ခါတိုင်းလျှောက်နေကျလျှောက်လမ်းတွေနဲ့မတူတဲ့အတွက် ကျွန်တော်နဲ့ဇာတိတို့ ခလုပ်တိုက်မိကြတယ်။ ဒီတော့ . . . ကျွန်တော်တို့မှာ ရှိသမျှ စကားလုံးတွေ ၊ နိမိတ်ပုံတွေ ၊ အယူအဆတွေ လွတ်ကျကုန်တယ် . . ပြန့်ကျဲသွားပါတယ်။ အခက်အခဲတွေကြားက နှစ်စိတ်ခွဲပစ်လိုက်မိတဲ့ “နှစ်ကိုယ်ခွဲကဗျာ” ကိုရေးမိကြ။ ခပ်မိုက်မိုက် ခပ်ကန်းကန်းရေးတဲ့ မိုက်မိုက်ကန်းကန်းကဗျာ . . . . ကျွန်တော်တို့နှစ်ယောက်မှာ ပြောစရာ သိပ်မရှိခဲ့ပါဘူး။ ခံစားကြည့်ကြပါဦး။

နှစ်ကိုယ်ခွဲကဗျာ

            မနက်ဖြန်ဟာ ဒီနေ့မနက်ကိုယ်တိုင် ဖြစ်နေတာပဲလို့ . . . . . .

တိုင်တည်မိတော့

                        ငါဟာ . . . . .

            စိတ်ဝင်စားစရာကောင်းတဲ့ လူဝင်စားတစ်ယောက်ဖြစ်လာတယ်

            နင့်ကိုငါ . . . နင့်ကိုငါ . . . နင့်ကိုငါ . . . နင့်ကိုငါ . . .

            သိပ်မုန်းတာပဲ မိသံစဉ် . . . မိသံစဉ် . . . မိသံစဉ်

အက်ခိုး (echo) သံတွေ တပွေ့တပိုက်နဲ့ ၊ ရုပ်ရှင်ရုံထဲမှာတပ်ဆင်ထားသလို အသံစနစ်နဲ့

                        ယိုင်ယိုင်နဲ့နဲ့သံယောဇဉ်ကို

            အားကောင်းမောင်းသန်ချေဖျက်ခဲ့တယ်

            တကယ်တော့ နင့်ကိုငါ သိပ် . . သိပ် . . သိပ်ချစ် . . . .

                        သိပ်ချစ်တာပေါ့ မိသံစဉ်

            နင်က ငါ့ကိုဆော့ကစားခဲ့တဲ့ ငါ့ရဲ့အရုပ်တစ်ရုပ်ဖြစ်တယ်ဆိုရင် ငါကလည်း ငါ့ကိုယ်ငါ ဆုတ်ဖွာဖြဲပစ်နေတဲ့ ဂျင်းဘောင်းဘီအဟောင်းတစ်ထည်ပဲ

            ငါက . . . နင် ဆော့ကစားရုံသက်သက် ဂျင်းဘောင်းဘီအဟောင်း တစ်ထည်ဖြစ်ရင်

                        နင်ဟာလည်း ငါ ဆုတ်ဖြဲပစ်ချင်တဲ့

            ငါ့ရဲ့ ငယ်ဘဝက အရုပ်ကလေးတစ်ရုပ်ဖြစ်မယ်

            သိပ် . . . မုန်း . . . တယ် . . . မဟုတ်လား မိသံစဉ်

နင်ငါ့ကို တကယ်တော့ သိပ် . . သိပ် . . သိပ်မုန်းတယ်မဟုတ်လား

            အားကောင်းမောင်းသန်သံယောဇဉ်ကို နင် (နင်မို့)

ယိုင်ယိုင်နဲ့နဲ့လေးဖြစ်အောင် ချေဖျက်ပစ်ခဲ့ရက်တယ်

                                    အခုတော့ . .

                        ငါ့အသံစနစ်ကို ရုပ်ရှင်ရုံထဲမှာပဲ တပ်ဆင်ထားလိုက်ရတယ် . . . တပွေ့တပိုက်အက်ခိုးသံတွေနဲ့အတူ . . . .

            မိသံစဉ် . . . မိသံစဉ် . . . မိသံစဉ် . . .

                        နင့်ကိုငါ . . . နင့်ကိုငါ . . . ငါ . . . . ငါ . . . .

                                    “သိပ်    ချစ်    တာ    ပဲ”

            ငါဟာ . . . (နင့်အတွက်) လူဝင်စားတစ်ယောက်လောက် စိတ်ဝင်စားစရာ မကောင်းခဲ့ဘူး

            . . . . .

                        . . . . .

                                    . . . . . .

                                                . . . . . . . . .

            ဒီနေ့မနက်ဟာ မနက်ဖြန်မဖြစ်နိုင်တော့ဘူးလို့

                        (အထပ်ထပ်အခါခါ)

                                    တိုင်တည်မိတယ် ။             ။

             သူရဿဝါ

ရသစာပေအနုပညာဘလော့ဂ်

Http://ThuRaThaWah.MyanmarbloggerS.Info

RelateD LinK >>>  ဇာတိရဲ့ “နှစ်ကိုယ်ခွဲကဗျာ”

Labels: ကဗျာ