငြာထားတာဖတ်ရုံနဲ့ ပြေးဝယ်ချင်စိတ်ပေါက်နေတော့တယ်။
လုံးချင်း ၀တ္တုရှည်
လုံးချင်းတွေကို စွဲသွားတာက လွန်းထားထားရဲ့ စာအုပ်တွေကနေ စတယ်။ ကလျာ(၀ိဇ္ဇာ၊ သိပ္ပံ)ရဲ့ လျှိူ့ဝှက်သည်းဖိုတွေ ကြိုက်ခဲ့တယ်။ ဆွေလှိုင်ဦးရဲ့ ဘခက်ကို စိတ်ဝင်စားလာတယ်။ အဲဒီနောက်ပိုင်းမှာ ဂျူး၊ မင်းလူ၊ မြနှောင်းညို သူတို့စာအုပ်တွေကို အများဆုံးဖတ်ဖြစ်ခဲ့တယ်။
၁၉၉၇-၁၉၉၈ မှာ ၀တ္ထုရှည်တွေ အများကြီးဖတ်ဖြစ်ခဲ့တယ်။
သိန်းဖေမြင့်(တက်ခေတ်နတ်ဆိုး)၊ ဒဂုန်တာရာ(မေ)၊ ကြည်အေး(မေတ္တာမီးအိမ်၊ နွမ်းလျအိမ်ပြန်)၊ ဂျာနယ်ကျော်မမလေး(စိတ်)၊ ရန်ကုန်ဘဆွေ(သေသော်မှတည့် သြော်ကောင်း၏)၊ မင်းဆွေ(ဓါး)၊ တက္ကသိုလ်ဘုန်းနိုင်(သူ့ကျွန်မခံပြီ၊ စိမ်းနေဦးမည့် ကျွန်တော့်မြေ)၊ ခင်နှင်းယု(ယဉ်မင်းပိုက်၊ ကုသိုလ်ကြမ္မာမမီပါခဲ့)၊ သော်တာဆွေ(ဘ၀ထိုထို၊ မခင်နှင်းဆီ)၊ ဂျူး(ပင်လယ်နှင့်တူသော မိန်းမများ၊ မြစ်တို့၏
မာယာ)၊ ငြိမ်းကျော်(ခုတော့လည်း သူစိမ်းတွေလိုပါပဲလား)၊ မင်းလူ(မိညီမ၊ အချစ်ရူးကြီးရူးတော့သည်)၊ နွမ်ဂျာသိုင်း(အိပ်မက်နှင်းတို့ မပြယ်မီ)၊ မြနှောင်းညို(ပန်းကြွေပွင့်ပုံပြင်၊ ငွေဗျိုင်းဖြူလေးဖြစ်ချင်သည်)၊ မင်းသိင်္ခ(ပုဏားဘကွန်း)၊ ၀င်းဝင်းလတ်(အချစ်၏နောက်ဆက်တွဲစာမျက်နှာ)၊ တာရာမင်းဝေ(အရှေ့မြို့ရိုးမှ မိုးရေစက်များ)၊ မစန္ဒာ(တိမ်ဖုံးပါလို့ လမသာ၊ နှင်းဆီ၊ ပန်းစကား)၊ နေနော်(ဆုံမှတ်တစ်ခုမှ ဝေးရာဆီ)၊ မြသန္တာ(မီးခြားလမ်း)၊လွန်းထားထား(ပေါက်ကွဲသံစဉ်)၊ လမင်းမိုမို(အမှောင်ထဲမှာ)၊ နုနုရည်(အင်းဝ)(မရဲတရဲ ဘာဝယ်မလဲရှင့်)၊ မောင်ကိုကို(အမရပူရ)(ရက်စက်သူ)၊ စိုးမြတ်သူဇာ(မောင့်အတွက်၊ အချစ်စစ်စစ်များ)..........။
အဲဒါတွေက စွဲကျန်နေတဲ့ စာအုပ်တွေထဲက အချို့................။
ဝတ္တုတို
အဲဒီနောက်ပိုင်း ၀တ္တုတိုပေါင်းချုပ်စာအုပ်တွေ ၀ယ်ဖတ်ဖြစ်တယ်။
ဖေမြင့်(လူသုံးကုန်ပစည်းရောင်းသူများ)၊ သုခ၏ ၀တ္တုတိုများ၊ မစန္ဒာ၏ ၀တ္တုတိုများ၊ မဟူရာ(လွိုင်ကော်)၏၀တ္တုတိုများ၊ ၁၉၉၇ ခံစားသူအကြိုက်မဂ္ဂဇင်းဝတ္တုတိုများ၊ ဂျူး၏ ၀တ္တုတိုများ(ကောင်းကင်မပါသောည၊ ရာဇ၀င်ထဲမှာ မောင့်ကိုထားခဲ့၊ ချစ်ခြင်းအနုပညာ၊ ကျွန်မချစ်သော ယောကျာ်းများ)၊ မိုးမိုး(အင်းလျား) ၀တ္တုတိုများ ၁ ၂၊ သိန်းဖေမြင့် ၀တ္တုတိုပေါင်းချူပ်သစ်(ရာပြည့်စာအုပ်တိုက်) ....။
မဂ္ဂဇင်း စာမျက်နှာတွေပေါ်က ၀တ္တုတို ဆရာတွေရဲ့ လက်ရာတွေကိုလည်း စောင့်ဖတ်ဖြစ်တယ်။
နေ၀င်းမြင့်၊ ကျော်ရင်မြင့်၊ ဆူးငှက်၊ ကိုငြိမ်း(မန္တလေး)၊ မောင်ကိုကို(အမရပူရ)၊ ဆောင်းဝင်းလတ်၊ ဖေမြင့်၊ မောင်ညိုပြာ၊ တာရာမင်းဝေ၊ မင်းခိုက်စိုးစန်၊ အေးမင်းစော၊ ကြူးနှစ်၊ ညီပုလေး၊ အဏ၀ါစိုးမိုး၊ ၀သုန်၊ မောင်သင်းထုံ(ကျောက်မဲ)၊ ပေါ်ဦးသစ်၊ ဂျိုဇော်၊ နိုင်ဇော်၊ ပိုင်စိုးဝေ၊ ကျော်စွာထက်၊ မင်းလူ၊ ကံချွန်၊ သုမောင်၊ နေမျိုး၊ တပေါင်း(ညောင်ဦး)၊ ခြိမ့်သဲ၊ မောင်လှမျိုး(ချင်းချောင်းခြံ)၊ ဂျူး၊ မိချမ်းဝေ၊ ခင်ခင်ထူး၊ ခက်မာ၊ မေငြိမ်း၊ မို့ချာ၊ ခင်ဆွေဦး၊ သရ၀ဏ်(ပြည်)၊ နန္ဒာစိုး(ဆင်ဖြူကျွန်း)၊ အေးဧရာမွန်(သချာင်္)၊ မ၀င့်(မြစ်ငယ်)၊ ၀င်းဝင်းမြင့်(နန်းတော်ရှေ့)၊ ငြိမ်း(ရွှေလီ)၊ ယဉ်မင်းဦး(ဆေးတက္ကသိုလ်)၊ သွန်းနှင်းအိမ်၊ သင်းသင်းသာ၊ ညိုခက်ကျော်၊ ရာသက်ပန်(တောင်ငူဆောင်)၊ ယုဒါ၊ နုနုရည်(အင်းဝ)၊ မကို၊ မေမောင်၊ မခင်လေး(ရန်ကုန်တက္ကသိုလ်)၊ ၀င်းဝင်းလတ်...............။
ကဗျာ
ငယ်ငယ်တုန်းက ဖေဖေက ကလေးကဗျာစာအုပ်လေးတစ်အုပ်ဝယ်ပေးဖူးတယ်။ ရေးသူရော၊ စာအုပ်နာမည်ကိုပါမေ့သွားပြီ။ ရေးသူက သရုပ်ဆောင် ဦးဝင်းဦးရဲ့ ညီတစ်ယောက်လို့တော့ ခပ်ရေးရေးမှတ်မိနေတယ်။
ခေတ်ပေါ်ကဗျာတွေကို စိတ်ဝင်စားစွာ ခံစားဖတ်ရှုဖြစ်ခဲ့တယ်။
၁၉၉၇ လက်ရွေးစင် မဂ္ဂဇင်း ကဗျာများ စာအုပ်ကို ကြိုက်ခဲ့တယ်။
မောင်စိန်ဝင်း(ပုတီးကုန်း)ရဲ့ သောကခြေရာ ရတနာကဗျာတွေကို အထပ်ထပ်အခါခါ ဖတ်ခဲ့တယ်။
မဂ္ဂဇင်းစာမျက်နှာပေါ်တွေက ခရမ်းပြာထက်လူ၊ အေးမင်းစော၊ မောင်ကိုကို(အမရပူရ)၊ အောင်ဝေး၊ နရီမင်း၊ ပိုင်၊ နောင်၊ သုခမိန်လှိုင်၊ သိန်းဇော်၊ မြင့်သန်းတို့ကဗျာတွေကို သတိထားမိတယ်။
အဲဒီအချိန်တွေမှာ စာအရမ်းရေးချင်နေပြီ။
စာရေးဆရာကြီး အရမ်းဖြစ်ချင်နေပြီ
စာအုပ်တွေနဲ့ပဲ ငါလူလုပ်တော့မယ်တွေ ဖြစ်နေခဲ့ပြီ။
စာအုပ်တွေက ငါ့ ဘ၀ ဖြစ်လာပြီ။
အဲဒီနောက်ပိုင်းမှာ စာပေသဘောတရားနဲ့ သက်ဆိုင်တဲ့စာတွေကို ရှာဖတ်ကြည့်မိတယ်။
စာပေသဘောတရားများ၊ ၀ါဒများ၊ အယူအဆများ၊ သဘောထားကွဲလွဲမှုများ၊ မော်ဒန်၊ ပို့မော်ဒန်၊ ရီရယ်လစ်ဇင်....။ လိုက်လေ ဝေးလေ။
အထ္ထုပ္ပတ္တိစာအုပ်များ
အဲဒီစာအုပ်တွေလည်း စာရေးချင်စိတ်ကို တွန်းအားပေးတယ်။ ၁၉၉၄ တုန်းက ဖတ်ခဲ့တဲ့ လူထုဒေါ်အမာရဲ့ ကျမတို့ငယ်ငယ်တုန်းက၊ မန္တလေးသူ၊ မန္တလေးသားများ စာအုပ်တွေက စာရေးချင်စိတ်ကို ကောင်းကောင်းလှုံ့ဆော်ခဲ့တယ်။
တက္ကသိုလ်စိန်တင်ရေးတဲ့ ထင်ရှားသူ နိုင်ငံရေးခေါင်းဆောင်တွေရဲ့ အ
အထ္ထုပ္ပတ္တိစာအုပ်တွေကိုလည်း ဖတ်ခဲ့တယ်။ (ပုဂံဗိုလ်ချို၊ အနော်ရထာ) လင်းယုန်မောင်မောင်ရေးတဲ့
အထ္ထုပ္ပတ္တိစာအုပ်တွေကိုလည်း ကြိုက်ခဲ့တယ်။
ဒီလိုနဲ့ ကျွန်တော်လည်း အသက် ၂၀လောက်မှာ စာကြမ်းပိုးတစ်ကောင်ဖြစ်လာခဲ့ပြီး စာပေမှ စာပေ....။ စာပေအနုပညာထဲမှာ ဘ၀ကို မြှုပ်နှံလိုက်တော့မယ်ဆိုပြီး လေတစ်လုံး မိုးတစ်လုံးဖြင့် နောက်ထပ် နှစ်အနည်းငယ်အကြာမှာ ရန်ကုန်မြို့ စာပေလောကကြီးထဲကို အမှန်ကတယ် ရောက်ရှိသွားသော အခါ ...............................................................................................................။
http://www.lynnluaye.blogspot.com/
လင်းလူဧ
မန္တလေးမှာ ဘာကြောင့် မနေချင်ရတာလဲ။ ငိုင်တွေနေတဲ့ ကျွန်တော့်ကို သူ အတင်း အကျပ် မမေးပါဘူး။ 'ရန်ကုန်မှာ အလုပ်လုပ်ချင်တယ်ဆိုတာ ရန်ကုန်မှာ ပိုပြီး အတွေ့အကြုံတွေ၊ ပညာတွေ ရမယ်လို့ ထင်တယ် မဟုတ်လား။ ရန်ကုန်ကို အထင်ကြီးတယ် မဟုတ်လား။ ရန်ကုန်မှာ ပိုပြီး ပျော်မယ်လို့ ယူဆတယ် မဟုတ်လား' သူ့မေးခွန်းတွေကို သူ့ဘာသာ သူ ပြန်ဖြေ နေတယ်။ 'သူ့ကို စိတ်မချဘူးကွယ်။ ရန်ကုန်က မိန်းကလေးတွေနဲ့ တွေ့တဲ့အခါ ဒီကကို မေ့သွားမှာ လား' 'ကိုယ်က အဲဒီလိုလူလားကွာ။ သိရဲ့သားနဲ့။ ဘာမှ စိတ်မချဖြစ်မနေနဲ့။ ဘာမှ စိတ်ပူမနေနဲ့။ ကိုယ့်ကို ယုံတယ် မဟုတ်လား။ ကိုယ်ကလည်း စူးစူး စိတ်ဆင်းရဲရမယ့်ကိစ္စတွေ ဘာတစ်ခုမှ မလုပ်ဘူး။ ကိုယ့်ကို ယုံကြည်ပေးပါ' ကျွန်တော့်စကားဆုံးတော့ သူ ကျွန်တော့် မျက်နှာကို တွေတွေကြီးစိုက်ကြည့်ပြီး မျက်ရည် တွေ ကျလာပြန်တယ်။ 'စူးစူးရယ် မငိုပါနဲ့၊ မငိုပါနဲ့' ကျွန်တော့်ရင်ခွင်ထဲကို သူ့ကိုယ်လုံးလေးကို ဆွဲထည့်ပြီး ထွေးပွေ့ရင်း မျက်ရည်တွေကို သုတ် ပေးမိတယ်။ 'ဘာလို့ ငိုတာလဲဟင်။ ဘာလို့ ငိုတာလဲ။ ကိုယ်နဲ့ခွဲရမှာကို ၀မ်းနည်းလို့လား။ ဒါမှမဟုတ် စိတ်မချလို့လား' မျက်ရည်တွေ စီးကျနေသော သူ့ပါးပြင်ကို ကျွန်တော့်ပါးပြင်နဲ့ကပ်ပြီး ကျွန်တော် တိုးတိုးမေး မိတယ်။ 'နှစ်ခုစလုံးပေါ့' 'ခွဲတယ်ဆိုတာ ခဏပါကွာ။ ကိုယ်တို့ ပြန်ဆုံ နိုင်အောင် အမြဲကြိုးစားကြမယ်နော်။ ရန်ကုန် သွားတယ်ဆိုတာကလည်း ကိုယ် အပျော်သွား တာမှ မဟုတ်တာ။ ကိုယ့်ဘ၀အတွက် ကိုယ့် တိုးတက်မှုအတွက် သွားတာပါ။ 'ပြီးတော့ ကိုယ့်ကို စိတ်မချဘူးဆိုတဲ့ အတွေးကိုလည်း ခေါင်းထဲက ထုတ်ပစ်လိုက်။ အဲဒါ ကိုယ့်ရဲ့သိက္ခာကို မယုံကြည်ရာရောက် တယ်။ ကိုယ့်ကို စော်ကားရာရောက်တယ်လို့ စူးစူး တွေးမိရဲ့လား' 'မဟုတ်ပါဘူး။ အဲဒီလို သဘောမျိုး မဟုတ်ပါဘူး ကိုရယ်' 'ယောက်ျားလေးတွေ ပေးနေကျ အကြောင်းပြချက်တစ်ခုဖြစ်တဲ့ လူချင်းအနေဝေးနေလို့ အနေနီးသူ တစ်ယောက်ယောက် အပေါ်မှာ တိမ်း ညွတ်မိတယ်ဆိုတာမျိုး ဖြစ်မှာကို စိုးရိမ်လို့ပါ ကိုရယ်။ ကိုယ့်ဘက်က မဟုတ်တောင် တစ်ဖက် သားက စလာတဲ့အခါ ရှောင်ရခက်နေမယ့်အဖြစ်မျိုးတွေကို တွေးမိပြီး စိတ်ပူနေမိတာပါ' 'အမယ်လေးဗျာ၊ အဲဒီလောက်ထိ စိတ်မပူပါနဲ့။ ဒီလိုဆို ကိုယ်ကရော စူးစူးကို စိတ်မပူရတော့ဘူးလား။ စူးစူးကိုရော ကိုယ် စိတ်ချလက်ချ ထားခဲ့လို့ရပါ့မလား' ကျွန်တော့် ရင်ခွင်ထဲကနေ သူ အသာရုန်း ထွက်လိုက်တယ်။ ပြီးတော့ ကျွန်တော့်မျက်နှာကို စိုက်ကြည့်ပြီး ပြောတယ်။ 'ဘာလို့ အဲဒီလို ပြောရတာလဲဟင်။ စူးစူး ကို စိတ်ချပါလေ။ စူးစူးဘ၀မှာ ကိုတစ်ယောက် တည်း ရှိတယ်ဆိုတာ သိနေရက်သားနဲ့' 'စူးစူးက ကိုယ့်ကို စိတ်မချသလို ကိုယ်က လည်း စူးစူးကို စိတ်ပူခွင့် ရှိနေတာပဲ မဟုတ် လား။ ပြီးတော့ စူးစူးအလုပ်က ဟိုတယ်မှာဆို တော့။ လူပေါင်းစုံနဲ့ နေ့စဉ်တွေ့နေရတာ မဟုတ် လား။ လူတွေက ယုံရတာ မဟုတ်ဘူး။ လူတိုင်း ကို သတိထားပြီး ဆက်ဆံပါကွာ။ ဘယ်သူ့ကိုမှ မယုံနဲ့။ အထူးသဖြင့် ဘယ်ယောက်ျားကိုမှ မယုံနဲ့ ကြားလား' ကျွန်တော် စိုးရိမ်စိတ်ပူစွာ ပြောတော့ သူ ကျေကျေနပ်နပ် ပြုံးပါတယ်။ ပြီးတော့ 'တော်ပြီ၊ တော်ပြီ တစ်ယောက်ကို တစ်ယောက် စိတ်မချဖြစ်ပြီး စိတ်မဆင်းရဲ ကြေး။ ကိုယ်လည်း စူးစူးကို စိတ်မပူနဲ့။ စူးစူး လည်း ကို့ကို စိတ်ချနေမယ်နော်... နော' သူ့နဖူးလေးကို ကျွန်တော် ညင်သာစွာ နမ်း မိပါတယ်။ သူက ကျွန်တော့်ရင်ခွင်ထဲကို တိုးဝင်လာ တယ်။ နှုတ်ဆက်အနမ်းမိုးတွေ ခြွေမိကြတယ်။ 'ကိုလည်း ကို့အလုပ်ထဲမှာ အတော်ဆုံးဖြစ် အောင် ကြိုးစားရမယ်နော်' 'အင်းပါ' 'ဘယ်ကောင်မလေးကိုမှ စိတ်မ၀င်စားရ ဘူး' 'အင်းပါ' ဒီလိုနဲ့ နောက်ရက်မှာ ရထားနဲ့ ရန်ကုန်ကို ကျွန်တော် ထွက်လာခဲ့တယ်။ရထားပေါ်မှာ ပရင့်ထုတ်ထားတဲ့ စာရွက် ပေါ်က သီချင်းစာသားကို 
ထုတ်ကြည့်ပြီး ကျွန်တော် ကြေကွဲနေမိတယ်။ သူ ကျွန်တော့်ကို မေးတဲ့မေးခွန်းတစ်ခု ကိုလည်း ဖြေနိုင်ဖို့ ကြိုးစားရင်းနဲ့ပေါ့။ကျွန်တော် ရန်ကုန်မှာ ဘာသွားလုပ်မှာ လဲ။ ကျွန်တော့်ရဲ့ ရည်ရွယ်ချက်က ဘာလဲ။ ကျွန်တော့်ရဲ့ ရည်မှန်းချက်က ဘာလဲ ဘုရင့်နောင်လို ဖောင်ဖျက်ပြီး ထွက်လာခဲ့ တာလား။ ဒါမှမဟုတ် မတည်ငြိမ်သေးတဲ့ စိတ်အတွေးတွေကို ပိုက်ပြီး စိတ်ကူးယဉ်ဆန်တဲ့ ဘ၀တစ်ခုကို တည်ဆောက်ဖို့ ကြိုးစားနေတာလား။ မေးခွန်းတွေ။ ကျွန်တော် ကြောက်တဲ့ မေးခွန်း တွေကို ကျွန်တော် ဖြေနိုင်ရမယ်။မေးခွန်းတွေကို ကြောက်နေရင် ကျွန်တော် ဘယ်လိုခရီးဆက်မလဲ။ ဘ၀မှာ ဘယ်လိုလမ်း ဆက်လျှောက် မလဲ။ ကျွန်တော် ဘယ်သူ့အတွက် အသက်ရှင် နေတာလဲ။ကျွန်တော့်ကို မွေးဖွားခဲ့တဲ့၊ ကျွေးမွေးပြုစု ပျိုးထောင်ပေးခဲ့တဲ့၊ ပညာတွေသင်ပေးခဲ့တဲ့ ကျွန်တော့်မိဘနှစ်ပါးအတွက်လား။ဒါလည်း မဟုတ်နိုင်ဘူး ထင်ပါရဲ့။ သူတို့ အတွက် အသက်ရှင်နေတာ မဖြစ်နိုင်ဘူး။ ဘာ ကြောင့်လဲဆိုတော့ သူတို့လျှောက်စေချင်တဲ့ လမ်းကို ကျွန်တော် မလျှောက်ခဲ့ဘူး။ကျွန်တော် သံယောဇဉ်ကြီးတဲ့ ညီအစ်ကို မောင်နှမတွေအတွက်လား။ ဟင့်အင်း။ အခု အချိန်အထိ သူတို့ကို ကျွန်တော် ဘာတစ်ခုမှ တာဝန်မကျေသေးဘူး။ ဒါဖြင့် ကျွန်တော့်ချစ်သူအတွက်လား။ ဒါလည်း မဖြစ်နိုင်ပြန်ဘူး။ ချစ်သူနဲ့ ဝေးရာ ကို ကျွန်တော် ထွက်ပြေးနေပြီလေ။ ဒါဖြင့် ကျွန်တော်ဟာ မေတ္တာတရားနဲ့ ချစ်ခြင်းမေတ္တာအတွက် ရှင်သန်နေတာ မဟုတ်ဘူး။ ဒါဖြင့် ကျွန်တော့် အိပ်မက်တွေအတွက် အသက်ရှင်နေတာလား။ အိပ်မက်တွေက ဘာလဲ။ အဲဒီအိပ်မက်တွေကို တည်ဆောက်တဲ့အခါ အခက်အခဲ၊ အတားအဆီးတွေ ကြုံလာရင် ကျွန်တော် ဘယ်လို ဖြေရှင်းမလဲ။ ကျွန်တော် နောက်ပြန်လှည့်ပြေး မလား။ဘာတွေကို ကျွန်တော် ကြိုတင်ပြင်ဆင် ထားရမလဲ။